Озмуни 100 ранги Чакан дар ноҳияи Вахш

#Озмуни_100_ранги_Чакан_дар_ноҳияи_Вахш
ЧАКАН ЛИБОСИ ҚАДИМАИ МИЛЛАТИ ТОҶИК АСТ!
Аз сарчашмаҳои таърихӣ бармеояд, ки чакан ва чакандӯзӣ таърихи қадима дорад. Ҳунармандони тоҷик дар ҳар давру замон кӯшиш ба харҷ медоданд, ки зебоӣ ва рангорангии табиати замину Офтоби ҷойи зисти худро ба риштаи тасвир кашанд.
Куртаи чакан. Ин куртаест, ки таърихи ҳазорсола дорад. Он бештар куртаи халқии духтарони тоҷик буда, яке аз намунаҳои беҳтарин аст ва он метавонад номи попурро низ гирад. Ин намуди либосро духтарон дар ҷашну идҳои миллӣ, бахусус ҷашни Наврӯз, ба бар мекунанд.
Консепсияи рушди фарҳанги Ҷумҳурии Тоҷикистон барои солҳои 2008 - 2015, Барномаи рушди ҳунарҳои бадеии халқӣ дар Ҷумҳурии Тоҷикистон барои солҳои 2009 - 2015 ва Барномаи ҳифзи мероси фарҳанги ғайримоддии халқи тоҷик барои солҳои 2013 - 2020 қабул гардида, ҷиҳати иҷрои он дар тамоми кишвар силсилаи тадбирҳо андешида шудаанд. Куртаи чакан яке аз куртаҳои қадимаи тоҷикон буда, асрҳои аср аз байн нарафтааст. Ин куртаро бо нақшу нигори қадима то ҳол нақшу нигори ҳозира дар матои холӣ бо кашидадӯзӣ оро медиҳанд. Ва ҳар сол озмуни куртаи чакан “сад ранги чакан”доир мешавад, то расму оини қадима ба ҳукми фаромӯшӣ наафтад.