Viloyatimiz hakamlariga nazariy hamda amaliy seminar bo’lib o’tdi

🚩Viloyatimiz hakamlariga nazariy hamda amaliy seminar bo’lib o’tdi.
📋 Joriy yilning 15-iyun kuni. Viloyatimizda faoliyat olib kelayotgan hakamlarimizga nazariy hamda amaliy seminar bo’lib o’tdi. Ushbu seminarni Sirdaryo viloyat futbol assotsiatsiyasi hakamlar va nazoratchilar tayyorlash mutaxassisi Doston Rahmonov hamda viloyatimiz nazoratchisi Qahramon Yuldashevlar olib bordi.
🖥️ Seminar davomida tajribali viloyatimiz nazoratchisi Qahramon Yuldashev va Doston Rahmonov tomonidan tayyorlangan videoroliklar yordamida joriy yilgi Superliga, Proliga, Birinchi liga hamda Ayollar oliy ligasi bahslarida qayd etilgan bahsli vaziyatlar tahlil qilindi. Yakkakurashlar vaqtidagi keskin vaziyatlarni o'rganish, jarima maydonchasi ichidagi qoida buzilishlari, o'yindan tashqari holatlar, qoidabuzarliklar darajasini aniqlash va shunga ko'ra jazo turlarini belgilash borasida tahliliy fikrlar aytilib yosh hakamlarimizga o’rgatib borildi.
🚩 Seminar so'ngida hakamlarimiz ishtirokida jismoniy mashg'ulotlar o'tkazilib, yordamchi hakamlarga muammoli vaziyatlarda qanday chora ko'rish kerakligi bo'yicha tegishli ko'rsatmalar berildi.
🔴Bundan asosiy ko’zda tutilgan maqsad “2-liga Sirdaryo viloyat birinchiligi hamda Davlat xavfsizlik xizmati kubogi musobaqalariga ularni tayyorlash va bilimlarini mustahkamlash. Ushbu o’quv seminar 1 kun davomida nazariy va amaliy tarzda davom etdi.
Nazariy seminardan fotolavhalar 📸
Bizni ijtimoiy tarmoqlarda kuzating !
Telegram | Instagram | RUclips