#مصطفى_السوداني

اشترك بقناة @MustafaSudane واستمع للجديد
رقم قياسي - مصطفى السوداني
ليالي محرم الحرام _1445هـ
عزاء هيئة شباب علي الغربي_ ميسان
اداء : ملا مصطفى السوداني
كلمات : ميثاق الحمداني
مكس وتوزيع : كرار الموالي
_____________________________________________________________________
مشي_حماسي
رقم قياسي
اكبر تجمع بشري صار
جمع حسيني
درب لجيني
درب الذي ينجي من النار
مشي بدمع العين . الى ارض حسين
رقم قياسي
..........
خلي الموسوعات تسجل خلي التاريخ يفك عين
اكثر انسان بهالدنيا تحبه العالم هو حسين
بكثرة زواره وخدامه أهل الكوكب متعجبين
المن تمشون يسألونه نگلهم للما منه اثنين
اجينه باربعينيته
والجابتنه حنيته
حلوه اللمه نص بيته
وحلاة الكعده يم بابه
العالم صافن اعلينه
وگالوا هذا ابو سكينه
شو زادت ملايينه
من اين العدد جابه
نعم . نحبه
نجي . اعله دربه
قائدنا هو واحنه الانصار
اله بحب ماشين . إلى أرض حسين
رقم قياسي
....
يتعبون يگولون اعلينه واحنه نگول برفعة راس
نتعب صح بس من نوصله نرتاح وتحلى الأنفاس
اصلا لذة مشايتنا بهاي اللحضه الكلها احساس
من يگعد تعبان الزاير ما بين حسين و عباس
مشينه وحبنه متواصل
للحبَيّب وللكافل
ابو اليمه وابو فاضل
فدينه عينه وجفوفه
ابو فاضل تكفلنه
وابو اليمه عشگ النه
نجاوب للي يسألنه
دربهم والله منعوفه
درب . عقيده
مشي . وقصيده
هنياله كلمن يخدم وزار
نجي نوفي الدين . الى ارض حسين
رقم قياسي
....
مو عجبه بخدمة زواره العدنه وما عدنه اصرفناه
نبخل وي حسين شلون وهو حسين انطانه دماه هلا بالزاير صاح الخادم حتى الموكب صاح اوياه
والزاير رد اعله الخادم مأجورين ان شاء الله
المواكب حلت الدنيه
على قارعة المشيه
هنا موكب هنا تكيه
الخادم وفه بوعوده
المواكب والمشي عشره
عليها امن امعن النظره
كأنها سبحة الزهرة
اعله درب المشي ممدوده
خدم . وفيه
لإبن . الزچيه
ومشايه للطف مثل الأنهار
السأل رايح وين . الى ارض حسين
رقم قياسي
.....
المن تمشون يسألونه نگلهم للمحبوب هواي
گالوا ليش الممشه وگلنه نواسي زينب اخته بهاي
زينب علمتنه المشايه منها تشكر يالمشاي
هالمشايه التسوى الدنيا وبيها شمحلاه شرب الماي
زياره شما گلت عنها
ولا اگدر اوصفنها
عسى ما ننحرم منها
زيارة أربعين الحب
بدينه ترفرف الرايه
إلى اللي نعشگه هوايه
مشينه احلى مشايه
ودمعنه من حنانه يصب
اله . وفينه
بدمع . مشينه
رجال ونساء وكبار وصغار
عشگ ماله اثنين . الى ارض حسين
رقم قياسي
....
جبرائيل برجيله گاصد يمشي وناسيها الجنحان
وعيسى وأمه العذرا مريم گصدوا هاليوم العطشان
طبگ بيده بساطه وحالف يوصل مشايه سليمان
وما يذكر يوسف يعقوب ومتعني بدمع الأحزان
زمنه بالمشي حاير
هُنا خادم هُنا زاير
شملنه للعشگ ساير
ويهل العاشگ دموعه
العالم حارت أفكاره
وعلينه ينشر اخباره
يسولف عن الزياره
نحير أعلى موسوعه
درب سلامه
مشي وخدامه
والعالم بهذا المشي احتار
صرخ هذا منين . الى ارض حسين
رقم قياسي
ميثاق الحمداني
جميع الحقوق محفوظة للقناة الرسمية للرادود الحسيني الملا مصطفى السوداني
#Mustafa_Sudane
لمتابعة الحسابات الرسمية على الروابط التالية:
Instagram:
/ mustafa_sudane
Facebook:
/ mustafasudane1
Telegram:
t.me/Mustafa_S...
Twitter:
/ mustafa_sudane
RUclips:
/ mustafasudane1
TikTok
/ mustafa_alsudane
#ملا_مصطفى_السوداني #محرم #محرم_الحرام