احلى طاجن عكاوي او oxtail في الدنيا
HTML-код
- Опубликовано: 15 окт 2024
- طاجن العكاوي بالبصل المكرمل والطماطم
العكاوي الي هي ديل البقره اسمها بالانجليزي oxtail لحمتها طريه وبتدوب لما تستوي كويس وشوربتها تجنن
هنعملها بطريقه جديده وحلوه جدا
الاول هسلقها نص سلقه لانها دسمه جدا وبحب انزل شويه ه الدسم ده
عندي كيلو عكاوي
عندي بصل ابيض وجزر وياريت لو في عيدان كرفس
حبهان وورق لورا وعود قرفه وفلفل اسود حب لو في
ف حله فيها معلقة سمنه واشوح فيها العكاوي ولما تاخد لون احط البصل والجزر المتقطع والكرفس وورق اللورا والحبهان واشوحهم مع بعض
بعدين احط الميه السخنه والفلفل الاسود واسبها نص ساعه كده تتسلق نص سلقه
ف طاسه تانيه على النار وفيهامعلق سمنه هحط اربع بصلات بيض متقطعين جوليان
وعليهم معلقة سكر كبيره وملح
واقلبهم كويس واسبهم يتكرملوا وكل شويه اقلبهم لمدة نص ساعه تقريبا
بعدين احط عليهم معلقة صلصه وطماطميتين مبشورين وفلفل اسود وبابريكا وجوزة الطيب
ومغرفتين من شوربة العكاوي ىاسبها تتسبك خمس دقايق كده
في الطاجن بقى الي هيدخل الفرن احط العكاوي من غير شوربه وعليها الصوص الي عملناه ولو حستها محتاجه شوربه ازود مغرفه او اتنين
واخر حاجه ههمل تقليه ري بتاعة الملوخيه توم وسمنه وكسبره
احطها فوق الوش واغطيها ىادخلها الفرن ساعه
اشيل الغطا واسبها تتحمر عشر دقايق تحت
الشوايه الطريقه دي ممكن تتعمل مع لحمه عاديه ومع الكوارع وبالهنا والشفا
![Oscar Maydon x Fuerza Regida - Tu Boda [Official Video]](http://i.ytimg.com/vi/_ymicn0_GYc/mqdefault.jpg)
حبيييت....اكلتي المفضله
كل وصفاتك تحفة والحاجة من ايديك شكلها يجنن ... ربنا يحسن مابين ايديك
تسلميلي ربنا يخليكي ❤️