صوب الجبل خلي الزجل يطلع حد الروابي مطلع ومطلع يا إبن الغرب يا إبن الجرد والشوف يا إبن المتن كفي من المصنع ع تلال وادي التيم طل وشوف الجولان روعة والجبل أروع، ون نسيت لا تنسى وطن مخطوف فلس طين، فيها المعتدي فظع، لكن الدرزي ولو قسيت الظروف بيرجع بيشق الليل وبيلمع. تاريخنا معروف منو غروف وعبي جرارك عز وتمتع، تاريخنا مسلم مسيحي الأوف مغنى مقامه الكل عميجمع، الكلمة محبة والجميع حروف وكل حرف اغنى وأجمل وأبدع. كل ما الوطن يشمخ يا أرز إحلوف هدد اتوعد دل بالأصبع شعبك سهل بالخير عمبيطوف لكن صخورو من الدهر أمنع، شعبك معود ينصر الملهوف وإلا طريق الشر ما بيقطع، لأجل الكرامة عيشتو بعوف ولولا انظلم ما إحتاج يتسكع، رفوف تعلا وبعد منها رفوف بتنقل مجد من موضع لموضع، هاودي رجالك شوف عالمكشوف وراقهن الحكمة والعقل مبدع، وراقون وفاء وراقون سخاء وكفوف للحلم مقطع للغضب مقطع، هودي ورق صبير مش ملفوف، البيدق فيهن صرختو بتطلع، هاودي ورق غالي، دهب مرصوف من جوهر ألحق إلي ما بيخدع، التوحيد عندن عالعقل معطوف، الإيمان قلب والفكر أوسع، بيضل قلبهن بالوطن مشغوف وبتضل أرضهن للشرق مقلع، ما بتنفع القوة وضرب السيوف بس الهداوه معهن بتنفع. لا يكركبو علينا صور ورفوف ويجوزو العليق للنعناع، ولا يركبوا فوق العيون أنوف ويطلعو تاريخنا مرقع، ولا يصورونا قرقعة وصفوف وجوقة صريخ موصل مقطع، لا اسمنا طبشور حتا يحوف ولا المجتمع بالون تا يفقع، نحنا اتسمينا ''بني معروف'' إلي ما سمع يتفضل ويسمع. نحنا أصل ثابت ما جينا ضيوف، تاريخنا بحق الوطن مرجع، بلفات بيضاء هالجبل ملفوف وشاش أنقى وأطهر وأنصع... عفة وطهارة ومكرمة ومعروف... الدرزي...من الذوق والأخلاق ما بيشبع، متل النحل منو العسل مقطوف لكن تيحمي المملكة بيلسع، الدرزي أصيل وأصلوا معروف منو أصولي ولا إنعزالي... الدرزي وجودو بالخطر محفوف، مقاوم من كتر ما إتلوع إتمنع، متل الأرز ما بتقشعو مكتوف، متل النهر بيحن للمنبع، ما بيوجعو يفدي الوطن بألوف، جرح الكرامة أكتر بيوجع. بيجوز يركع عحصيرة صوف يصلي لربو ويخضع ويخشع... وبيجوز تيحمي الحمى المكسوف يركع يسد بلفتو المدفع، بيعيش عمره حافظ ل المألوف، لا بيعتدي ولا بيقبل العدوان وإلا لرب الكون ما بيركع.
ما في كلام يوصف ثقافتك وبلاغة كلامك وشعرك والفاظك الحلوة
جبل لبنان هو جبل الخلود. من كانيبرا استراليا أجمل تحية الى اهلنا في لبنان..
الله يقويك يا اروع شيخ بالعالم هيك بدنا ناس تمثلنا
يسلم ملافظك شيخنا ونحن بنكبر بكلامك يطول بعمرك ويخليلنا ياك عميد الادب
الشيخ سامي انت الاسمى انت الاوفى انت ملك ما في كلام اوصفك
تاج عا راسي انت يا شيخ..يسلم ملافظك
Proud more than words can tell !!! GOD bless you❤
رائع الشيخ السامي
صوب الجبل خلي الزجل يطلع حد الروابي مطلع ومطلع
يا إبن الغرب يا إبن الجرد والشوف يا إبن المتن كفي من المصنع
ع تلال وادي التيم طل وشوف الجولان روعة والجبل أروع،
ون نسيت لا تنسى وطن مخطوف فلس طين، فيها المعتدي فظع،
لكن الدرزي ولو قسيت الظروف بيرجع بيشق الليل وبيلمع.
تاريخنا معروف منو غروف وعبي جرارك عز وتمتع،
تاريخنا مسلم مسيحي الأوف مغنى مقامه الكل عميجمع،
الكلمة محبة والجميع حروف وكل حرف اغنى وأجمل وأبدع.
كل ما الوطن يشمخ يا أرز إحلوف هدد اتوعد دل بالأصبع
شعبك سهل بالخير عمبيطوف لكن صخورو من الدهر أمنع،
شعبك معود ينصر الملهوف وإلا طريق الشر ما بيقطع،
لأجل الكرامة عيشتو بعوف ولولا انظلم ما إحتاج يتسكع،
رفوف تعلا وبعد منها رفوف بتنقل مجد من موضع لموضع،
هاودي رجالك شوف عالمكشوف وراقهن الحكمة والعقل مبدع،
وراقون وفاء وراقون سخاء وكفوف للحلم مقطع للغضب مقطع،
هودي ورق صبير مش ملفوف، البيدق فيهن صرختو بتطلع،
هاودي ورق غالي، دهب مرصوف من جوهر ألحق إلي ما بيخدع،
التوحيد عندن عالعقل معطوف، الإيمان قلب والفكر أوسع،
بيضل قلبهن بالوطن مشغوف وبتضل أرضهن للشرق مقلع،
ما بتنفع القوة وضرب السيوف بس الهداوه معهن بتنفع.
لا يكركبو علينا صور ورفوف ويجوزو العليق للنعناع،
ولا يركبوا فوق العيون أنوف ويطلعو تاريخنا مرقع،
ولا يصورونا قرقعة وصفوف وجوقة صريخ موصل مقطع،
لا اسمنا طبشور حتا يحوف ولا المجتمع بالون تا يفقع،
نحنا اتسمينا ''بني معروف'' إلي ما سمع يتفضل ويسمع.
نحنا أصل ثابت ما جينا ضيوف، تاريخنا بحق الوطن مرجع،
بلفات بيضاء هالجبل ملفوف وشاش أنقى وأطهر وأنصع...
عفة وطهارة ومكرمة ومعروف... الدرزي...من الذوق والأخلاق ما بيشبع،
متل النحل منو العسل مقطوف لكن تيحمي المملكة بيلسع،
الدرزي أصيل وأصلوا معروف منو أصولي ولا إنعزالي...
الدرزي وجودو بالخطر محفوف، مقاوم من كتر ما إتلوع إتمنع،
متل الأرز ما بتقشعو مكتوف، متل النهر بيحن للمنبع،
ما بيوجعو يفدي الوطن بألوف، جرح الكرامة أكتر بيوجع.
بيجوز يركع عحصيرة صوف يصلي لربو ويخضع ويخشع...
وبيجوز تيحمي الحمى المكسوف يركع يسد بلفتو المدفع،
بيعيش عمره حافظ ل المألوف، لا بيعتدي ولا بيقبل العدوان وإلا لرب الكون ما بيركع.
وإلا لرب الكون ما منركع