افراح المهلي || كلمات فهد حمد العريبي || اداء حمد الطويل
HTML-код
- Опубликовано: 11 дек 2024
- -
/ @afkar3490
﴿ لايك ، تعليق ، اشتراك ✌️😎
اشترك الان ليصلك كل ماهو جديد
بـ || قناة افكار للتصاميم والمونتاج ||
للتواصل :
+965 95546335
____________________________________
لا طرف ظلام الليل ثم دكت الافكار
على وقعها شرد المثايل .. تلاحيها
..
تشادي لمزنٍ وبلها يبهج السمار
تفجر سماه ولايح البرق يضويها
..
تغني وخلي العذر ما للقصيد اعذار
يا بنت الفكر عاداتنا ما .. نخليها
..
لي شهور كن الشعر بيني وبينه ثار
بيوت القصايد ما تهيت ..قوافيها
..
ولكن لمثل اليوم هذا رحانا .. دار
طواريقها فاضت وباحت خوافيها
..
يا صالح تخير ويش تبغى وعده صار
هاذي ابرك الساعات وابرك لياليها
..
مديح الكفو يبهج ويلفت به الانظار
عليك المدايح يسبق النعم طاريها
..
وفي واجب مهلي نبي نبعد المشوار
على حفله الهقوات نبعد .. هقاويها
..
سنا النار والدله وفنجالها الملموم
معاها القريحه في دجا الليل مدراره
..
من الثلث الاول لين سير علي النوم
امسي على غاره واصبح على غاره
..
شعت بالقصايد دعوة النادر الزيزوم
على طيب فعله يسبقه كبر مقداره
..
عزيز الجناب اللي بفعله قوي عزوم
على العز والناموس ما تنطفي ناره
..
هذا صالح اللي كان جا فالعلوم علوم
على الموقف الغصاب ما تكثر .. اعذاره
..
من خيار ربعي درع جنبي حرار الحوم
سليمان لكبود المعاديين .. قهاره
..
اهل صملةٍ تعرف واهل موقفٍ معلوم
تشوش على الناموس بالعز .. دجاره
..
والا يا مهلي لا توصي وانا لك دوم
حزامك ليا من الزمن كبرت اخطاره
..
برحب واباهي وافتخر والعذر ملجوم
من الهاجس اللي سقت لك ندر افكاره
..
هلا مرحبا ترحيب ينصى كبار .. القوم
هلا مرحبا والضيف نفرح .. بمسياره
..
تراحيب تثنى بسم صالح بطيب سلوم
تساق التحايا بايمن الحفل .. ويساره
..
عن الارض ترقى فوق كبد السما وتزوم
ترحب بهم تاره وتفرح بهم .. تاره
..
على الطيب والتوجيب ومفطحٍ مردوم
وفنجالٍ اشقر خالط الهيل .. مسماره
..
عوايد لربعي لا بدا الواجب الملزوم
قبل لا نعرف بنوك واموال وتجاره
..
وبختامها مبروك جعل السعاده دوم
عسى الله يبارك في حياته وفي داره
#AFKAR
____________________________________
|| قنا افكار || :
تتمنى ان تنال على اعجابكم 🌹
