Nega Namangandagi Bozor 1 Kunda Buzilishi Aytilgan?

Namanganda shahar hokimi "Lola" jahon bozoridagi avtoehtiyotqismlari sotilayotgan 100 dan ortiq rastalarni 1 kun ichida buzib tashlashni, aks holda "chora ko‘rilishi" haqida ogohlantirgan.
Namangan shahridagi "Lola" jahon bozorida faoliyat yuritayotgan bir necha yuzlab tadbirkorlar shahar hokimining 1 kundayoq bozorni bo‘shatib qo‘yish talabidan norozi bo‘lishmoqda.
15-iyun kuni, kech soat 18⁰⁰lar chamasi Namangan shahar hokimi Jamalov Gʻofir Oribjanovich bozorga kelib, rastalarda savdo qilayotgan 100 dan ortiq avtoehtiyot qismlari bilan savdo qilayotgan tadbirkorlarga, shuningdek yana 150 dan ortiq avtoshina va avtomotor ehtiyot qismlari bilan savdo qilayotgan tadbirkorlarga bozor hududidagi savdo rastalarini buzishlariga 1 sutka vaqt berilishini, aks holda hammasi buzib, olib chiqib tashlanishini aytib, muddat qo‘yib ketgan.
Bundan tadbirkorlar norozi. Ular ishlayotgan joyga zamonaviy rastalar qurilishi aytilmoqda. Lekin u joylar qurib bitirilguncha tadbirkorlarga vaqtinchalik joy ajratilmagan. Tadbirkorlarga shahardan 7-8 km masofada qurilgan xususiy bozorga borib ishlash tavsiya etilmoqda, tadbirkorlar bundan norozi.
Hozirgi kunda ish topish muammo bo‘layotgan bir vaqtda 100 lab fuqarolarni ishsizlar safiga qo‘shilishiga sababchi bo‘lish qanchalik to‘g‘ri?
Bozor rahbariyati bildirishicha rastalar buzilishiga sabab yangi, zamonaviy rastalar qurish(lekin bu haqda aniq bir taklif, sana tadbirkorlarga aytilmagan), bu yaxshi g‘oya, lekin ungacha tadbirkorlar qayerda savdo qiladi?
Ularga vaqtinchalik joy qilib berish mumkin emasmi?
Undan tashqari bu yerda yangi quriladigan savdo maydonlaridan hozir ishlayotgan tadbirkorlar joy olishlari kafolatlanganmi?
Yoki mijoz o‘rgangan, tayyor joyga yangi do‘konlar qurib, qimmatroqqa boshqa tadbirkorlarga berishmikan maqsad?
Bozor rahbariyati hozirgi ishlayotganlarga berilishiga kafolat berdi, shuningdek zamonaviy ko‘rinishdagi rastalarni 1 kundayoq qura olishini aytdi.
Kutamiz.
Shahar hokimligi bilan bog‘lanish samarasi bo‘lgani sababli hozircha faqat tadbirkorlar va bozor ma’muriyati munosabatlarini e’lon qilamiz.
Muammolarni tadbirkorlar tilidan eshitamiz.
Murojaat uchun: [phone]
Telegram: t.me/OlimjonHa...
Facebook: / olimjon.haydarov
Instagram: / olimjonhaydarov
TikTok: / olimjonhaydarov
Twitter: / olimjon115
#OlimjonHaydarov #siyosat #xalqdardi