Çəpişim-Uşaq Mahnısı

"Çəpişim"
Musiqi: Z. Məmmədova
Sözləri: İ. Tapdıq
İfa edir: "Rast" qrupu
Qrafika: Kamran Kərimov, Yasəmən Kərimova
Mənim bir çəpişim var,
Oyun çıxarır.
Qaçıb gəlir eyvana,
Keçir yuxarı.
Mənim bu dəcəlim
Yaman hay salır.
Gah qaçır, gah dayanır,
Oyun çıxarır.
Nəqərat
Mələyir, mələyir
Bu dəcəl çəpiş.
Çox qorxudur məni
Gördüyü çəp iş.
Gəlib oxşayıram mən,
Çəpişim oynayır
Yenə çəməndə
Qaçıb otlayır.
Gəlmir onun hayıfı
Çiçəyə, gülə.
Qırır yaşıl tənəyi
Dişləri ilə.
Mənim bu dəcəlim
Yaman hay salır.
Gah qaçır, gah dayanır,
Oyun çıxarır.
Nəqərat
Mələyir, mələyir
Bu dəcəl çəpiş.
Çox qorxudur məni
Gördüyü çəp iş.
Gəlib oxşayıram mən,
Çəpişim oynayır
Yenə çəməndə
Qaçıb otlayır.