ШАҲИДИ 22-СОЛА, МУҶАРРАД ВА ПАҲЛАВОН...

ШАҲИДИ 22 СОЛА, МУҶАРРАД ВА ПАҲЛАВОН
Ӯ ҳамагӣ 22-cол дошт.
Як ҷавони хушқаду қомат, паҳлавон ва вазнаш аз 100 кило боло. Ҳамеша шухӣ мекард ва механдид, ки ин дар аксҳояш баръало мешоҳида мешавад. Бо ёру рафиқонаш селфӣ мегирифту ба инстаграмаш мегузошт. Махсусан, хатми донишгоҳашро хеле хотирмон гузаронд.
Раҳматшоҳи Шамсизод 26-уми июни соли 2000 дар деҳаи Меҳрободи ҷамоати деҳоти Гулистони ноҳияи Восеъ таваллуд шудааст.
Соли 2017 муассисаи таҳсилоти миёнаи умумии-№4 ноҳияи Восеъро хатм намуда, худи ҳамон сол ҳуҷҷатҳояшро ба Донишгоҳи олии сарҳадии КДАМ-и Ҷумҳурии Тоҷикистон супурда, ба сафи курсантҳои донишгоҳ шомил гардида буд.
Ӯ то ба дараҷаи лейтенант расид.
Падараш амаки Кишен яке аз сарсупурдаҳои миллат аст. Ӯ аз аввалин нафароне ҳаст, ки барои мақоми давлатӣ гирифтани забони тоҷикӣ, барои соҳибистиқлол гардидани Тоҷикистон садо баланд карда буд.
Албатта аз чунин шахсияти миллатдӯст ва меҳанпараст фарзанди далеру шуҷоъ мебарояд, тарбиятдидагони ин гуна падарон тайёранд, ки ҷони худро барои ин хок, ин сарзамин фидо намоянд.
Ӯ аз фарзандаш бо алам ва ашк ёд мекунад.
Ҳама ҳамдеҳагону ёру рафиқон ба хонааш меомаданд ва дӯо мехонданд.
Ҳини баёни арзи тасалият раиси ноҳияи Восеъ Ҷамшед Шарифзода ва муовини раиси вилояти Суғд ба хонаи ин шаҳиди ғурамарг ворид шуда, дар ҳаққаш дӯо хонданд.
Ӯ ҳанӯз муҷаррад буд ва ният дошт, ки оила барпо кунад, аммо душмани касифу беимон ин орзуи ӯро ба хок бурд. Раҳматшоҳи Шамсизод санаи 16-уми сентяби соли равон дар ҳимояи марзи кишварамон бар зидди қирғизҳо қаҳрамонона шаҳид шуд. Ӯ аз тири тайёраҳои бесарнишин ҷароҳат бардошт ва дар ҳоле ки ҳама ҳамроҳонаш мурда буданд, ӯ худро кашолакунон аз ҷойи ҳодиса тайрибан ба 100 метр дуртар, канори ҷӯе бурд ва дар он ҷо вафот кард. Ҷасадашро баъди як рӯз ёфтанд. Ӯ санаи 18-уми сентябр дар зодгоҳаш ба хоу супорида шуд.
Ҷаҳонгиршоҳ Рустамшоҳ, хабарнигори минтақавии рӯзномаи “Хатлон” дар шаҳри Кӯлоб