【空少vs西客】我和客人玩番梘的經歷 （內含環遊世界青澀照）
HTML-код
- Опубликовано: 2 окт 2024
- 現在的情況大家都很久沒有去過旅行，就讓我在此分享一下我當 #空少 時候的 #飛行經歷，#飛機 入面真係可以遇到好多奇人奇事！Coffee, tea or MMG?
想參加Giveaway的朋友只需在下面留言，講一下你遇到的服務性行業當中的好人好事，我會在2月9號前在RUclips及Patreon總共抽出四位得獎者！
等唔切嘅朋友，可以用馬教練嘅優惠碼mamaigo21，上Sudio 官網 www.sudio.com/hk 購買即可以獲得八五折嘅優惠！
想參加英文重整班: / michaelmmg
#sudio #藍牙耳機 #藍牙音響
![KAYTRANADA - Witchy (feat. Childish Gambino) [Official Video]](http://i.ytimg.com/vi/jGK3YVmGZ3Y/mqdefault.jpg)
啲印度口音真係好正🤣🤣🤣🤣🤣🤣
❤️前日凌晨收工，攰到喺的士訓著，落車回家後先發現個銀包唔見左，再睇電話見到有五個未接來電。 原來係的士司機執到我個銀包，見到我卡片電話號碼，打俾我話我知，佢架車喺我屋企樓下等緊我，想俾個銀包我先走。
人間有愛，真心感激呢個的士司機!❤️
呢啲的士司機真係好難得
公開的士司機介紹。
記得當時還是小薯仔一個人去澳洲讀書， 當時住好鄉郊地方， 每日都只能選擇搭巴士返學校，好多時半個鐘1個鐘先有一班巴士，miss左就好大鑊。
有一日為了帶電腦返學，遲了出門口，目送去學校巴士走， 唔知當時係唔係個樣太frustrated, 後面架剛到站巴士司機招我過去，我開頭唔知我錯d做咩，用好爛的英文努力解釋，我唔係要搭佢果架，你果架去唔到我目的地。 但巴士司機叔叔只是講左句no problem, quick get on the bus!! 原來佢想幫我追前面巴士。 因為鄉郊地方，一大條直路，不同巴士線有好幾個站都相同。之後佢真係幫我追到前面架巴士，臨落車笑住講「 小孩跑快d, 不要在我巴士上見到你😂」當時真係好感激他，同feel到好warm, 好有人情味。
你的影片令我諗返依段難忘經歷，沒有想過有巴士司機主動幫你追巴士😂 你講得很對，好多時慣左就以為老鳳，其實多句多謝，唔該。 做果個或被幫助果個都會開心.
好warm既故事❤️ thank you
個人分享：
好耐之前我曾經喺某牌子手機維修中心做客戶服務員，有一日一位外藉男子拎咗一部得返下半身嘅摺機(得返個keypad冇咗個Mon)。佢講呢部手機屬於佢個仔，可惜係旅遊時佢不幸意外過身，手機內有佢仔仔最後嘅照片。佢希望我哋可以幫佢拎出來，本身根據公司指引只會幫要維修嘅手機backup，佢部機根本冇得整。但因為情況特殊，我最後都幫佢試吓，因為部機得返一半我都同佢講未必得。但幸運地真係可以拎到出來而我都問公司拎咗張memory card儲咗相俾佢。
最後佢講咗好多次 Thank you而我都見到佢眼有淚光。。
睇到我都眼濕濕啊... 你都好好心地，好人有好報，祝你平安健康🙏
恭喜你被馬教練抽中成為得獎者！請你於21/2之前將你的姓名、電話、SF收貨地址、想要的顏色（留意只能盡量安排）email到michaelmammg@gmail.com，註明 「MMGxSudio Giveaway」即可！（留意：獎品只能寄送香港）
被感動了🥹
六年前我去韓國旅行，當時我濕疹好嚴重，去到其中一家餐廳，餐牌嘢食全部都係牛肉 或者海鮮，總之就唔食得。
老闆娘望住我塊面，拍一拍我膊頭，自己入廚房煮咗個豬骨湯飯俾我食！好似媽咪咁，勁溫暖♥️♥️♥️♥️
我家族都有濕疹，佢哋話千奇唔好飲骨湯喔，你食完豬骨湯濕疹有冇嚴重咗啊？
當年係愛爾蘭working holiday，但由細到大都無離開過屋企人既我👸，去左成半年都依然home sick 🏡 。臨近聖誕時，大家都歡天喜地咁慶祝緊節日，而我係就一間take away 工作緊，當晚人客好多所以垃圾筒都好快就堆滿，係我清理垃圾筒想換新既垃圾袋時，袋垃圾已經重到我抆唔起，突然有個local男人過黎幫我手抆起袋垃圾，然後再比左個big hug我，再同我講辛苦哂我了。嘩🤩🥲 當刻感動到，首先佢完全唔怕垃圾烏糟，又唔怕我烏糟比左個大大既擁抱我，令到home sick既我突然系lonely christmas感到不再lonely 😇 我一世都會記得依位愛爾蘭人有幾溫暖❤
我去英國wh，Xmas eve俾電單車黨當街搶左部電話，又唔敢話俾香港屋企人知。有個司機等過紅綠燈見到，即刻落車問我are you okay，仲車我去警局陪我報警，仲邀請我xmas去佢屋企食聖誕餐，真係好感動！同埋佢地xmas唔同香港，條街係靜到無哂人，因為個個返屋企做節。如果唔係佢請我食飯，又俾人搶電話，大時大節又自己一個，都真係好慘豬。不過wh既經歷令我完全無考慮移民，有響外國捱過就知道無論發生咩事，都係自己屋企（香港）最好！
我試過好多年前遇到一個好敬業的巴士司機，佢會叫每位乘客握緊扶手，座定定才開車，全程都好暖心。最後我寫了封信去九巴表揚佢。💛💛💛💛💛
現在都有㗎，有一位九巴男司機每次埋站後都會叫乘客扶穩，坐好，我準備開車啦😍
@@vvvvchan 可能係同一人😂😂😂😂😂
系咪樂富 😂2B/3C/2F
@@wongkelly7199 當年係屯門260X😂
@@wongkelly7199係係！之前慈雲山專線有個巴士司機係特別好禮貌！
中六時做過人口普查，做到喊。我當時要獨自一人上公務員宿舍做面對面訪談，但一入去個呀叔就係咁鬧我，話"做咩人口普查，浪費資源，晒我時間，blablabla". 當時我細個，好唔專業地喊左出黎。佢既太太見到我喊晒，叫個大叔冷靜d, 又比左包檸檬茶我，接受我訪問。雖然我地有指引話唔可以接受用戶飲品，但我都好記得係好委屈既情況下，果包令我有返d動力既檸檬茶。希望大家會尊重服務性行業人士，大家都係打份工，唔係比你用黎出氣。以禮相待。
其實好簡單 上巴士講吾該 去完廁所同廁所姨姨講吾該 其實佢地多數都會應 時常帶着感恩去面對自己覺得理所當然既小事 如果佢哋冇反應但係你都展示左個人品格
非常同意呀
係香港上車同落車講唔該會俾司機瞄🥺
@@suetfunc827 I say 'thank you' every time when I get off the bus and have never cared about the reaction of others because it's what I should do.
細個啊媽會話唔讀書大個執垃圾。之不過當去到諗嘢成熟啲就覺得行行出狀元，佢哋執垃圾都值得尊重。有次放學有個清潔姐姐俾木刺拮到手，但佢身上喺好大陣味。不過最尾我都有幫佢做曬傷口消毒嘅程序。雖然佢喺一個好大陣垃圾味嘅清潔姐姐，但佢都值得尊重同treat as a human being.
我屋企人有長期病患 就係上個星期嘅朝早喺突然喺屋企暈咗 然後即刻call白車送咗去公立醫院 最估唔到嘅係 我哋一向以為公立醫院嘅醫護朋友 好忙 對人嘅態度只會得過且過⋯最估唔到嘅係 見到我坐立不安 佢哋喺空閒嘅時間主動走埋黎 同我傾計 等我可以分散注意力！最後都好好彩 安然無恙 ♥️ 我不久將來都會好似佢哋咁成為一份子 我都好希望自己可以好似佢哋咁patient! 然後成為其他人嘅榜樣⋯ ☺️
其實好多香港人都有同理心，只係太忙太忙
我反而試過住私家，唔多人唔忙，㩒鐘仔叫野食比阿姐話我有屋企人喺到就叫屋企人攪啦⋯⋯當我唔識規矩，當年𡃁妹仔一個😓
另一次住公家，啲姨姨反而好好人，知我後生仲特登拎套靚啲嘅病人衫比我
試過有一次唔識路，見人地送貨應該熟路問下路，點知個貨車司機見近叫我上車車埋我去目的地，真係覺得每人行多步呢個世界真係會美好D
有一次冬天帶個女去大阪，去餐廳食完嘢留低咗個保溫水壺喺餐廳，我哋行兩兩三條街先發現，跟住就行返餐廳搵。我哋入到去，個男waiter個樣好緊張同我哋講咗幾句日文（我哋聽唔明），跟住佢哋等，又打電話...原來另一個waiter拎咗個水壺跑出去搵我哋。佢返嚟俾個水壺我哋嘅時候勁感動，出面咁多人，佢又唔知我哋會行去邊，都出去搵我哋😭
我嘟有試過
（好人好事）
疫症初期，香港嚴重缺乏口罩，反之其他地方口罩貨量充足。
作為一個業務人員，日日擔心買唔到口罩，攪到工作經常失準。
過幾日仲要同大客開會，點知個客一黎到就送左幾箱口罩俾我地。
客人知道香港疫情嚴重，專登從外國運送口罩俾我地緊急用。
估唔到一個日日同我討價還價同不停指責我的人 ,居然關心我生死。真心覺得佢好人。
試過喺茶餐廳，埋單果陣老闆娘見到個客食餘好大碟，之後好客氣主動問個客碟飯喺咪有咩問題，最後了解清楚後重無收客錢。個客都好驚喜老闆娘主動問佢咩事。
之後果個客都有經常再黎食。呢間茶餐廳亦成為附近寫字樓其中一個好似家感覺咁既午飯好地方。因為老闆娘永遠都咁熱情當每個客好似自己朋友咁招呼。
果個老闆娘就喺我媽咪！睇到佢點對待人係我人生其中一個好大學習。無論大事小事，只要你用心對待人，人地喺會感受到，自己又會做得開心！餐廳本身只喺一個滿足果腹嘅地方，但當你做多一步，可能亦能成為大家放鬆休息像家般的地方。
試過係飛機，有個crew斟水出cabin派，個cabin黑媽媽，突然遇上氣流，差不多三杯水倒左落個大媽度，個大媽成身濕晒，我呆左。以為個大媽會發癲。之後個crew係咁say sorry，塞好多napkins，毛巾，blanket比個大媽，點知個大媽話：沒關係！沒關係妹妹！我沒事。不用這麼緊張。哈哈哈哈 😂之後全程機佢地係咁傾計...佢話個crew好可愛（又靚女），聲音又甜😂😂
P.S.個crew就係我 哈哈哈哈
請介绍我識 (不是大妈)
係英國餐廳打工個時，我𠝹親手，好嚴重要縫針。休息左3個星期先再返工，第一日返去，有對英國夫婦走黎問候我傷勢，我好驚訝，因為我無served 過佢地。原來佢地係常客，意外個日佢地在場，好擔心我個情況。當下我比唔到反應，只係輕輕咁講多謝，但永遠都記得依個問候有幾好溫暖！
10幾年前自己一個人去沖繩旅行兼探朋友。記得有日我要等過一條好長嘅馬路，由於我唔係市中心，附近等過馬路嘅人近乎零。我等左幾分鐘，路燈一直無轉過，開始心急，但又唔知點做。咁啱係個陣時，停係燈柱隔離嘅司機特登開車埋我身邊（應該見我棟左係度好耐），再指一指條燈柱，我先彷然大悟，原來可以㩒燈柱上個制，等轉綠燈快啲。由於我日文有限，所以我鞠䩑作道謝，司機揮手道別。所以人在外地，即使語言不通，簡單嘅身體語言亦可暢通無阻😉
跟住，我打算買蛋糕同朋友慶祝生日，買好蛋糕，蠟燭，但只欠打火機。可惜我攞住蛋糕，唔可以行太遠。咁啱我行經一間類似賣五金嘅鋪頭，想問有無火機賣。一開門，裡面兩女店員望一望我，我就對佢地打手勢，表示想買打火機。指手畫腳一輪，佢地初時以為我想買gas lighter，後尾終於明白我想要咩，就拉開自己個櫃桶，俾個全新嘅火機我，我話俾返錢佢地，佢地都堅持唔要。
仲有係沖繩其他嘅好事架，不過我唔想太長氣。總之，沖繩之旅俾我一個好好嘅回憶，呢度嘅人好淳樸善良。有機會，我都會再探訪呢個地方多一次☺️
我試過係的士上面不停嘔，停唔到，黃水都嘔埋，本身去緊急症室，係車上都有用嘔吐袋。。但突然隔車好大力向前chok 左一chok 停，我嘔左少少係地，之後我見到司機向後望到我，我以為佢會鬧我！😱
點知佢好關心咁問我 有冇事 我即刻搵紙巾抹 點知我未蚊紙巾出黎，佢就已經係咁話唔洗抹唔洗抹 最後我都抹乾。落車果陣 佢冇收extra cleaning fee外，更加扶我下車去登記，仲問有冇家人陪，要唔要幫我聯絡，我話唔洗佢先走，好感動。香港人一般都冷漠同怕人地帶來麻煩，但佢就好好人。完全係雪中送炭
好多的士大佬都好惡
我婆婆因為年紀大需要坐輪椅出出入入, 試過好幾次都有的哥扮睇唔到or即cum旗唔載, 所以每次截的士都有D壓力..... 有次遇到個好好嘅的哥, 停靚個位仲叫婆婆慢慢上唔好急, 雖然未必係一件大事, 但對於我黎講已經好值得表揚
你好，我想表揚一下KMB 3C 路線的一位巴士車長。
我在慈雲山站前往旺角，上車前車長已很有禮貌示意回應見到我在巴士站的揮手。上車時很有禮貌歡迎每一位乘客， 開車時會提醒乘客即將開車要緊握扶手。每一次燈位停車後開車也有提醒，每一次轉彎也會提醒乘客即將轉彎，到站下車時更會祝乘客身體健康。不少乘客也有禮回應及多謝車長。
其實我不是第一次遇到該車長，每次遇到他也是同樣有禮的。今時今日有如此有禮的車長實在很難得，因此想在此表揚一下他。
我中學時期移民去左New York. 每日都要坐公共巴士返學，仲要係rush hours超多人都要企。我記得每日都係同一個黑人司機。佢每日都會同每一個，係每一個，上巴士嘅乘客講 good morning。乘客落車都會講thank you. 開始嘅時候我唔明白點解佢會咁，仲可能覺得有D多餘，我好唔慣。雖然我都會好有禮貌咁講番句good morning，但我都會不自覺望住佢唔知想點。有一日佢終於好善意地問我點解咁望住佢，搞到我唔知點答，淨係笑笑下話無嘢啊！但係從此以後我就學識左其實對人好有禮貌係修養，唔需要有原因。個司機哥哥每朝早一個好簡單嘅動作其實就令到每位乘客個日都有個好個開始，心情都靚D. 我依家30幾歲，我都係好鍾意咁對其他人，多D講唔該，唔好意思，問候下人，好簡單嘅事都可以令人地have a great day. 何樂而不為？
恭喜你被馬教練抽中成為得獎者！請你於21/2之前將你的姓名、電話、SF收貨地址、想要的顏色（留意只能盡量安排）email到michaelmammg@gmail.com，註明 「MMGxSudio Giveaway」即可！（留意：獎品只能寄送香港。）
@@MichaelMMG 多謝你抽中我，但係我住系New York。你嘅giveaway 又唔送俾外國support 你嘅fans，有D失望。😔 不過抽中都當自己開始行運中！
@@michelletsf Hi! 我同Sudio講左，佢哋可以特別安排寄去美國俾你，麻煩你儘快將資料email俾我啦！你係行運啦：）
@@MichaelMMG 哇，你好勁啊！我依家send. Thank you 馬生!
我都有一次意外驚喜、去過伊朗🇮🇷原來個到哋人民對外國人好友善、重好好客、雖然9成人吾多識英文、但大家用笑容同身體語言溝通🥰🥰
個陣仲細個，15歲，一邊讀書一路打工，第一日返工，唔識路，為左省錢坐巴士，司機話下個站就係總站，問我去邊，我話我要去XXX，佢話：你坐錯車啦。跟住話我知係邊度，點樣行，等到車上面嘅人都走晒，就喺個比較近嘅位置比我落車，個陣係凌晨1:00，又肚餓又攰嘅時候遇到d咁嘅事，真係好感動！
有時買得野多好重，返到樓下大堂，冇手拎住戶證拍咭，保員員姨姨就會行出保安counter幫手開門，因為佢地嘅工作其實係係唔包呢啲額外服務，呢啲細心位就會覺得好warm同好感謝!
所以香港人平時講多幾句唔該係唔會死!因為禮多人不怪!😆
好有同感！多啲表揚、體諒，少啲投訴公審～ 世界都美好啲！
以前曾經喺機場做過地勤幫人check in
好多時會遇到航班延誤或者有客人miss connect
記得有一次有位外籍媽媽帶住兩個仔女，佢由外地飛嚟香港轉機去加拿大，前一班機因為delay 而令佢趕唔切catch flight 去加拿大，當佢嚟到我櫃檯嘅時候，我以為佢會好唔滿意（因為始終係我哋航空公司遲咗令佢miss connect)
點知一邊幫佢改機票安排下一班機嘅時候，同佢傾偈知道佢帶小朋友返加拿大開學～ 一邊傾住閒偈嘅時候，我都盡可能幫佢哋安排想坐嘅座位（其實循例問佢想坐window / aisle seat) 佢揀完之後好appreciates 我嘅服務，仲主動拎咗張compliment form 寫嘉許畀我😍 This really made my day !
大約四年前去旅行，當時落機之後唔記得咗自己嘅銀包放咗喺seat pocket，直接攞完行李出到arrival hall 準備俾錢買嘢先醒起應該係留咗個銀包喺飛機上面，當時我即刻衝左上去櫃檯同個地勤講(咁啱佢係香港人)，當時我知道個櫃檯應該差唔多夠鐘要close，我同佢講咗我留低咗銀包之後佢二話不說即刻幫我打電話入去登機閘口同同事講，然後打埋去清潔嗰個部門問有冇人執到我個銀包。佢知道我裏面除咗錢之外仲有香港嘅身分證同埋職員證所以佢一直安慰為我話唔緊要，就算執唔到佢都會陪我報警因為佢知道啲嘢好重要。然後佢就同我講佢要趕入去趁乘客未上機之前親自上飛機幫我搵，大約半個鐘左右佢流晒汗咁樣沖出嚟同我講話搵到個銀包。我當時真係好感動諗住薄酬佢，點知佢堅持唔肯收，仲講咗句説話：你比錢我哋公司買我哋嘅服務就代表你對我哋公司有信心，如果你依家再俾錢嘅話就即係對我哋頭先所提供嘅嘅服務承諾同埋態度唔認同，所以佢點都唔會受呢筆錢。佢自己都只係做返份內事所以唔需要特別嘅酬勞，如果真係想比酬勞嘅就寫返封表揚信就夠啦！第一次真係覺得呢位做服務業嘅人係真係攞個心出嚟服務客人。
有次放工經過涼果攤心血來潮買零食
俾錢先發現銀包唔夠錢
老闆竟然話你下次先俾返啦
大家街坊唔緊要啦
利申嗰度唔算住宅區
而且我只係第一次幫襯唔係熟客
重點係
2019年仲搵到呢種信任同人情味
真係好難得
放工係惠X諗住買7折壽司，唔小心跌咗係地，好唔開心，死死地氣執返跌咗個盒壽司，同埋攞多一盒去收銀俾錢，心諗同原價冇分別添，結果阿姐靜靜雞唔收我錢，只係收咗無事個盒，仲幫我丟埋。多謝阿姐。
quietfishhk 你都好好呀！跌左都唔會靜靜雞就咁放番原位，個收銀姐姐就係見到你咁誠實所以唔收你錢😉
前2天搭小巴，司機跟佢朋友傾開計，話頭先有乘客遺失電話，佢朋友話三星幾好！自己用啦。司機就講「唔得，電話有重要野係入面。等緊遺失者回電，交回他」 大家曾經都有試過遺失東西當中你對自己好有意思同心情難過同心急，好難得有好心人交回自己手上，失而復得心情係這個世代都好難得。
成日都話小巴司機好冇禮貌或者好急,未坐好就已經踩油門開車，但我以前搭小巴番學坐開果條線都有幾個男司機會等人坐好再講聲「坐穩喇,我開車喇」先加速
同埋我落車講「唔該晒」佢地肯回番我一句「好」或者「byebye」已經好開心
去歐洲拎住好多行李坐長途火車，我要坐到總站嘅，
跟住架火車去到個中途站停左好耐，有好多我聽唔明乜語言嘅廣播
有個火車職員見到我咁confused就問我去邊，佢解釋原來架火車會斷開，得頭幾卡會去總站，同埋而家就會開車，
佢即刻仲幫我拎啲行李，一齊落車再跑去車頭，叫火車等埋我先閂門，超好人！！
大個先發覺其實導遊都係好辛苦嘅職業，之前有次同屋企人跟團去旅行，但係一到步就發高燒，我哋又唔識點樣搵醫生睇，好好彩個次個導遊姐姐勁nice連夜帶我哋去醫院，前前後後都搞咗成4、5個鐘，佢都冇比說話我哋聽，仲係好關心我哋，真係覺得遇到咁好嘅導遊真係好warm
我遇到的服務性行業當中的好人好事, 係上年10月渡蜜月既時候, 係逸東酒店普慶餐廳食自助餐. 佢地每個員工都好熱心, 完全感受到佢地全情投入工作既熱情. 而當晚其中一位服務我地附近幾張枱既Anna, 佢對我地幾張枱既客人都有傾有講, 我地未出聲, 佢已經知道我地既需要. 差唔多到自助餐時段既尾聲, Anna再次主動走過黎, 叫我記得食埋雪糕, 仲推介佢覺得邊D味最好食. Anna細心既程度完全超乎想像, 連我成晚都未試雪糕佢都知. ❤️當晚我係意見表上填上佢既名Anna🏅👍🏻❣️希望再次係度讚揚Anna💛💛💛💛💛
早兩星期，我喺返工路上的天橋（連接兩座大廈）跌咗一隻耳機落去坑渠（雨水渠好淺，冇水嘅），但因為渠蓋有鑼絲扭實，隔左一日，嘗試搵A大廈的CS問，點知佢地話天橋范圍唔係佢地管理，咁冇計了，放工路過B大廈，搵佢地的保安問下可否幫忙，之後才知道原來天橋係政府管理，唔係佢地管理，不過個保安主管好好人，見我嘅情況，話趁夜啲人少嘅時候拆渠蓋幫我執返耳機，叫我聽日呢個時間再嚟拎返，結果我的耳機係失而復得，好開心遇到好人～真係感謝佢哋嘅幫忙🙏🙏🙏
我早幾年去左泰國blue elephant到食晏，我飲左佢地個湯好辣，飲到si si聲，點知個waitress係我冇出聲既情況下主動比左杯奶我解辣，佢呢個主動既行為令我好驚喜好感動，然後我就叫左個經理埋黎，話果位waitress做得好好，我想讚揚佢，於是我就寫左張表揚既信比佢
之前同個friend去自修室，自修室附近有間茶餐廳，我地成日都會去食lunch，事關嗰度嘅野食平靚正快仲有學生優惠，所以個老闆都認得我地。佢個人真係好好，有時會請我地食oreo，仲會同我地講下笑。有次考試要攞曬啲書返屋企溫，我地同老闆講啲書好重，佢即刻問我地要唔要擺住喺茶餐廳先，叫我地拖個喼黎攞唔使手捧住咁重🤣雖然最後拒絕左 但都好warm
曾經遇到一件好人好事好深刻..
記得兩年前去福崗 有一晚凌晨時份同老公去左一間居酒屋食宵夜.. 就係我地埋完張單 已經行過左兩條街口之際, 突然！ 聽到後面有好急促既木屐👣聲, 咯咯咯.....我心諗係天寒地凍🥶夜闌人靜點會有人咁急呢... 會唔會係醉酒佬呢？腳步聲越黎越近我地...
我老公就拖住我眼神示意我地行快d.. 我地兩個又唔敢望番後面.. 突然！聽到後面大喝左兩聲, 係勁大聲！似乎係示意叫停我地.. 我心諗唔係掛🥶 我地慢慢回望..
原來！ 係岩岩居酒屋老闆黎（佢喘哂氣）😅佢手上拎住左本password 問係咪我地？ 原來係我老公漏低左係個擺衫籃度（passport 應該係唔小心係件外套跌左出嚟）..
呢件事其實每次諗番都好窩心同好搞笑...
好好彩遇到既好人好事 ‘’💭
看到支裝水會群起洶湧也是一個神奇的人生經歷 lol
之前在飯店當櫃台. 有天工作的空檔一組菲律賓客人聊到前一天在便利商店第一次吃到茶葉蛋這個東西驚為天人!! 我畫了地圖說飯店後面兩條街有超市, 在便利貼上寫了"茶葉蛋滷包" 讓她們拿去給店員. 他們馬上出發10分鐘後回來還真的買到了 ! 反正沒事我又幫他們把包裝上的做法翻譯成英文. 他們好開心一直說他們從來沒有遇過這麼友善的飯店人員, 離開前還在大廳跟我們拍了合照~
雖然服務業幾乎天天都會碰到奧客, 但偶爾有一組這樣的天使客人真的會記一輩子~
有同感...... 有D服務行業真喺做多咗，D香港人覺得自己喺俾錢嗰個、喺客、大哂；唔該都冇句，嗰嗰都想踩住人哋做人上人。
以前細個係放題到做part time，有一次唔小心倒哂左d豉油係個客件衫到，當時即刻心諗今次仲唔死，俾經理照肺都事少，最緊要係整污糟左人地件衫真係超級唔好意思，瘋狂道歉好彩個客都原諒左我，當時年少的我warm到眼濕濕，仲有就係幾乎全部客都好有禮貌收隻碟上碟餸都唔該前唔該後，即使平衡番俾經理照肺完嘅sad爆心情，香港人真係好warm好有禮貌🥰
早上在咖啡店吃早餐，不小心留下了新買的平板電腦, 到了五點多才發現，抱著僥倖的心情回去尋找。驚喜地，那裏的員工幫我保存起來了。他們態度很好，和我核對了平板電腦的外貌特徵後便歸還給我了，十分感謝。
曾經嘅一單好人好事，對外人好小事，但對我絕對係一件大事，我去食野，走嘅時候大意記得拎幾張要交返公司嘅文件，仲要當日夜晚我先記得，而我都預左會比公司扣糧，過左兩日，我再去呢間餐廳食早餐，個侍應竟然認得我，拎返啲文件比我，呢件好人好事真係好難忘
之前住英國時試過朝早趕住搭巴士，離遠見到要搭嘅巴士，之後我向巴士司機揮手，然後用我最快速度跑過去，但其實都有一段距離，我初初以為個司機唔會等我，點知佢好好人等我之餘，仲笑住同我講no problem，當然我都有講唔該曬。另外一次搭巴士，咁唔好彩張OYSTER CARD未增值，又無帶DEBIT CARD，因為倫敦巴士唔收現金，跟住個司機照比我搭，話唔緊要，個刻真係覺得英國嘅巴士司機超好人。其實大部分英國司機都好好人，我每次落車都會同司機講THANK YOU，不過英國人習慣落車都會講THANK YOU。所以我返到嚟香港搭巴士或電車，比完錢都會同司機講聲唔該，因為佢地揸車其實好辛苦。我覺得我地香港人都應該學吓英國人，感謝為你服務嘅人，講一句唔該其實好簡單。
我記得有一次考試啱啱開始咗2分鐘左右，我就唔小心將大半杯咖啡倒瀉咗落個keyboard到🤦🏿♀️ 之後有驚無險考完試，就打去apple 問點算好，對方叫我即刻熄機+預約genius bar（我當時就即刻約第二日嘅genius bar），又話可以即刻去apple shop睇下有無得即時幫我檢查。
咁我去到嗰陣，好多specialist都ignore 我，喺我萬念俱灰，諗住去買部新機嗰陣，有個specialist 行埋嚟建議我不如買個hard disk back up哂啲重要嘢先，等第日檢查哂先考慮買過部新機。之後佢超好人咁陪我+幫我set up 個hard disk + 幫我做哂back up，確保我重要資料都save 哂先走人，過程
中仲會安慰我+同我傾下偈distract 下我😭😭😭 我嗰陣成個人驚到差啲喊出嚟，好彩有佢幫手，所以最後我都有寫信去Apple表揚呢個specialist
相反有另一個specialist一直都對我冷言冷語，咁啱佢又serve 緊個因為倒瀉可樂而要買過部新電腦嘅客，佢居然叫我哋交流下😑
幾年前係澳洲Working Holiday 英文普普通通講得唔太流利
去電器鋪想買個藍芽耳機 個店員超有耐性同我講
仲RUclips埋俾我睇Review 其實佢大可以唔同我講咁多
個陣時我返緊China Town一間小食店 賣華人零食 話梅、檸檬呢啲
點知有日個電器鋪個Sales入黎小食店 咁都撞返佢
佢好好奇啲小食係咩黎 我超開心同佢講解啲零食HAHAHA
有時人與人之間嘅關係真係好微妙 要學懂 Appreciate所有小確幸
呢幾日睇完英文寫真 真係超正 估唔到馬教練有咁多經歷😏 btw 都有subscribe to 你嘅patreon🤣🤣 加油支持🔥🔥
話說疫情期間，剛剛實施強制戴口罩。我係大X活食下午茶，忽然唔小心倒瀉左杯紅豆冰，連埋個口罩都整濕埋；係我上火嘅時候，大X活員工竟然整過杯新嘅俾我同時，亦都送上一個新口罩，然後同我講句：「呢個時期冇口罩唔得架。」
呢d服務，窩心到呢...
粉麵店伙記、食客伯伯與煮麵司傅的對話
伙記：伯伯你想要乜？
伯伯：我要一碟菜走油
伙記：咁蠔油要唔要？
伯伯：唔要喇
伙記：腩汁加唔加？
伯伯：唔加喇，因為我食素
伙記就同煮麵司傅講：油菜走油
煮麵司傅突然從廚房傳來一句：伯伯幫你加湯好嗎？（原來煮麵司傅偷聽到伯伯同伙記對話）
伯伯：梗係好啦，唔該晒
伙記又叮囑煮麵司傅：D菜勺淋D
伯伯聽後流露感謝笑容😊
依家出去搵食好多時都會睇下邊間社交平台推介，睇下D like數決定食邊間，但有時除左好唔好味、食物同環境靚唔靚之外，好多時服務態度都會令我諗會唔會再幫襯，最後俾錢時伙記回一句”多謝曬”就更會加分添
多年前經朋友介紹去一間荔枝角食日本嘢嘅家庭式小店，唔知係咪因為坐咗好耐巴士，坐低冇耐我就係咁嘔搞到一地都喺，結果同時間有幾貌似職員嘅人沖埋嚟，年紀比較大啲類似媽媽嘅佢幫我我啲紙巾嵌住啲嘔吐物，另一位姐姐比咗支白花油同埋啲紙巾俾我，仲有另一位看似爹哋嘅人不斷安慰同比左杯水俾我，好彩當時小店唔係太多人，不過我都唔係幾好意思，係呢間餐廳令我完全感覺到家庭嘅溫暖，亦都係我一生中覺得服務態度最好嘅餐廳，自此就成為我自己私人嘅食堂因為食物非常用心製作感覺到家庭嘅味道，可惜前兩個月知道佢哋因為疫情結業咗，其實好可惜希望大家都可以多多幫襯小店幫佢哋渡過難關🙏
真係好認同服務業既例子 自己喺香港日資公司做Cashier 做左5-6年，真係好多奧客但都有好多好有禮貌既， 真係好多好多人會教你點pack袋 好彩喺菜鳥時期就已經練好所以比較少遇到客人投訴， 試過有客人喺未收膠袋稅前 生肉又要分 凍野又要另一個袋 零食又一個袋 樣樣都分開放 但膠袋稅收之後 買500野都想一個袋袋哂...可以既話都會幫作放到好好地地 但拎唔拎到就自己事啦... 興幸好多客人都仲意排我隊可能做耐左都明 唔開心既事唔應該掛喺心 唯一一次被投訴係有個人要買罐頭都要我幫佢入保鮮袋但公司又話濕貨先入得 就同佢解釋左 同埋當日我喺快線就寫明無入袋服務... 結果客人投訴 阿頭竟然叫客人黎重新排隊 仲叫我要配合入袋 我好無奈點解要怕俾開口埋口用投訴壓人既人大到 點解一啲公民常識都無 最後佢黎到好似拎住免死金牌咁叫我入袋 用手指指住我塊面叫我入袋 阿頭都喺後面叫我入袋 但我真係做唔到 最後被投訴 但投訴由「唔幫入袋」變「態度差」 因為「唔幫入袋」不足以投訴因為我無錯！ 所以有時大家遇到西客 真係唔好怕佢 因為佢今日得左佢之後都會對其他人做同樣事... 之後我去左澳洲 cashier真係會同客人傾起上黎 連路人對視到都會同你打招呼， 自己自身都遇過好多好既服務員 因為自身都經歷過 如果你態度好咁麻煩佢 佢地都同樣會心情好咁對待你 買麥記既drive thru 有時放工好攰但有一個店員每次都會用好開心既語氣同你打招呼 真係會令你心情好返哂～～
兩年前曾經試過尾班車時段撘巴士翻屋企，但去到近屋企既站見到條路唔同咗，先發現上錯車。當時全車得翻我一個，即刻去搵司機問架車嘅終點站喺邊（當時駛緊去總站，但離屋企好遠），司機見我頭dupdup眼濕濕，知我撘錯車，就問我邊度落會方便我，最後兜路俾我落車！司機哥哥為咗兜我仲要遲收工，真係覺得佢好好，好感動！！
前幾年去廸士尼探索家酒店嘅雲龍軒食午餐，遇到一個我記到依家嘅女仔（侍應）。
笑容可掬（係真心嘅笑容）、勁有禮貌、溫柔有耐性，隔離枱個呀太（香港人）粗聲粗氣問嘢我見個女仔係好努力咁幫佢入廚房問再幾廿個唔好意思廚房做唔倒（其實唔係佢嘅問題嚟）。
但最令我印象深刻，係當日個經理（定team head?)，應該心情麻麻，又遇着枱冇禮貌嘅內地客（唔係歧視，只是陳述），於是發生少少衝突，之後個女仔一眼關七地除咗做我哋呢邊，只要feel 倒果枱客有需要即刻九秒九主動過去service 佢哋，完全避免了個經理再同枱客接觸（其他侍應卻避得就避）。
我好肯定唔係個經理叫個女仔咁做，係佢主動做的（解釋唔倒比你聽點解我咁肯定，但我係現場真係冇見過個經理有同個女仔講嘢）。
最後，枱客冇投訴，個女仔亦好低調冇同經理邀功。
呢種細心同EQ , 令我當時心諗，如果我開餐廳，一定重金挖角挖佢幫手！
當時我仲決定一定要寫意見書讚揚佢👍🏻，最衰自己懶，拖下拖下冇寫到😓
希望如果佢有縁睇倒，想佢知道，佢嘅善良同細心，係有人睇倒㗎！
我覺得收銀員即使唔幫忙入袋，都可以放入一個籃到，等我一抽就拎去pack貨區慢慢執，如果佢嘟完就飛到亂晒，我會覺得唔開心
我以前都係做服務行業，唔好話大陸人唔好唔好！！其實有時我覺得有啲香港人都唔係幾好！！以前有客買野我問佢要唔要袋，點知佢一野罵我睇唔到我要袋果咩！！我點知佢有無袋！！好心問佢仲比佢罵！！如果我唔係當時唔係做野，我係客一早罵左佢！！！！
可能嗰啲香港人就係大陸嘅前身呢，佢啲父母大陸落嚟嗰啲呀。
@@糖果軟糖 你有病？在你脑海里就你香港人全部有素质 大陆人没有吗 ？
第一次出國太興奮，諗住去到韓國梗係要買香蕉牛奶番香港做手信。因為驚擺行李喼會爆奶，諗住hand carry pack香蕉牛奶上機，去到機埸先醒起唔可以拎液體上機。
嗰陣又冇其他保護pack香蕉奶嘅包裝，唔知點算好。地勤竟然主動提出幫我喺行李到痴 「易碎貼紙」保護我啲香蕉奶。最終所有香蕉奶安全落地，覺得佢地好貼心同好專業❤️
試過好耐之前整跌咗個證件套(入面有家屬證件, 唔見咗要搵屋企人同公司講返)。 但係當時完全唔醒起自己幾時同喺邊度唔見, 煩惱咗大半日。 嗰陣唔想報失, 所以就一路自己搵, 又打過去巴士公司問, 做咗好多嘢。。。
就喺最無助嘅時候, 突然間收到超市職員打電話嚟, 話原來跌咗個證件套喺佢哋嗰度, 叫我過去佢哋嗰度攞返。
嗰陣除咗覺得興奮之外, 亦都覺得好感激佢哋, 唔止因為好人好事, 亦都冇諗過原來好多嘢, 遠在天邊近在眼前。 唔見嘅嘢原來唔係其他地方, 而喺居住嘅附近。 大家本身都係陌生人, 但係因為超級市場, 連結咗我哋。 香港人真係好好🙏🔥 攞返證件套嘅時候, 簡直一股暖流傳遍全身, 嗰種warm真係喺其他地方搵唔到。
今日係巴士 啱啱上車搵散銀 點知唔小心跌曬d散銀落地 但司機叫我慢慢執 唔好急 仲專登揸慢咗俾我執 ☺️
D 中文字幕真係好好笑: 我的奶在那裡🤣🤣🤣🤣🤣
之前面試嗰陣，上咗小巴先發現唔記得帶銀包，心諗大獲啦，趁停車有人落緊車嗰陣，勁尷尬咁同司機講唔記得帶銀包，司機超好人咁話：唔緊要阿妹，見你著曬西裝咁，去邊啊？之後我答：面試啊，真係唔好意思啊，趕著出門口就唔記得咗帶銀包。
之後仲同佢傾咗陣計，佢話佢個女都好似我咁大，啱啱出嚟做嘢。
最後到總站嘅時候，全部人落曬車嘅時候，佢問咗我面試嘅地方喺邊，直接車我去到樓下。
嗰日我覺得係上天比我嘅旨意，要我喺面試好好表現，所以我嗰日小組面試比平時更加積極，因為我知道我可以準時到面試場地，都係得來不易。
最後，我面試成功，依家返緊工啦。
真係好多謝當初車我嘅小巴司機。
以前讀書時係連鎖日系時裝店做part time，有次返工，發現地下有隻耳環。我執咗安置好佢，其實心諗隻耳環應該遇唔返佢主人架啦...點知隔咗個幾鐘個客返黎問話好似跌左隻耳環，有無人執到，我答佢有，我幫佢keep好咗既時候 ，佢係超級開心，最後重係大庭廣眾之下俾咗個大大既擁抱我！嗰時個心真係好warm，雖然唔識佢，但都為佢失而復得而高興，同時覺得好多時將心比己咁去做事只係舉手之勞，但好多人會係忙碌中忘卻。
試過同friend去飲茶
有個阿叔一野撞飛左我哋張枱既發泡膠隔板（防疫嗰啲）
咁啱我個口罩就擺喺塊板隔離 成個跌咗落地
但係我哋都咁啱冇帶後備口罩
間餐廳嘅阿姐好好人就俾咗個我
仲同我哋傾計話而家後生女居然會飲茶
仲問我哋夠唔夠飽🤣
你講得好岩, 要即時處理, 香港人習慣即時呆左, 要諗, 我都試過, 會令自己唔開心
但嗰下情緒好混亂, 影響咗
你已經做得好好👍🏻
係對方無禮貌在先
加油💪🏻
昨晚，在深水埗7點幾入左封鎖範圍，自己都唔知道，自己著住成套黑色去買野食返黃大仙，買完被困，跟住我在無奈之際站在封鎖線前的時候，不知怎樣離開，又兩個警察行過來，心諗應該想查我id同叫我上樓，點知出乎意料地同我講係咪只係買野食唔係住呢度，我話係，然後佢地好快安排左我去做檢測，同解釋比我聽如果陰性的話可以酌情處理比我走，前後40分鐘…跟住我就事係離開左！ 我非常感激這兩位警察主動過來詢問及幫忙。 所以話唔係個個都係需唔會因為我著咩色衫呀如果得我有問題！謝！
前日第一次食韓國corn dog，唔識點嗌，店員見我望住餐牌好內就主動走過嚟問我有咩幫到手，重問我有關食物嘅喜好，推介咗幾款選擇。烹調過程又問我需唔需要落糖落醬，非常殷勤。成個過程面帶笑容，我感覺到佢真係對自己份工好有熱誠，唔會覺得自己服務性行業就係低級啲，厭惡性咁齋打份工。咁嘅服務態度值得讚！
通常分享既都係被Serve既經歷, 我想要分享既係我幫左人既一個經歷.
某日, 自己一個喺荃灣行行吓商, 突然有一家人用英文問我路, 抬頭望真啲, Wow~~金髮既一家人, 問我X佳點去. 心諗, 你地好彩喇, 問著我喺荃灣長大生活左幾十年既我, 梗係知喺邊啦. 當時喺南豐中心, 要解釋好費時失時, "Left the mall, make a left, cross the bridge.....bababa.....", 講完佢地都未必識得行過去, 二話不說就直接帶左佢地行過去. 最後唔知點解, 佢對住我, 合十地Say Thanks, 乜香港人Say thanks要合十架咩? 佢當左我係泰仔?! 哈哈哈~~
我最近搬左屋，第二次搭某架小巴返工，但我唔知佢架車星期六日原來唔去我既目的地，只去到一半/三分一，但個司機好好人，知我新搭呢架車專登車去我公司門口返工，因為咁我先無遲到，好感恩好感激佢，呢個世界好需要多d幫助同愛，當我受過人地恩惠，我都會更加關心同幫助其他人，even 係陌生人。覺得你今次giveaway 既主題好好，見到樓下既留言原來世界咁多愛♥
Ex cabin crew表示完全明白，包括果種群眾壓力，阿姐既做法同個評分制度：（
有次爭啲餓死，所以即刻去咗間餐廳買嘢食，點知林俾錢嗰陣時發現自己唔夠錢🥲店主好好俾我下次先俾返，我話點解你又咁信我呢？佢話人與人最重要嘅就係誠信，如果今次幫到你，希望可以將今次呢份恩情轉送俾下一個人🥲🥲🥲感動
好鍾意你嘅態度，講唔該真係好重要！
我都覺得香港人太鍾意投訴🙈所以遇到好人好事我都會email去表揚！咁先可以對呢位好嘅服務人員真正支持
我係英國食Nando’s , 食到一半, 有個客人岩岩黎, 見到我係華人即刻同個waitress講唔想坐我隔離, 我聽到都敢出聲， 個waitress 換坐個位比佢；但同時走過黎叫我唔好唔開心、佢請我食lunch so refunded the meal for me ( because you have to pay for your food before you eat ) 我覺得好難忘。
嘩個職員處理得好好，兩邊客人都唔得失。
@@xoox__i8304 我都係咁諗😊
我記得小四個年同frd踩單車，我地膽粗粗踩咗條離鬧市較遠同無咩人用嘅單車徑，就嚟夜晚6點個時我地準備踩返屋企，點知我架單車壞L咗，我完全唔知發生咩事，只知架單車向前踩唔到，我個frd就咁留我係個單車徑度自己返屋企先。我當時先小四，天又開始變黑，人仔細細自己搬架單車返屋企，真心無力又崩潰。個時就有個呀叔係後面出現話可以幫我，叫我留係原位等佢一陣，我當時都無諗過佢會唔會俾人呃，就咁係度等個呀叔，等咗都唔知幾耐，個呀叔真係返嚟，仲真係幫我整返架單車，我因為嗰個時刻個心都唔安樂，所以就簡單講聲多謝就快快腳返屋企，到依家有啲後悔個時無認真咁多謝個呀叔。講真，我唔係講咩行業嘅好人好事，我亦唔知個呀叔做邊行，記得個呀叔衣着都幾殘舊下，覺得佢份工作都唔係咩舒服工，但我覺得人只要有心對待其他人，做邊行都遇到好人好事。我而家都就大學畢業，但仍然好記得依件事，我信個位呀叔會好人有好報🙏🏽。
人與人之間互相尊重真的非常重要
Most of the times I would put back my own trays and throw out my own garbage whenever I’m done with my meal. Probably because I grew up in Canada but I definitely think these acts of service being used in HK needs to be recognized more. I remember doing that in HK once and people would look at me, thinking I’m weird. But I think by doing so, it saves time for the next customer who wants to use it and also the cleaning lady.❤️
之前都試過係M記 食嘢ge 時候見到有無家可歸嘅人 趴係張枱度瞓覺 嗰陣時秋天差唔多入冬 跟住我見到M記個經理拎左杯熱朱古力俾佢 其實唔係啲咩大事但係我喺隔離睇到真係覺得幾warm ☺️
米高，我在悉尼住了35年，悉尼的超市 Woolworth 是替人客放在袋子內的。現在環保，要自己帶包裝袋，收銀员代放入袋子裡。當然人客有禮的 say thank you
好記得之前去LA搭巴士 個個落車都會大叫 thank you driver 自此之後我雖然唔會落車大大聲講唔該 但我上車近司機拍八達通會細細聲講唔該比個司機聽。好同意你講法 我唔明今時今日做有禮貌既人 會係一件咁難既事
屋企樓下有個看更好好人。
次次朝早晨咁早返學，只要輕輕同佢講聲早晨，佢就會好好笑容，用把好有中氣嘅聲同我講返早晨，重會撳個掣開門畀我。我每次聽佢講完早晨都會幾開心，個人精神返啲。
其實做保安無名文規定佢要滿面笑容，對住客有禮。我亦都見過好多看更個樣都比較惡。我明白，返工返咁耐，好多時淨係坐喺大堂，一定好悶。
所以我覺得，打聲招呼，同保安有互動，可以令大家嘅心情都開心啲。大家打工，好多時都係搵餐飯食，彼此一句早晨一句關心，其實都已經畀到對方繼續生活喺香港嘅動力。特別係而家，香港紛亂，就算身為市民，好似左右唔到政府嘅決定，但一息尚存，就要堅信希望。同對方講一句早晨，等待對方同自己講一聲早晨，就已經係一種精神嘅互勉。
有次上巴士，嗰陣先發現八達通負咗錢，摷下銀包又發現剩係得一張$100，最後個司機直接叫我快啲坐低話由佢啦，但講緊嗰程係元朗去東涌嗰邊要二十幾三十蚊。覺得好多謝佢
試過有次搭小巴返工過咗站，最近落車係油站先至可以搭返的士返番轉頭，去到油站嗰度係highway冇的士，我又唔熟嗰度嘅地方，好急就問吓當時嘅油站職員知唔知邊度有得搭的士，因為我好趕公司個客已經到咗，個女職員即刻同我一齊跑話俾我聽邊度有得搭車，同我跑左兩條街，送咗我上車佢先走，實在太感謝佢💪🏻
好認同對香港噶睇法！
雖然應該過左期，不過都想分享下
有次唔記得帶銀包出街，上左巴士突然發現無八達通亦都無cash，跟住就同司機say sorry講左我噶狀況，原先司機就話叫我下個站落車，我接受噶，點知過左一陣距又同我講，唔使落車啦，你下次再俾翻車錢啦。個下陣地超級感激，覺得香港罕有噶人情味✨之後都一直記著呢件事，真係好多謝個日個司機！
我之前都係係國泰做😹
我都試過serve過女乘客有visual impaired.
一路上都有assist佢
佢自己一個坐機去jfk.
途中有同佢傾計 好appreciate佢的勇氣
有時候有人同自己分享佢自己的事都係一件幾好既事
我仲記得事後佢有同我講多謝 有時候用心去serve客 俾人感受到 其實都係一件幾開心既事 所以希望所有服務行業的人呢段時間加油啦💪
我有次返工趕時間冇食早餐就食藥，去到公司附近嘅商場嗰陣個人暈到企唔穩，跌坐喺地下
經過嘅人都好好，問我見點，仲幫我通知埋商場職員
商場職員好快到，拎咗櫈同水比我，又問我跌嗰陣有冇撞親頭、洗唔洗去醫院咁
我講返我冇食早餐就食咗藥，佢哋仲買咗個包畀我食
我食咗個包休息咗陣就冇咩，我當下話畀返包錢佢哋 佢哋仲話唔洗 最緊要我無事
嗰吓真係好感動🥺 點解佢哋對住唔識嘅人都咁有愛
事後唔知點樣報答佢哋，我就寫咗封讚賞信畀佢哋總公司🥰 希望佢哋好人有好報💛
大家都知香港茶記落order有咁chur 啲樓面姐姐又好冇耐性🤣 我記得舊年我去中環間茶記食飯 見證住個侍應非常有耐心又好溫柔地幫個上左年紀既婆婆解讀個餐牌 幫個婆婆落Order 而且個日都幾多人 個場面真係勁warm
我都唔知依個算唔算係服務性嘅好人好事，不過都想講出嚟分享吓，之前番工有個有錢太太入嚟買衫，佢起試身室試咗好耐，最後買咗幾萬，過咗大慨個半鐘到，我地收到個電話係嘜太打嚟話我唔知係咪起你地試身室跌咗隻(半卡水晶心形耳環)，係好平嘅(水晶)嚟㗎，你記得搵唔搵到都一定要打電話回覆我，當時我心諗嘜太你又點會帶好平嘅(水晶)吖，收線之後我立刻入去試身室搵，又真係比我起地氈搵到喎，咁我未打番電話比個嘜太，但我打比佢第一句係同佢講，嘜太我揾到你頭先跌咗起試身室個粒(半卡心形鑽石耳環)啦，之後佢立即收線叫個工人嚟攞番，其實我覺得佢係好驚我知道係鑚石怕我搵到都話搵唔到，先會講係好平嘅(水晶耳環)，聽到佢打嚟咁形容隻耳環，好傷心佢覺得我地會貪心佢粒礸石耳環，幫佢搵到本來係好人好事，但佢咁講個心好淡囉！
雖然好小事🙈都想分享下，其實香港都有好人！有一次買麵包，我唔小心將個麵包跌咗落地，唔知點算好企咗喺度，有個伯伯睇到叫我同職員講，仲俾我排隊先(當時只有一個職員在收銀位置)，而我同個收銀姐姐講完之後佢叫我拎個第二個🥖好感恩💗
點解0分，不合理出聲正常，那個上級空姐處理有問題，不過最好搵佢上黎講比較公平。
之前去食壽司，以為可以俾卡，但系唔接受，好彩個收銀員，原本俾時間我去欽錢。真心好多各位收銀。搵佢要唔要d野抵押時，佢話我信你。真心感動
有次飛完放工去搭機場巴士返屋企，因為想坐上層瞓覺，所以就用單車鎖鎖住隻喼喺行李架就上咗上層。都好在我係喺總站落車，我通常習慣未到站就會落定去解鎖先，點知果次我落到去開極都開唔到個鎖頭。架車已經駛到總站停低落哂客，我都仲搞緊個鎖，個司機見我仲搞緊，佢行埋嚟，我勁唔好意思，又勁大壓力。我知佢哋走完一轉車休息時間唔係多，去個廁所食枝煙抖一抖又嚟過，會阻到佢我超唔好意思。佢埋嚟問我咩事，跟住就幫我開鎖，試咗好耐都唔得，搞咗5分鐘有多。跟住佢問我個鎖仲要唔要，如果唔要佢就試吓大力chok爆佢，我話唔要啦，個鎖我無所謂，我係怕整傷佢隻手，但係同時又想快啲搞掂唔想阻佢時間。最後，好在chok多幾吓用條鑰匙開到，不過本身個鎖頭都鬆，個司機仲提我個鎖頭鬆啦，要換過個新啦。同司機大哥道歉同唔該佢一輪之後，我望望佢個名同車牌號碼先落車。事後，我有去巴士公司網頁寫意見讚揚佢，佢為咗幫我搞到佢少咗休息時間都無講過一句說話俾我聽或者俾態度我，仲盡力幫我，我知寫返公司讚揚佢，佢都唔會得到咩實質嘅獎勵，但係好想俾佢知，我有記喺心，同埋，做得好係值得表揚嘅。
以前返工開特價場係咁執野 手背整損左都唔理
個客無啦啦遞張膠布比我 仲有點不知所措
跟住係度傻笑同佢講你咁細心既.....都無講Thank you😂
💛💛💛服務性行業好人好事分享💛💛💛
本人響應環保♻️
買外賣時自備盒裝
侍應會好有禮貌同你講：「多謝支持環保」
再加上一個真誠嘅微笑～☺️
另外～～
試過去買花 埋單先知帶唔夠錢
但又趕住返工 唔夠時間禁錢🙈
個姨姨叫我下次先比番佢
個下真係好估唔到 好多謝佢！！
記得有一次要趕巴士🚌，係隔離街見到我要搭嘅巴士就快要埋站，之後就不停跑啊跑，因為個陣已經係夜晚個天黑曬睇唔清楚啲路，地下有好大灘水無睇到，之後成個人仆左係條路到，但架巴士已經開始上緊客，咁我就即刻起身再跑啦，去到架巴士個陣司機叔叔問我有無事，見到我對膝頭仆到紅曬，其實個陣佢係等埋我上車先未開走，之後仲等我上埋上層坐低左先開車，雖然個陣覺得好瘀好醜怪，跌親仲要比人睇到但係諗番起個司機叔叔真係好好人！
以前做櫃檯有對外國男男couple嚟做閂戶口手續 閂親戶口都好麻煩 有填咩表咩表 這個過程都有講有笑（雖然佢哋冇表明關係 gaydar話我知佢哋係😅） 最後終於閂晒戶口 簽好晒 其中一個話仲以係好耐 好快啵 最後握埋手 間接祝佢哋幸福 其中一個要飛去美國同另一個嗰住
嗰次算係最愉快經歷 一啲都唔西
之前喺台灣搭飛機翻香港個空姐好好人，我買得太多野一袋二袋，個喼又太細唔夠位😅😂，落機嗰陣佢幫我拎咗幾次，講野又好溫柔。
有時係一啲友善嘅服務令我反省翻自己，我成日都好心急，試過「嘖」人，但將心比己我都唔中意人地「嘖」我啦。
一聲「唔該」同埋態度唔好咁西，成個交流嘅過程會好好多。
中學個時要去港島某大廈面試，點知自己一直附近蕩失路行嚟行去都搵唔到，睇地圖睇到無電。
細個小巴叫有落都驚嘅我又怕醜唔敢問人 ，攞住個好重嘅畫袋，又攰又擔心已經驚到眼濕濕。
爭五分鐘就遲到，鼓起勇氣問一座大廈門口嘅保安員，佢睇得出我好急，跟住話「阿妹你跑過去應該仲可能趕到嘅，但我講俾你都唔識行㗎啦，我哋一齊過去啦。」
然後佢就跑住帶我去目的地，我呆左呆先跟住一齊跑，位保安員中途仲嫌我跑得慢，仲「搶」埋我個大畫袋抱住跑。
到咗多謝都講唔切佢就急急腳送左我入lift，我喺lift門閂嘅時候望出去係咁點頭示意多謝佢。(怕醜嘅我因為lift入面有其他人依然唔敢喺入面大聲啲講句多謝)
見到佢笑住咁揮手同我拜拜，唔知係鬆一口氣定太感動喺lift到流左兩行眼淚…
到而家已經唔記得哂面試個時發生咩事，但呢個人生第一次衝紅燈嘅經歷真係一世都唔會唔記得。
後悔當初細個唔識搵返人講多謝或者寫封感謝信畀佢公司表揚佢，唔知佢會唔會因為幫我俾人鬧甚至炒左。😢😢😢如果大家再遇到呢啲好人好事，建議真係寫返封信寄畀公司表揚呢啲充滿人情味嘅員工。
btw現時我學識「路在口邊」嘅道理不過叫有落仲有少少驚😂
個印度客講得啱呀，如果俾其他印度人見到，寶係死得，肯定超煩，印度客真係好煩
有啲外國超級市場都會幫你袋嘢，depends邊一間，Costco嗰啲就會問你要唔要箱放嘢入去，因為喺Costco買親嘢都偏大同多，有啲超市會主動問你要唔要袋，然後幫你袋埋，有自備環保袋都會幫你袋。
利申：喺美國生活
唔係參加比賽純粹想分享下😂
係我岩岩考完DSE 出黎做酒店炒散果陣
果陣連tray 都拎得唔好，做野又慢
之後有枱客見我咁後生又唔熟手問我係咪岩岩讀完書
佢地知道咗之後係咁讚我
又主動幫我擺好啲野食😋
啲人成日都話香港多西客，雖然我都有遇過
但係我多數見到都係有禮貌態度又唔錯嘅香港人
利申：茶記、深水埗電腦鋪都有做過，唔好淨係話酒店客可能有教養啲🙇🏻♂️🙈
除o左教英文, 第一次睇你呢類型o既片. 覺得你好適合做片. 講o野好有條理同好生動! 唔會悶, 會想聽晒你d故仔! 加油!
做服務業既表示聽到客人講唔該或者thank you都覺得好開心🥳🥳