Food Truck كيفاش ندير مشروع سناك متنقل
HTML-код
- Опубликовано: 20 апр 2024
- السلام عليكم
في هذا الفيديو غدي نهضروا على كيفاش ندير مشروع سناك متنقل او سناك في الشارع.
لكن قبل ذلك لا تنسوا الاشتراك في القناه وتفعيل زر الجرس ...
باختصار قبل ما نبدا نجهز الكاميو أو الكروسة أو التريبورتر كيخصني ضروري نعرف نوع الاكل اللي باغي ندير واللي كنعرف نديره وكنتقنوا، باش نعرف أشنو الماتريال اللي خاصني و الطريقة ديال ترتيب دياله في الكاميو أو التريبورتر أو الكروسة ( كاين متريال عالي وأخر لتحت ...). غدي نعرف حتى نوع الكليان ديالي و غدي نحدد او نختار الموقع ديالي.
القوانين الإدارية
كيخصني نمشي عند شبابيك الاستثمار في المدينة ديالي، اللي غدي يوريوني أشنو خصني ندير بالضبط باش نكون قانوني في ما يخص النظافة و التصريح بالضرائب و استغلال مكان او فضاء عمومي.
نصيحة بالنسبة اللي معندوش الحرفة من الاحسن أنه يخدم فشي سناك، او مطعم او حتى مع مول كروسة باش يتعلم الحرفة حيث مهمة جدا هذا النقطة أو أنه يخدم شي واحد حرايفي ويخلصه مزيان المهم متقولش كنعرف نطيب صافي سهلة...
دابا أجي نفصلوا في الخطة ديال كيفاش نبدأ الخدمة.
نوع الاكل:
أشنوا نقدر ندير في الشارع؟ خص نوع الاكل يكون سهل وسريع و ميكونش معقد من ناحية التحضير، و ميكونش معقد من ناحية التقديم. ممكن الدير الاكل اللي كيتهز في اليد، ميمكنش الدير سلاطة مثلا...
بالنسبة ليا أنا شخصيا ممكن ندير تخصص الطاكوس؛ تخصص البيتزا، تخصص السندويتش، البرغر، الهوت دوغ، الكريب، البانيني...
مشغل الماتريال:
المتريال اللي خاصني واش غدي يخدم بالضو او الغاز ....
ترتيب الماتريال:
خصني ندرس مزيان كيفاش غدي نرتب الماتريال ديالي، هنا فين كتنفعني الحرفة، كنكون عارف الترتيب ديال تحضير الاكل اللي اختاريت بحال مثلا الى درت الطاكوس كيخصني بلاك و حداها باك فين كندير اللحم طايب في جنبه فريتوز في جنبها باك فين نلوح الفريت و خصني طبلة كونتوار فين كنفرش و كنسد الطاكوس و بريصة باش نبريصي الطاكوس ديالي وهادشي كيمشي مرتب...
مكان التحضير:
بالنسبة اللي غدي يخرج يبيع في الزنقة او الشارع، كيخصه يوجد في الدار أو فشي مكان مخصص باش يمشي واجد مشي يمشي ويبدأ يقطع الخضر و اللحم او يدير التوابل ... المهم خص مكان توجد فيه قبل متخرج للزنقة...
اختيار الموقع:
الموقع مهم جدا، خصني نختار موقع يتناسب مع الموني ديالي و مع نوع الكليان ديالي، حتى الكروسة تقدر تكون كلاص وخاصة بالناس اللي لاباس عليهم، وتقدر تكون للناس العاديين و العامة.
جمالية الكروسة
الكروسة أو الهوندا أو الكاميو خاصه يكون زوين و مزوق وعاطي للعين، الالوان و الاضاءة و يزيد الجمالة للشارع ميكونش مقموع... دير فبالك كل مزوقتي كتبيع أحسن...
النظافة:
النظافة و المحافظة على شروط السلامة والصحة ضروريين، كاين نظام الهاسب أو شهادة HACCP "Hazard Analysis Critical "Control Point system اللي خص أي واحد يعرفه ويحترم القوانين دياله، حيث كيساعد على إنتاج أكل صحي الى احترمنا قواعد و الاساسيات ديال هذا النظام.
بالنسبة النظافة غدي ندير فيديو خاص باش نعرفوا كل ما يخص النظافة والمحافظة على الاكل والتعامل معه.
المهم النظافة مهمة بزاف وخصوصا سناك متنقل في الزنقة وكاينة الغبرة و الثلوت و السخونية ديال الجو، يعني خصنا نردوا البال ديال بصح باش نحافظوا على نظافة ديالنا...
واخر حاجة غدي نهضر عليها وهي خصنا نعرفوا باللي أي سناك أو كروسة أو كاميوا جهزناه و بغينا نبداو كيخصنا نتدربوا و نجربوا المتريال و نصايبوا الموني و الاكلات اللي غدي نقدموها بزاف المرات ونحاولو نخدموا الماتريال مدة طويلة ونشوفوا المشاكل اللي غدي تواجهنا، حيث ملي غدي نحلوا ويجي الكليان مخصناش نديروا شي خطأ و يكون كلشي ناضي كندي...
لا تنسو الاشتراك في القناه...
الى هنا انتهت جرعة السناك واستودعكم الله الذي لا تضيع ودائعه.
والسلام عليكم ورحمه الله وبركاته.
الصلصة السحرية لطاكوس - كيفاش الدير صوص الفروماج ديال الطاكوس
• الصلصة السحرية لطاكوس ...
كيفاش تفتح سناك ديالك وتنجح فيه بدون خبرة مسبقة
• كيفاش تفتح سناك ديالك ...
كيفاش نقاد ونجهز السناك ديالي؟ و اشناهو المتريال اللي خاصني ضروري باش نخدم؟
• كيفاش نقاد ونجهز السنا...
كيفاش ندير مشروع مطعم وجبات سريعة في فرنسا • كيفاش ندير مشروع مطعم ...
كيفاش ندير سناك بأرخص تكاليف؟ أقل من 5 المليون
• كيفاش ندير سناك بأقل م...
كيفاش تختار الموني في السناك/آشنو دير في السناك/أشنو كيتمشى دابا في السناك • كيفاش تختار الموني في ...
أرخص سناك ممكن الدير فين ما كنت في العالم | شرح السلعة والمتريال اللي خاص وكيفاش تخدم
• أرخص سناك ممكن الدير ف...
مصادر بعض الفيديوهات من هنا
• Best Pizza Ape Piaggio
• Street Food | Camion C...
• Piaggio Ape Classic - ...
• Gallery Carts Grill Mo...
عندك الحق هاد المعلومات لقت وقعت لي بزاف شكرا لك اخي على معلومات
Salm tkder d'olive la plancha combien dire température d'île plancha
دمت متألقا 🎉🎉🎉
جزاك الله خيرا اخي
شكرا علي الإفادة
👍👍👍👍👍👍
السلام عليكم الإخوان كنقلب على شي حرايفي نتشارك أنا وياه فشي محل ولا كروسة وشكرا
السلام عليكم
من أي مدينة انت؟ تقدر تخلي ليا معلوماتك للتواصل معك
@@snackdesamis أنا من تامسنا نواحي الرباط
خويا الحبيب بغيت نسولك واش الرخص كاينين لنوع هاد العربات وواش كاينين فالمغرب كامل
قلال خصك تقلب على شي صانع حرايفي يصايب ليك الشكل و التجهيز يكون زوين، هدشي الأغلبية كاين في اوروبا ولكن راه ممكن تصنعه . خص غير فكرة والصانع يكون فنان
@@snackdesamis أخي اه عرفت ولكن كنسول على الرخصة باش يخليوك تخرج تخدم
خويا في فرنسا كيفش نديروه وين نروحو البلديه انا عندي micro entreprise
خاصك تمشي ل chambre de métiers de l'artisanat
او
Chambre de commerce
غدي يقولو ليك أشنو تعمل بالضبط
طفروه لدايرينوا فشوارع مبقى غير المتنقل
سلام عليكم ورحمة الله تعالى وبركاته اخي انا مبتادئ عندي كاروسة مجرورة لتقديم السندويتش ديال الطون بالعيش وبينواز نستافدو منك الله يجزيك بخير وتحياتي لك
الله يسهل ليك خويا ويرزقك من حيث لا تحتسب ان شاءالله
@@snackdesamis 💓👍
السلام عليكم خويا واش ماكاينش مشاكل مع السلطات ؟@@snackdesamis
سلام عليكم ورحمة الله أخي الكريم تحياتي لك أخي درت كيوسك درت فيه سندويتش ولكن تلقى الأرباح مادخلت والوا فلوس سلعة أما ربح دائما مايبقى لي والو الله يخليك نصحني الله يخليك
السلام عليكم ورحمه الله وبركاته.
كين شي خلل الى كنتي كتخدمي مزيان ومكتينش الربح...
يقدر يكون ثمن السندوش رخيص ومربحاش فيه، او يقدر يكون عندك سوء ادارة ديال الفلوس أو الروسيطة اللي كديري...
المهم كاين فيديوهات بزاف في القناة على التعامل مع المال، و كدلك الاثمنة، حاولي تحسبي وتشوفي واش الثمن هو هذاك...
والله ماعرفت اش ندير البارح سديت خسرت كلشي الله سخر لي
@@snackdesamis شكرا لك اخي الكريم الله يجزيك خير الجزاء
الله يجزيك بالخير انشاء الله
سلام من داىما كنت نحلم نعمل هاد المشروع واخا غير التريبورتور واعرين هاد الموديلات لي وريتينا كنسكن فاكادير ومنعرفش فين نجبر بحالهم وبشحال كيتقامو واش لازم شي رخصة باش مايتعرضو ليك على حساب استغلال ملك عمومي غير زيد اعطينا معلومات اخرى على هاد الموضوع وشكرا
هي من الاحسن دير الرخصة باش ميتعرضوش ليك
@@user-cy4sw8sy5f ياك ومن فين كيتعملو هاد الاجراءات وشكرا
الحصول على السجل التجاري:
يجب عليك الحصول على السجل التجاري من المكتب المركزي للملكية الصناعية والتجارية.
تتطلب عملية التسجيل تقديم مجموعة من المستندات، تشمل:
نسخة من بطاقة هوية المقيم أو جواز السفر
شهادة عدم السوابق العدلية
عقد تأسيس الشركة (في حالة شركة ذات مسؤولية محدودة)
طلب تسجيل السجل التجاري
إيصال دفع الرسوم