قاعده عاديه للحمام. ولا القاعده المعلقه افضل ؟؟ وازاي تقرر الانسب ليك
HTML-код
- Опубликовано: 28 авг 2024
- هنتكلم عن الفرق بين التواليت المعلق والتواليت العادي بإختصار..
التواليت العادي هو اللي متعودين عليه، في منه الملاصق للحائط من أسفل وفي منه المفتوح (زي الصور).
الأحلى والأكثر عملية هو الملاصق للحائط لأنه بيداري على شكل ماسورة الصرف غير انه أنضف لأن مفيش مياه بتتجمع وراه ومش بيحتاج تنضيف كل شوية.
الغير ملاصق بيكون عادةً سعره أقل وبنحتاجه فنياً في حالات نادرة زي تحريك التواليت كذا سم بعيد عن الصرف أو السباك معملش المحبس الخاص به ناحية اليمين.
التواليت المعلق هو الجديد والشيك وعملي أكتر، في منه نوعين، المعلق بخزان مدفون ومعلق بخزان خارجي.
الخزان المدفون بنكسر له في الحائط (الطوب الأحمر) أو بنركبه على الحائط ونبني حوله ولازم صرف التواليت اللي داخل من الخارج من برا المبنى يعلى على ارتفاع معين (غير التواليت الأرضي).
لو جايب سيراميك حلو هيبان لعدم وجود خزان يداريه غير ان ممكن يتعمل رف يستخدم كديكور.
التواليت المعلق بخزان خارجي لازم الصرف يعلى كمان لكن بيتثبت بشاسيه حديد يتعلق فيه.
في الحالتين لازم تأسيس قبل السيراميك مع السباكة والأرقام بتثول ان المعلق يتحمل من ٤٠٠ ل ٤٢٠ كيلوغرام.
باب خشب عموله بأرخص سعر. وازاي تنفذ الباب الخشب
ruclips.net/video/JlfPxpmd3ao/видео.html
الجيبسوم بورد ازاي تنفذه صح وتحسب كمياته بالطريقه دي هيوفر معاك
ruclips.net/video/rfGULabcWVo/видео.html
تكلفه تشطيب شقه ١٠٠ متر وسعر المتر في باقات التشطيب
ruclips.net/video/_Jq_Wrk2grk/видео.html
لا إله إلا الله وحده لا شريك له له الملك وله الحمد وهو على كل شيء قدير
جزاكم الله خيرا
احسن شيء في القاعده المعلقه النظافه تحت القاعده سهله
اكيد
تسلم يا هندسة .. جزاك الله خيرا
🙏🙏
القاعدة اللى لازقه فى الحيطه محبس الزاويه اللى بيغذى الكومبنشن بيتوصل بيها ازاى هل بيكون مدارى جواها مع سوستة المنيجه؟؟؟
بالله عليك عوزة اعرف انا عندي قاعدة الصرف بتاعها في الارض عوزة اغيرها
طيب الخزان الداخلي ده بتاع القاعده المعلقه لو خصل فيه مشكله بتتكسر الحيطه علشان يتصلح؟
لا بيتصين عادي من غير تكسير
سؤال معلش هل فعلأ قاعده الحمام الاسود بتجير مع الاستخدام ؟ وطريقه للتنضيف ازاي؟
لا طبعا. زيها زي الابيض
ليه المعلقه محتاجه صيانه كل فتره ايه السبب وصيانه لايه؟؟؟
صيانه دوريه للخزان فقط. علشان ميتراكمش فيه املاح
صيانة دورية للخزان ازاي برضو؟@@Melshamy
استاذنك يا باشمهندسة أصلب واقوي نوع جرانيت ايه بالترتيب من الأقوى الي الأدنى
معظم انواع. الجرانيت قويه جدا. و اقواها الجالاكسي و الدبل بلاك و الاسود الاسواني
صيانة القاعدة المعلقة زي ايه مثلا؟
وايضا لما ببني حوالين القاعدة هل البناء ده مايفصلش بعد كده لان مافيش طرف رباط يربط المباني الجديدة بالقديمة؟
صيانه للخزان علشان ميتراكمش فيه املاخ
المباني دي بتنجلد سيراميك مع الحائط و بيتعملها طرف رباط عادي
@@Melshamy يعنى الصح تتربط مع الجدار القديم؟ ولا مش شرط وكفاية المحارة وتجليد السيراميك ؟
هل يوجد مرحاض مزيج بين عادي والمعلق يعني ارضي ومعه الشطاف منه وفيه؟
مش فاهم
فيه حمام افرنجي والشطاف بنفس الحمام وهذي شفتها منتشرة في مصر واشتريت قبل شهرين من جدة
هل فى حاله وضع القاعده بعيد عن المنور او الصرف الخارجى بتحتاج رفع منسوب ارضيه الحمام
اكيد علشان الميول
طب و الصيانه
معلش انا سمعت لحضرتك فيديو عن الجرانيت وحضرتك مجبتش سيره الجندولا ممكن حضرتك تفيدنى للسلم
هو متوسط بالنسبه للدرج. استخدامه اكتر في المطابخ
@@Melshamy ايه الأفضل للدرج
@@mayelzhar6856 رمادي شركه. سعره اقتصادي وكويس للدرج. و الحلايب و الڤيردي
طب ايه افضل نوع للقواعد المعلقه
ديوراڤيت و ايديال ستاندارد
ممكن رقم حضرتك اسأل في حاجه
الي بيجلس على كرسي الحمام بينزل في الأرض ويخرب بسرعه وخاصة الوزن الثقيل
ده مين اللي قالك كده؟؟؟
كام متوسط سعر المعلق لو سمحت
حوالي ١٠ الاف القاعده و الشاسيه
سعره كام المعلق
شامل الخزان الدفن من عشره ل 15
@@ahmedelsayyad4709 انا قدامى قاعدة معلقة بالشاسية 6500ليسكو احسن ولا النوع دة وحش
👏👏👍
ممكن سؤال مهم جدا الوقت. عايزه انقل مكان العقده وممنوع ف المساكن النا فيها لانها جديد تغير وجه العماره وتغير المكان لصرف السباك بيقولى ممكن اعملك الصرف تخت السيراميك وانقلك العقده هل. ف مشكله لو المصوره تخت البلاط وتعمل تسريب او. مشاكل لان هنقلها من قدام الباب لغايه الشباك
اه ممكن تتعمل تحت السيراميك لو الارتفاع يسمح. و الاهم انه يعمل ميول قوي لان دي هتبقي ماسوره ٤ بوصه
مش. هطلع. ريحه. ولا هتنقع صح ربنا. يطمنك لان مكان التوليت مضيقنى طيب العقده ال ف الفيديو. دى ال عايزه اجيبها تعرف سعرها حاليا مش المعلقه التانيه وعايزه اسال حوض هانز كويس كورى ولا تركى والحافه بتاعته كويسه ولا لاء وكابينه الشاور عامله كام لان نفسى فيها بس بسمع اسعار خياليه فشكلى هغير رائ واجيب بانيو
@@user-rx4xb6xg8h القاعده الديوراڤيت سعرها ٨٠٠٠ تقريبا
للاسف الشديد لم تذكر سعة الخزان الليترية داخل الحائط ونظيرة الخارجى او متوسط احمال القواعد المعلقة من الوزن !!!!!!!!!!!!!!!!!!!
سعه الخزان مختلفه علي حسب النوع. حمل القاعده المعلقه برضو علي حسب النوع من ٣٠٠ ل ٥٠٠ كيلو
بحس القاعده المعلقه حجمها صغير ومش مريحه
هو احساس بس ان حجمها صغير علشان الخزان بتاعها مش باين زي القاعده العاديه. لكن بيبقي حجمها كبير عادي
كل مقاساتها ٢٢ و٢٣ مافيش منها مقاسات كبيرة
@@noranajm2943 ايوه طبعا هي مش هتبقي بنفس مقاس القاعده العاديه