Mohamed Naeem - الحلقة 126 مع الكاتب محمد نعيم
HTML-код
- Опубликовано: 10 сен 2024
- ما هى العصامية والجربعة؟ ما تأثير سنوات عبد الناصر والسادات ومبارك على العقل الجمعي المصري، والتحولات الاقتصادية والاجتماعية؟ ما هو تأثير ثورة يناير؟ هل تمت مراجعات للثورة؟ ما تأثير فترة السيسى على المجتمع المصرى ولماذا يتعامل وكأن الشعب عدو له؟ ما هو شكل المستقبل وماذا يمكن ان نفعله الآن؟
من الحاجات اللي مخلياني ممتن لبلال فضل انه كان سبب اني اعرف محمد نعيم
محمد نعيم مشهور طول عمره من غير حاجة
@@User-g8e9e اكيد حضرتك الاستاذ عَلم ومعروف بكتاباته ونشاطاته، بس الاستاذ بلال فضل بحكم شغله فيماسبق في السينما والتلفزيون فهو معروف عند قطاع اكبر من الجمهور سواء كان مهتم بالشأن السياسي او لا ، وارجو تقبلوا مروري بصدر رحب .
وهشام صبري!
و انا كمان
اتمنى اقناع محمد نعيم بعمل بودكاست او فيديوهات منتظمة لأن طرحه مهم جدا
مفاجأة مدهشة استضافة الرائع
الجنرال محمد نعيم❤
يادكتورة متشكرين
ليه بتسموه الجنرال ؟
لقاء شديد الأهمية، ألف ألف شكر د. مارلين وأتمنى فعلا محمد نعيم كتاباته توصل لناس أكتر ونبدا نشوف تربيط بين أفكار المهتمين بالشأن العام في مصر ونطور أفكارنا وطرق تواصلنا بعيد عن غشامة المراقب والسجان. كان في مقال لمحمد بيتكلم عن نقطة الافتتان بفكرة "المستوطنات" في خيال حكومة وقطاع العقارات في مصر. أوحالي بفكرة إن النموذج الأوضح اللي في رأيي لازم نبدأ منه في فهم واقعنا وعلاقات القوة بيننا وبين بعض وبين العالم هو نموذج فلسطين. كل تكنولوجيات المراقبة والسجون وهدم البيوت وإخلاء الأراضي ونزع الملكية وعسكرة الشرطة وتضييق المجال العام وتطفيش البشر اللي شايفينها في مصر بقالها عشر سنين هي كلها صادرات من العالم اللي المفروض متحضر وبيهتم بالحقوق بس باستثناء فلسطين. بعضها حاجات اتجربت بالفعل على الفلسطينيين قبل ما توصلنا هنا. والحقيقة واحد من الأدوار الغايبة عنها مصر هو تحليل الظواهر دي بشكل علمي وتبسيطها للناس علشان نفهم. محمد نعيم شاطر في الجزئية دي وأتمنى نشوفه في نقاشات أكتر في المستقبل.
تحياتى لمحمد نعيم كتاب رائع و عجبنى جدا و شوقنى انى اقرأ فى علم الاجتماع و عرفنى حاجات كتير عن الثقافة المصرية
ياريت حضرتك تعملى معاه اكتر من لقاء. تحليله عميق جدا
شكرا يادكتورة على وجود نعيم الجميل معاكي ❤
تحليل متميز عميق و موضوعي
شكرا د.نرمين
حلقه مميزه 🎉
شكراً دكتورة مارلين ، حلقة عظيمة جداً
نزع الأهلية و الاحترام
الدقيقة ٤٨ كلام مهم جداً
ألف شكر دكتورة مارلين على اللقاء الثري مع الاستاذ💐 مع انه ظلمها قوي لكن بداية الحلول مواجهة الحقيقة بقسوتها 😢
احنا بنتبسط جدا بالحلقات الرائعة دي
في كول حلقه في ماهو جديد من الوعي الذهني و كأني احيانن أحس أني طالب في فصل دراسي جديد ولا اريد ان ينتهي شكرا دكتوره
حوار رائع و حقيقي للأسف
محمد نعيم ميشيل فوكو مصر
ليه الوصف ده
حلقة ممتعة وشكرا جزيلا على العرض القيم
ملاحظة جانبية جودة الصوت إلى حد ما يمكن تحسينها
شكرا على متابعتك. انا بس حابة اقول انى الى الآن لا استطيع التحكم فى ميكروفون الضيف.
انا بحبك جدا مارلين وبحب اتفرج علي حلقاتك عشانك اولا ثم ضيوفك❤
الف شكر وباشكرك على المتابعة. تحياتى.
حلقه حلوه اوي
تحيه كبيره للرفيق نعيم 🌹
بشوف كومنتاتك تقريبا في تشانل الاششتراكيين الثوريين ومبسوط اني شفت حد من هناك عند د. مارلين، فرصة سعيدة يا رفيق D:
@@NaderNabilart
انا اسعد يا رفيق ❤️
انا متابع الدكتوره تجربه ثريه وجميله جدا عملاها الدكتوره ف القناه متابعها من زمان
شكراً على الحلقة دي 🙏🌹
تحليل جميل
شكرا جدا لوقتكم 🙏
16:50 طه السماحي الي راح زينهم راح في ٥٦
تحياتي للدكتورة مارلين والضيف الكريم استاذ محمد
لقاء مبهج و حوار معبر عن الوضع الحالي.
اختيار موفق ❤️
محتاجين حلقة مع ريم ماجد
شكرا على متابعتك. لو اعرف الاقيها طبعا يا ريت بس عندى مفاجأة قريبا لكن لسه مش متأكدة من الموعد. تحياتى
الكام باك الجربوعي
عجبني المصطلح ده 13:46
تحية كبيرة د/ مارلين على هذه الحلقات المهمة جدا . عفوا سيدتى هناك مشكلة فى صوت المتميز محمد نعيم , هل يمكن معالجة هذا وإعادة الحلقة . كل الاحترام للجهد النبيل
اهلا بك. نعم صوت الأستاذ محمد نعيم ماكانش احسن حاجة. طبعا مش هينفع اصلاحه فى هذه الحلقة لكن اعد فى الحلقات القادمة سيكون الصوت افضل. تحياتى
للأسف صوت الضيف الرائع ما كانش واضح.
لا أستطيع التحكم كثيرا فى ميكروفون الضيف مع الأسف وكان عنده مشكلة فيه ولكن سأحاول معالجة هذا الموضوع
الصوت مش واضح
فيه عيوب تقنيه
اتمنى من حضرتك لقاء مع المبدع شادي لويس بطرس 💐
شكرا على متابعتك. نعم اتفقنا عدة مرات وفى كل مرة يحدث شىء ما يمنعنا. سوف اعاود المحاولة. :)
@@cairoinexile608 أشكرك دكتورة🌺 وربنا يسهل 💐
@@cairoinexile608 في انتظار الحلقة جدا د مارلين
صحيح الفرنسيين عملوا محاكمة، بس كانت محاكمة صورية لأنها لم تناقش الدافع إلى الجريمة و هو ركن في أية محاكمة و هي هنا تحرير الوطن من الاستعمار، يعني دافع شرعي
عن نبرة الحزن والخوف والحسرة والآسي فصوته ..بعد ما قال لو مشينا فالطريق ده هتحصل مجاعات نص الشعب هيموت 💔😭
قال كدا في انهي جزء من الحلقة لو سمحت
و يبقي السؤال، هاننيل ايه في ليلتنا السودا دي...
😂
وجبة دسمة و متنوعة ❤
كل الحوار شديد العمق والثراء ،لكن الجزء الأخير الخاص بالطبقة المتوسطة و ما طرأ عليها من تغييرات ليست ذات طابع مادي واقتصادي ولكن في عمق طريقة تفكيرها و طريقة تعاملها مع المجتمع والسياسة والعكس ،بالاضافة لعلاقة تنظيم الإخوان المسلمين بالطبقة المتوسطة..الجزء ده شديد العمق والأهمية ،و زيه زى كتاب " العصامية والجربعة" فيه اختلاف فى الطرح و الزاوية اللى بننظر منها على الأشياء والتغييرات.. رائع جدا..اكتر من رائع..
سؤال يا استاذ محمد حضرتك مش شايف التنظيم السياسي عموما في العالم من السبعينات مثلا حتي في اكتر مناطق العالم تقدما و هل في تغير ممكن يحصل من ناحية العمل السياسي في العقد الحالي
و سؤال آخر هل فكرة انهيار الدولة الوطنية العربية قابل للحدوث في مصر زي سوريا و ليبيا الخ بما ان النظام الاقتصادي الحالي تقريبا اشبه بحكم العصابات زي سوريا الأسد مثلا و بالتالي اي تحرك ضد الدولة يقابل بوحشية شديدة عمرنا ما شفناها في مصر مما يؤدي لانهيار الدولة ؟