Иннновац шингэсэн их бүтээн байгуулалт - Тавантолгой-Гашуунсухайтын төмөр зам

Тавантолгой-Гашуунсухайт чиглэлийн төмөр замыг “Тавантолгой төмөр зам” компанийн захиалгаар “Бодь интернэшнл” компани хийж гүйцэтгэсэн бөгөөд 100 хувь монголчуудын гараар боссон мега төсөл гэдгээрээ онцлогтой.
Цар тахал, хил гаалийн хориг зэргээс шалтгаалан гаднын улсын компаниудаар гүйцэтгүүлэхээр төлөвлөж байсан инженерийн нарийн хийцлэл бүхий зарим ажлыг монголчууд өөрсдийн гараар бүтээсэн. Дохиолол холбоо, хориглолын систем, зам төмрийг уулзваргүй болгох гагнуурын технологи, хөдлөх бүрэлдэхүүн зэрэгт шинэ инноваци нэвтрүүлсэн.
Төслийн бүтээн байгуулалтын ажил 2020 оны 3-р сард эхэлсэн ба анхны туршилтын тээврийг 2022.07.09-нд хөдөлгөн, 2022.09.09-нд үндсэн тээвэрлэлтийг эхлүүлсэнээр тус төмөр замыг товолсон хугацаанд нь ашиглалтад оруулж Монгол Улсын Ерөнхийлөгч албан ёсоор нээв.