شيلة أهل الفعول النايفة (مهداة لـ هجر البرازي) - كلمات: عبدالرحمن بن حسين السند - أداء: غزاي بن سحاب

شيلة: أهل الفعول النايفة ( مهداة لـ هجر صعفق البرازي)
كلمات: عبدالرحمن بن حسين السند
أداء: غزاي بن سحاب
يا مرحبا تعداد ما هلّ المطر
وإعداد ما عدوا شواعير الملا
باللي لفى للحفل من بدو وحضر
بالكل أرحب والدلال مهيّلا
والعود الأزرق قدموا وأزكى العطر
والنار ما تطفي هلا ثم مسهلا
غزاي جر الصوت يا جعلك ذخر
هد اللحون مشوّشه ومزلزلا
يَ اعيال صلفٍ ماجدٍ ما ينكسر
امنوخين الكايده عند البلا
أهل الفعول النايفة وأهل السطر
وأهل الكرم وأهل المراحب والهلا
هجر ليا حل المحل هجر هجر
كل النعم ما كفته لين امتلى
حاتم يمين وموقفه يبطر فخر
وإن قال تم ماعقّب القوله بـ لا
من روس برزان الصوارم والظفر
القرم أبو مشعل عريب المرجله
اللابه اللي تشرب الدم الحمر
قومٍ على العادي ترده للخلا
من قاشر البرزان يبشر بالقشر
والواصليه بالسيوف تعدلا
المتعبين الخصم ما والله قدر
غريمهم في فعلهم مِنْ يبتلى
لا دقت طبول اللوازم والخطر
تباشروا بالموت وسط المقتلا
في آخر أبياتي أقول المختصر
عشتم وعاش العود راعي الأوله
مبروك يا خال الكرم زين الذكر
عساهِ مبروك الفرح وإمْـكَـمّلا