ΜΩΜΟΕΡΙΑ-ΜΩΜΟΓΕΡΟΙ

Στίχοι: Παραδοσιακό
Μουσική: Παραδοσιακό
Περιοχή: Πόντος
Τα μομοέρ(ε)α εξέβανε
τα Φώτα τ’ Αϊ Γιαννί
Ατοίν χωρία λάσκουνταν
αρ’ άμον παλαλοί.
Μομό(γ)ερος θα ίνουμαι
και με τα κωδωνόπα
Θα λάσκουμαι μεσανυχτί
και γνεφίζω κορτσόπα.
Οι μομο(γ)έρ’ εξέβανε
τα Φώτα τ’ Αϊ Γιαννί
Να αλί τη μαυρομάναν ατ’
εμάς που κι θα δι.
Όλ αγαπούνε τον αράπ
εγώ τον κοντζαμάνον
Την νύφε την πεντάμορφον
θα παίρ’ ατέν ο χάρον.
Μομό(γ)ερος θα ίνουμαι
πάντα πασκείμ θα είμαι
Θα βάλω τα διαβολικά μ’
και με τ’ εσέν θα κείμαι.
Μομό(γ)ερος θα ίνουμαι
και θα μομοερεύω
Τα έμορφα τα κορτσόπα
όλια θα καντουρεύω.