Jounal Kreyòl Premye Okazyon || jedi 18 Jiyè 𝟐𝟎𝟐𝟒
HTML-код
- Опубликовано: 8 сен 2024
- 1.- Dram nan komin senrafayel- Yon Loraj ki tonbe sou yon gwo pye bwa lakoz 6 jennn gason mouri sou plas ak plis pase 6 lot blese grav .
Trajedi sa rive aye mekredi a nan lakou lekol lamartiniere, ki twouve li nan vil senrafayel ant ruelle des fleurs ak avnue Georges biassou,ve zon 6h15 yo konsa . Majorite blese yo te transpote dijans nan lopital byenfezans piyon pou al resevwa swen ka yo merite .
Viktim yo tap asiste Yon chanpyona foutbol tikan nan lakou lekol la ,dapre konsta jij depe senrafel la , Hans Renel Elan.
2.-Remete sekirite ak lod nan potoprens se premye priyorite gouvenman tranzisyon an ,dapre Garry Conille ki anonse yo dekrete eta dijans sekirite nan tout komin ki twouve yo anba kontwol gang ak zam yo.
Mezi sa yo konsene 14 komin nan depatman lwes ak latibonit ,dapre chef gouvenman ki m ande popilasyon zon sa yo pou rete vijinan ,konsiy sekirite yo ap soti direkteman nan kanal ofisyel yo .
Chef gouvenman di li mande PNH la ak sipo polisye kenya yo ak fos lame a pou komanse ti pa ti pa ak deplwaman epi operasyon nan zon ki sible yo, yon fason pou reprann kontwol tout zon bandi ak zam yo ap teworize popilasyon an .
3.-Batay pou lape tounen nan peyi a mande tan ak patisipasyon tout sosyete a ,dapre premye minis Garry Conille ki swete yon veritab maryaj ant popilasyon an ak fos lod yo nan peyi a .
Konsenan jounalis medya an liy yo ki pran plezi nan filme andirek operasyon fos lod yo - Garry Conille ki rekonet travay medya an liy sa yo mande jounalis yo souple pou evite fe repotaj kap bay bandi yo enfomasyon sou pozisyon fos lod yo ak kijan operasyon yo ap dewoule .
4.- Fok nou di mitan jounen aye mekredi a plizye polisye ayisyen ,akonapye polisye Kenyan yo,te fe yon demonstrasyon nan sant vil potoprens abo dives machin blende .
Te gen gwo lese frape ant Fos lod yo ak bandi kriminel yo . Poko gen yon bilan detaye sou entevansyon sa .Toutfwa nou aprann youn nan blende Maxx pro fos lod yo itilize pou al batay kont bandi yo tonbe anpann nan moman echanj kout bal ak polisye inite espesyalize yo .
5.-Dosye Garry Tesse- Ansyen komise gouvenman okay la,met Ronald Richemond ,prezante devan kabine enstriksyon, aye mekredi a,nan kad anket ki gen pou we ak asasina animate emisyon politik Kran lakou ,Garry Tesse ,25 oktob 2022 ,nan zon foko,4em seksyon kominal okay, depatman sid peyi a.
Sou envitasyon jij Jean Michelet Seide ,met Ronald Richemond kite okonpaye avoka ak patizan li yo deklare li reponn kesyon jij enstriksyon an paske li pa vle okenn moun itilize dosye Gary Tesse la pou regle zafe politik yo.
6.-Konsey nasyonal telekominikasyon yo (CONATEL)anonse li akode yon lisans pou yon dire 5 lane ak nasyonal kominikasyon (natcom) pou founi sevis ou emisyon televizyon atrave rezo entenet (IPTV) sou ansanm teritwa nasyonal la .
Lisans sa kite deja prevwa nan ansanm sevis Natcom yo ap gen pou ofri yon eksperyans televizyon nimerik ak popilasyon ayisyen nan ,dapre Conatel .
7.-Nan yon dezyem kominike,Conatel anonse li renouvle premye jiye pase a lisans Starlink kap gen pou kontinye founi akse ak entenet atrave satelit sou tout peyi a pou yon period 5 lane .Desizyon sa enskri nan kad angajman Conatel pou garanti ak entenet bon kalite epi favorize entenet blayi nan tout peyi a tankou zon ki pi rekile yo . Renouvelman lisans sa ap pemet ak Starlink pou li kontinye founi sevis li yo epi kontribye nan devlopman ekonomik ak sosyal peyi a .
Prezantasyon : Dieuseul GUERRIER & Johnny FERDINAND
Meteyo : Chrisnette SAINT-GEORGES
Tansyon Lari : Mackenson RÉMY 4x4
Spo : Jacques Hans Vilfort (jako)
Pwodiksyon : Jean-Claude DOLCÉ
kowòdinasyon : Peterson LUXAMA
Redaksyon : Dieuseul GUERRIER
Reyalizasyon ak Sou Entènèt : Jack thedd Jr Dieudonne & Jimmy Cly Théagène