خلوني اسج في نجد الفقار الوسيع | شيله في حفل زواج عبدالله بن محمد الجروي | اداء جفران بن هضبان 2024
HTML-код
- Опубликовано: 20 сен 2024
- شيله في حفل زواج :
عبدالله بن محمد ال حضرم الجروي
كلمات الشاعر :
دخيل الله ال الجرو
اداء المنشد :
جفران بن هضبان
الكلمات :
خلوني اسج في نجد الفقار الوسيع
اللي يوافق هواي وخاطري يطربه
لون حره حميم ولو برده صقيع
مايمنع اني احبه واعشقه وارغبه
اشوف ماله حلي في صيف ولاربيع
واشوف ماله على وجه البصيطه شبه
سيطر علي مثل ماصيطر عليه الفديع
اللي مثل طارق بن زياد في قرطبه
تاخذني الغطرسه لاقصى الشموخ الفضيع
من دافع الافتخار وقوة الموهبه
وان جا لزوم بن عمي كل صعبٍ يطيع
ولعينه الشعر اصوغه وانظمه واكتبه
يمال للعز ياحفلٍ مقامه رفيع
لنا ليالي وحنا موعده نرقبه
يامرحبا وارحبو حياكم الله جميع
عند بن حضرم وريث الطيب ومعزبه
محمد اللي لكسب المرجله يستطيع
يقدم على كل علمٍ طيب ويكسبه
محزمٍ ظفر دايمٍ ماهوب محزم ذريع
والحمل لامن ثقل حطه على منكبه
واخوانه ادهاه مافيهم ضعيف وضيع
كل ابلجٍ هيلعي وعاليٍ منصبه
اسيوف عزٍ تنومس ذخر سيف وريع
عودٍ على دينه ولايختلف مذهبه
نطلب من الواحد الحي البصير السميع
عساه فالجنه اعلى منزل ومرتبه
واغلى التباريك واجل التهاني تذيع
للمعرس الله يبارك له ولايذهبه
عبدالله اللي تمثنى الرجل في كل ريع
ولا ارتكى غير فوق القمه المرقبه
نجمٍ تجلى وجاله في مداره لميع
والجدي مافيه شي في السماء يحجبه
ابو محمد شهر طيبه وصيته يشيع
صبيٍ معى طيب راسه طيبٍ منسبه
من شبته وافي وفيه الثناء مايضيع
اعلومه امجمله وافعوله امجربه
ذخاير مناحي الرمز العقيد الشجيع
الاسم يامطيبه والفعل يامطيبه
ذاك المحلحل يحلحل فالنهار الشنيع
كم فارسٍ يحتمي فنجاله ويشربه
لامن تعزوى يعشي كل ذيبٍ جويع
يحول بسيفه اللي فالنحر مضربه
من مقدم العزوه اللي مثل حصن منيع
من ينتقي في ذراها الخوف مايقربه
الاد بن جاري لاجا لسوق الاعمار بيع
اتطب فالمعركه والموت ماتحسبه
دقلاتهم توجع ومنها يشيب الرضيع
واللي يطاول حماهم مايطول اشنبه
في ظفهم تامن الوضحا الشناح القريع
ان كانها مشملها وان كنها مجنبه
ال لجرو سطرو مجدٍ تليد بديع
وتاريخهم حافل وصفحته عن مكتبه
يتلون شيخٍ على حفظ الوداعه وديع
بجاد وبجاد ماجته المشيخه هبه
مابين قبلان ابوه وبين جده جديع
خذا من المجد اعزه واشهره واطيبه
لا للجرو حزة الميقاف راسٍ بتيع
والاد بن جاري اعصابته فالموجبه
وعند قحطان وعبيده له مقام وصنيع
يعطيه راع الطلب قدام لايطلبه
في كل يومٍ يبوج الجيب خطٍ سريع
يامخلصٍ مشكله ولا يفك ارقبه
ونعمين ي وجيه يوسف ،،
البسامي العبيدي 👋
صح لسانك ي الشاعر
في كل يوم يبوج الجيب خط سريع _ يمخلص مشكلة والا يفكـ رقبة 🫡
صح لسانك يبو رايد
ونعمممم ❤
وسبعين نعمم 🔥🔥🤍 .
ونعم والله
ونعم يا ربعي هل الشرفاء
حلوى