تجربتي في رأس البر
HTML-код
- Опубликовано: 25 авг 2024
- مصيف رأس البر من أجمل المصايف الشعبية على البحر المتوسط .
حجزت ٤ تذاكر بالقطار درجة مكيفة ب٢٠٠ جنيه .
نزلنا محطة دمياط وخدنا تاكس ب ٦٠ جنيه لحد الشقة.
نزلنا الشنط ودخلنا الشقة وربنا كل حاجة واتغدينا وبعد العصر رحنا للبحر ونزلنا شاطئ ١٠١ وهو شاطئ نظيف به خدمات وعرية إسعاف ومناسب للأسر وخاصة الأطفال لأنه شاطئ مستوي ليس به نزلات فهو آمن على الأطفال .
وبعد العشاء ركبنا الطفطف به جنيه الواحد ورحنا شارع النيل وهناك محلات بلبول بيتزا وفطائر وحلويات شهية الطعم ومشينا لحد اللسان وممشى رائع وهادئ على النيل .
وكمان عملنا رحلة نيلية وكانت من رأس البر إلى دمياط لمدة ساعتين والأطفال مجانا والفرد ٢٠ جنيه.
وهناك مجموعة شباب على المركب قدموا عروض حلوة ولعبوا مع الأطفال وقضينا وقت جميل الحقيقة .
والشاطئ فى فترة الصباح الباكر جميل لحد ظهور الشمس قعدة حلوة والدنيا هادية وفيها متعة الحقيقة.
وكان لازم نحو منطقة اللسان وناخد فيها كام صورة حلوة ونشاهد معجزة تقابل المياه العذبة بندر النيل مع المياه المالحة بالبحر المتوسط وهناك المنظر جميل جدا يستحق الزيارة .
وهناك فى شارع ١٠٣ ووتر بارك مدية العاب ترفيهية وألعاب مائية جميلة وسعر الاشتراك الطفل ١٠٠ جنيه لمدة ساعتين .
الرحلة كانت جميلة وأهل رأس البر ناس بشوشة تساعدك وترحب
بك وانا وأسرتي استمتعنا برحلة رأس البر فهو مصيف يستحق الزيارة .
رحلة سعيدة أستاذنا الغالي ،، أسعد الله حياتكم بالستر والبركة
تسلم حبيبي وتعيش دكتور أحمد ربنا يحفظكم سيدي
احلى المصايف🌹🌹🌹
استاذ عمرو وحشنى جيدا والله اى الفيديوز القمر دى😂❤❤❤❤
دا أنت ِ اللى قمر
ربنا يخليكي يا أحلى مريومة فى الدنيا
ما شاء الله بس ياريت تحذف الموسيقي حرام وستأخذ وزر كل من يسمعها لقول النبي صل الله عليه وسلم..ليكونن من أمتي يستحلون الحلي والحر والحرير والمعازف.
بالأمانة الشقه النظيفه كام في اليوم لو سمحت
تحياتى لحضرتك
هو حسب الوقت بمعنى لحد أول شهر ٧ اليوم ب٢٠٠ جنية بمنتصف الشارع قريب من السوق والبحر أيضا أما شهر ٧و٨ بتزيد أكيد دا سيزون
لا يجوز الحلف بالأمانة قال صل الله عليه وسلم..من كان حالفا فليحلف بالله أو ليصمت..وقال صل الله عليه وسلم..من حلف بغير الله فقد أشرك.صدق رسول الله صل الله عليه وسلم وكفارة ذلك قول لا إله إلا الله
كنت تخدنى معاك يا مستر عمرو مكنتش هعمل صوت والله 😂
عسل يا فاطمة تنورينا طبعا يا فاطمة
@@amralhadary5894 شكراً يا مستر
راس البر جميلة لكن المايه وحشة جدا
تحياتي لحضرتك
بص الميه الصبح بدري جميلة روح الوقت دا ولاحظ حضرتك أن دا شاطئ عام اما فى شاطئ النخيل أو القوات المسلحة الشاطئ هناك تحفة بس للأسف الفرد ٥٠٠جنيه متسألنيش ليه؟
@@amralhadary5894 تقصد حضرتك ٥٠ جنيه
ميعاد القطر من الزقازيق مباشر لدمياط الساعه كام لو سمحت وهل في قطر من دمياط للزقازيق كمان ولا نرجع ازاي لو رحله يوم واحد ياريت ترد عليا وشكراً مقدما
تحياتي لحضرتك
القطر كان الساعة ٧ من الزقازيق لدمياط أما عند الرجوع مفيش للأسف للزقازيق لكن بنها ١ الظهر وتنزلى هتلاقى قطار المحطات للزقازيق مباشرة وانا عملت كدا
لو سمحت ادينا فكرة عن اسعار الشقق
أنا آسف على التأخير فى الرد حضرتك قبل شهر ٧ تقدري تحصلي شقة كويسة وقريبة من السوق والبحر فى وسط الشارع مثلا ب ٢٠٠ فى اليوم أما بعد كدا سيزون بتزيد أكيد
الشقه اللي حضرتك نزلت فيها كانت صف اول على البحر يعني سعرها كم وهل دخول الشاطئ بفلوس
لأ كانت بعيدة شوية عن البحر ٢٠٠ جنيه اليوم فى شهر ٦ ممكن تحصل السعر دا وقريب من البحر كمان ودخول الشط مجانا وتقدر ب١٠٠ تاخد ٤كراسي وشمسية غير يوم الجمعة
تحياتي لحضرتك
@@amralhadary5894 شكرا لذوقك وردك
استاذنا هو سعر الشقه في اليوم بكام
قبل شهر ٧ تقدر تحصل شقة ب ٢٠٠ جنيه فى وسط الشارع قريب من الشاطئ والسوق أما فى ٧و٨ بتزيد عشان دا سيزون توصل ٣٠٠ مثلا
@@amralhadary5894 شكرا جزيلا
@@gamalsamy4944 حبيبي تكرم مرور حضرتك على القناة أسعدني
@@amralhadary5894 وانا أسعدت كثيرا