علابالي مازال ما ذوقي بنة كي هادي⛔تحلفي عليها قلب اللوز💥و هي غي بسبوسة ب2بيضات مشربة💥بنينة🤤 ناجحة💯
HTML-код
- Опубликовано: 28 авг 2024
- #أم_عبد_النور
#وصفات_أم_عبد_النور.#بسبوسة
#bassboussa
@matbakhoumabdenour
⛔بسبوسة بطريقة جديدة من قناة أم عبد النور🇩🇿👇
2حبات بيض
رشة ملح
لافاني
علبة سكر عادي
علبة زيت
علبة ياغورت طبيعي
3علب سميد متوسط
نصف علبة فرينة
علبة كاوكاو محمص و مطحون
بكية و نص خميرة الحلويات
مغرف.ك عصير ليمون او خل
⛔شاربات👇
2علب سكر عادي
4علب ماء
طرونش صغيرة ليمون
مغرف صغيرة مارغرين
مغرف كبيرة عسل
⛔ملاحظات،..👇👇
قيسو جميع المقادير بنفس العلبة(علبة الياغورت الطبيعي).مقاس السنيوة هو 30/24 سم
ثبتي تعليقي ختي حبيبتي باش الشيرات يدخلو عندي ❤
شكرا حبيبتي ♥️ في ميزان حسناتك
مرحبا بيك عندي
@@user-ku2cc7ir5g😅
❤يعطيك الصحي وربي يطول عمرك
سلام.الله.يعطيك.الصح.يا.ام.عبد.النور..وصفات.ولااروع
صباحكم بالخير حياتي راني حبتكم تدعيولي راني بالحمل يرزقني ربي بالخلقة التامة ثبتولي تعليقي اباه تشوفو ام عبد النور تدعيلي
صباح النور خيتي ربي يثبتلك حملك ويرزقك بذرية صالحة وتولدي بخير وتفرحي بيه مام انا راني بالحمل ربي يسلكنا بخير ونفرحوا ان شاء الله
ربي اكملك بالخير إن شاء لله وجيب عبد النور❤
ربي يكملك على خير ختي ويرزقني وكل محرمة
حبيبتي الله يفرحك نشاله ❤❤❤
الله ايفرحك وايفرحني حتى انا راني بالحمل ونولدو بخير إنشاءالله وخلقة تامة يارب
شيرات شكون راه باغي شامية يخلي جام باه تشوف تعليق 🙏🙏🙏🙏🙏
ختي دارتها قبيل و جات وحد البسبوسة تهبل تهبل❤❤
يا الفحلة يا زينة الحروف. ربي يبعد عليك الخوف في جميع الظروف. ربي يجعل كلامك مغزول كي الصوف و لسانك عسل وسط الضيوف. ربي يعلي شانك و مقامك. وربي يفتحها في وجهك و يحقق الاماني. زيني نية و قولي امين. و ضربي طلة عندي في القناة حبيبتي ويلا عجبك المحتوى نوريني باشتراك
بصحتك
راهي تشهي تڨولي نطير عليها
روحي يا ام عبد النور الله يفتحها في وجهك ويسعد قلبك ويعطيك ما تتمناي ويحلي كلامك ...ياك كلامك حلو وحلو بزاااف 😘♥️ ولسانك يحبب فيك خلق الله ، راني متأكدة تذخلتي قلوب العديد وعندك مكانة خاصة عندهم يعطيك الصحة والعافية و يبارك لك في دوك ليدين شكرا حبيبتي 😘🌹🌷♥️🤲
لي فهم شرماط 😂😂
يدير جام
الشيرات غي سيوها والله يلا رووووووووعة علامة كثرو ليجام تستاهل
يا ام عبد النور روحي الله يفتحا عليك من كل بيبان الخير رب يكمل شراكي باغياا ❤والله درتها جاتني روعة انا نموت على بسبوسة خصني بسبوسة تاع شكولا 😊
سييت البسبوسة تاع اليوم وجيت نجري نكومونتي يعطيك الصحة جات تهبل وخفيفة ومشربةبصح أنا زدت نص سكر مع العبر لي درتيه نحبها مشربة 😊😊😊
اعطيني الوصفة اختي ربي يعيشك
@@khaliltahraoui الوصفة هادي لي دارتها.
اييه وصفة البسبوسة ماعنديش النترنت عندي الويفي برك مانقدرش نشوف الفيديو
جربتها خرجت روعة يعطيك الصحة أم عبد النور
اللهم بلغنا رمضان لا فاقدين ولا مفقودين
سلام ام عبد النور حبيت نقولك راني جربتها اليوم وجات الله الله عليها جات خفيفة خفيفة هايلة نشكرك على المصداقية والشفافية في إعطاء الوصفة ربي يحفظك ويوفقك
ام عبد النور قالي راجلي من نهار تبعتها دار زينة وطابلة زينة 😂😂😂😂😂❤❤❤❤
نخييتك ههههه ربي يحفظك حبيبة
مرحبا بيك عندي
واه وصفات نتاعها الله يبارك وشعال نبغيها
@@matbakhoumabdenour يعطيك الصحة حبيبتي ومستغانمية بنت بلادي منهار جربت هاد لبسبوسة مخطاتنيش خطرة على خطرة نديرها😘😘😘
خصك ديرينا وصفة بالخبز البايت ربي يحفظك اختي ماتنسيتيييييش
باكي ياوورت سامط.باكي سكر.2بيض.قرصة ملح.فانيليا.باكي زيت.3باكي سميد متوسط.خميرة باكي ونص نص باكي فرينة .نص كوكاو محمص
اله يبارك ختي ام عبدالنور وصفاتك توجور في لقمة وله يا ختي ماني تموت عليك ليوتوب تاعها غير فديوهاتك ام وصفاتك جربت باتيسري تاع ليمون خرجلي قمة وناس داري قتلهم اتفرجو ام عبد النور وتشوف كيفاش تولو طيبو مليح ❤❤❤❤❤
والله يلا بنينة وناجحة مليار شيرات انا جربتها منها بسبوسه ومنها قلبلوز ديروها شيرات
درتها خرجتلي تووووب الله يعطيك الصحة يا أحلى أم عبدالنور
جات في وقتها كنت حابة نطيبها صدفة أنا وياها ليوم راح نجربها يعطيك ألف عافية يارب ونشكرك من كل قلبي مشتركة جديدة اول مره نعلق واطباقك ديما نجربهم وكلامك الزين شحال تعجبني لهجتك❤❤🎉
تشرفيني اختي بالاشتراك في قناتي للطبخ فضلا وليس امرا ♥️ ربي يفرحك وينورك و يرزقك من كل خير 🤲♥️
كلماتك كلها حكم و ضريفة تجعلين الانسان يضحك و تنحي عنه ضيقة التخاطر و وصفاتك بسيطة .ادعو لك بالصحة و العافية و رضا الله و الوالدين .امين يا رب العالمين.
الحق الحق وصفاتك يحمروا الوجه والله كي نديرهم لضيافي يطلبوا الوصفات
ام عبد النور البارج الجمعة على وقفة حظرت صب الرشراش في خمس دقائق وشربوا بيها القهوة والبرد عجبتهم بارك الله فيك 😊😊
بصحتكم حبيبتي 😍
راني مجربة شحال من وصفة و ناجحة الله يبارك
نموت عليك ام عبد النور وهدرتك حلوة عسل كثرمن البسبوسة❤❤ اكيد حنجربها❤❤
يعطيك صحة اليوم درناه بسبوسة وجات تهبل كما قلتي هذي واحده جات شابة بنته تهبل يعطيك الخير ياام عبد النور
السلام عليكم خالتي ام عبد النور انا راني من المتتبيعن قناتك وصفاتك ناجحين الله يبارك نتمنالك الفوز بدرع الذهبي هدي اول مرة نرسلك تعليق انشاء الله يعجبك
تمنايلي الذرع الالماسي حبيبة
الذهبي ديتو و الحمد لله
@@matbakhoumabdenour انشاله مأكد راه ليك
تعبك ما يروحش باطل
يعطيك الصحة حبيبتي تهبل وتستاهل التجريب ياىيت حبيبتي ديريلنا معجون التفاح قطع رانا في وقتو فضلا وليس أمرا
أمة محمد مقاطعة كل المنتوجات الإس-رائلية ومنتوجات كل من ساعدهم للأبد دون مالل أقل شيء نقدمه لإخواننا في غزة ❤
كنت خاطيني طياب من لي وليت نتبعك والله شريت كوشة وراني عاطيتها غير لطياب 😂❤ ماما تبعك تاني من تلمسان ربي يحفظك نموت عليك يافحلة❤
والله ياختي وحبيبتي لنبغيك كل وصفاتك راهم معمرين تليفوني وكامل سييتهم وكي منديرش وصفة ندخل غير نسمع هدرتك والله لاتفاجي قلب ربي يحفظك ويسعدك ويوفقك بحياتك انشاء الله
بسبوسة ب 2 حبات بيض لأم عبد النور:
الكيلةالمستعملة علبة ياوورت.
في كسرونة حطي 2 علب سكر +4 علب ماء+طرونش قارص بعدما يغلو احسبي 10 دقايق وطفي .+مغرف كبيرة عسل +مغرف صغيرة مرغرين..وخليه يبرد.
في صحن عميق حطي :
علبة ياوورت طبيعي.
علبة سكر (وممكن ديري غير نصف علبة سكر اذا ماتحبيش الحلاوة)
2 حبات بيض.
رشة ملح+مغرف صغيرة لفاني أو مبشور ليمون او بودرة المزهر.خلطي خلطي خلطي حتى تتشكل رغوة.
+علبة زيت خلطي مليح+3 علب سميد متوسط+كيس ونصف خمارة الحلوى (15 غ)
+نصف علبة فرينة+علبة كوكاو محمص مرحي خشين او جوز الهند.
+عصرة ليمون أو ملعقة خل أبيض(قوام الخليط ثقيل نوعا ما)
ادهني سنيوة (30سم \24 سم )بالزيت ورشي عليها السميد وفرشي الخليط مليح واخبطيها مليح مليح .طيبيها على فرن متوسط 180 درجة. من 20 دقيقة إلى 30 دقيقة(كي تحمار من الجوانب اشعلي عليها مالفوق تتحمر)
وهي سخونة اسقيها بالغراف باش كامل السنيوة تاخذ حقها من التشراب.
التزيين اختياري.
وبصحتكم❤❤
😍😍😍الحب
شكرا على كتابة الوصفة نديرو كابتير❤❤❤❤
السلام عليكم أختي أم عبد النور عجباتني البسبوسة ان شاءالله نجربها متابعة من المغرب
يعطيك الصحة
ياجماع حد لبنا والله متأمن كنت نخمم شندير قهوة عشي سعا لقيت هدي بسبوس ودرته مشاء الله بنيييين فحدها شكر حبيبتي تسلم إيديك❤❤❤❤ يريت درين كرنب معمر بكفتة ودريه في كوش وشكرا وراني نستنا
صباح الحب اليك ياحبيبتي ام عبد النور روعة هذه البسبوسة❤❤تحية من متتبعة وفية من غليزان
ربي يحفضك حبيبتي❤ أنا من الموتتبعين ذيالك نموت عليك سختوا هدرتك ياما سكر أنا في عمري17سنة سيت الوصفات نتاوعك الله يبارك 🤲🤲❤❤
يعطيك الصحة حبيبتي بغيت نديرها عندي سني 30 40 عطيني مقادير مضبوطة و ربي يفرحك❤❤
يعطيك الصحة يا اختي العزيزة وعلى هدرتك الزينة تفتحي القلب بلا مفتاح
الله يعطيك صحة و ربي يخليك راني بغيا كيكة السنيكرز
الله يعطيك الصحة جربتها اليوم جات روعة 🎉🎉🎉🎉🎉كلاوها سخونة قبل ماتبرد كملوها😂😂😂😂😂
درت اليوم البسبوسة وعاهدت نفسي لوكان تكون مليحة نكومونتيلك ونشكرك بزاااف انا في العادة مانبغيشهاش بصح هذي والله غير بنتها وحدها الله يجزيك كل خير
نحتاج دعمك أم عبد النور لا بغيتي🌹🌹
والله لتجيبي غير السوايس غيرتيني وانا نموت على البسبوسة الله يعطيك الصحة والعافية وداك اللسان ها اختي وكي حلو تستااااااهلي الجااام تستاااااهلي❤
دورك نديرها ، بينا شابة، بصح عيتني اختي عبد النور كلش زين ، ربي يخليك لينا و تحيتنا ناس جويهنا احوجي هدا شوالة 😂😂😂😂😂
اللهم صل على محمد وعلى اله و صحبه اجمعين و بارك الله فيكي
البارح درت التيراميسوا نتاع بسكويت والقهوة مانحكيش على البنة 👌🤲الله يعطيك ماتتمني👍😋
اختي هذاك بودوار شعال يتباع
صباحكم بلخير ياكل متبعين ام عبدالنور الله يشفي كل مريض ويرزق كل محروم ويقضي مافي بال كل شخص يارب تدعو بنتي ملاك تجيب معدل يارب تفرحني والله تعبت معاها لخاطر كل فروض تحت ١٠ خايف من ختبارات ولكم اللمثل
امين ربي ينجحها بأعلى معدل ويشفي وليدي من توحد يارب ياقادر ياعضيم💚💚💚💚💚💚💚💚💚💚💚💚💚💚💚💚💚💚💚💚💚🤲🤲🤲🤲🤲🤲🤲🤲🤲🤲🤲
صحيت ام عبد النور دايمن نتي قدوتي في كوزينتي ربي يحفضك
تشهي ام عبدالنور نحبك نموت عليك من فضلك لكيش تع الزيت
جربتها بلا كوكاو جاتني تهبل❤
عبر الكاوكاو عوضتيه بالسميد؟
@@didodada4927 لا اختي درت عبر تاعها غير كوكاو لي مدرتهش
شكرا الاخت
يعطيك صحا مام انا نديرها ويتجي شابة بزاااف بصح سكر ندوبه حتاولي كرمال وزيدله 2مغارف ماء باش يخفاف ونخلطه مع لعجينة تجي بنيييية و كرمال يعطيها لون و بنة روعة كما قلب لوز❤❤❤❤❤
امممم شهيتيني فيها غادي حتى انا نجربها😋😋
أم عبد النور والعالمية لي ما يبغيكش يموت يخبش ❤❤
تستهلي ألف جام يالحبييب انتيا لزينا بادعويك ربي يتقبل الدوعاء 🤲🤲🤲
باينة تشهي ام عبد النور يعطيك الصحة
الله يبارك ❤️ من فضلك ديريلنا مقروط الغرس كما إلي يتباع مع الزلابية ماشي مقيرط...كبير شويه 😊تعيشي ربي يحفظك لك عبد النور ❤
الله يعطيك الصحة أنا نبغي البسبوسة بزاف و هدرتك شابة تفاجي على الڨلوب نبغيك بزاااااااااااااااااااااااااف❤❤❤❤❤❤❤❤ حبيبا
والله ضحكتيني امخلوقة،وحالي مش حال الضحك ،أضحك الله سنك كيما يقولو،ربي يجازيك على الوصفة والضرافة وخفة الروح،في خاطرك نجربها بإذن الله ،نشالله يبرا بابا برك،
روحي يا ام عبد النور الله يعطيك و يمنيك ان شاء الله. الييوم درتها و جات شا نقولك مالقري ماذقتهاش هههه راني ريجيم. بصح راجلي و بنتي و خويا و الوالد الكريم ياكلو و عينيهم يزرقنو هههههه و لي اكدتلي بلي بنينة بلا قد السخط بقا منو 3 طرونشات ههههه كثريلنا من الحلاوة يا احلى ام عبد النور ❤❤
الله يعطيك صحة أم عبد النور جابك ربي هداوين شريت ياغورت ناتير وراني نخمم شندير بيه 😂الله يعطيك ربح جيتي في وقتك ❤❤❤
السلام عليكم ورحمة الله وبركاته شكرا لك يا سيدتي على وصفاتك الرائعة والمتنوعة أشكرك على مجهوداتك تبارك الله عليك وربي يحفظك تسلم الأيادي أتمنى لك شهية طيبة وليلة سعيدة ان شاء الله بالتوفيق ❤❤❤❤❤😘😘😘😘🌺🌺🌺🌺🌹🌹🌹🌹💞💞💞💞👏👏👏
جربت البسبوسة وجات تهبل الله يبارك ربي يحفظك ❤🎉
هاذي؟؟؟؟؟
قبيل جربتها جاتني هايله
@@amellimane1758 بصحتكم غدوة نجربها
@@HasniaHasnawy-uh5ss يسلمك حبيبه جربيها هايله في بلاصة اللوز درت جوز جات تووب
بلا شحال فيه من سنتيم
خدمتك مضمونة وهدرتك زينة منين تحبس لنترنات نتوحشك ❤
الله يعطيك الصحة انا تاني ما نوجد والو للرمضان حتى كي يجي و نشري صوالحي اصلا ما شي مليح كونجلي صوالح نبغي ناكل فري
عندك الصح انا تاني هكا
يعطيك الصحة ويرحم داك لفم عجبتيني عجبتيني على الوصهة هايلة وعلى لهدرة نتاع رمضان روحي ربي يحفضك ويرد لنسى عقولهم تفنينو حتى قعدو يكونجلو حتى لبصل للبوراك بزاف😲
صباح الخير اختي الغالية مشاءالله جات روعة روعة يعطيك الصحة ❤❤❤❤❤
هههه ام عبد نور قالي ولدي عنده 4 سنين قالي قاتلك ام عبد نور نوضي ديري هانوضي هههه
ياعمري ربي يحفضو 😂😂😂😂😂😂
هو شوفي يعطيك ألف صحة على قاع وش راكي تحطي بصح انا رني ندخل نتفرج غير باش نسمعك ونتونس بيك هههه مزال مجربت والو بصح يلزم ندخل نتفرجك 😘ربي يبارك فيك ويعطيك الخير ان شاء الله ❤️❤️❤️❤️❤️❤️❤️
ربي يحلي ايامك وينورك
يعطيك الصحة ميما😊❤ تشهي جربت قلب لوز خرجلي روعة ربي يبعد عليك العين حاسدين 🤲
حوست على الفيديو تاعو ما لقيتوش كون غير تقوليلي المكونات لي درتيهم ربي يحفظك
ها ام عبد النور وين بيها وين راكي دايتنا هاالمطيرة راكي تسوقي بلا فرانات وضرك تدخلينا في حيط 😂😂خيتي حرقتي ستوب ودرتي مخالفة قانونية ضد الوزن ياجدك لاطاي بايباي ضرك يجيبو ديباناج وماينجمش يرفدنا هانخيتك احكمي فرانات شوية وسوقي غيل باللاتي هههه ياو لاطاي صايي راحت فخبر كان😅😅😅هاديرينا انا خيتك وصفات تاع ريجيم❤❤❤
😂😂😂😂😂
😂😂😂😂😂😂😂😂😂😂😂
اعطين حوايجك لي ضياقو عليك انا ختك 😂
راني سييتها ورجعت واش نقولك قلب اللووووووز يعطيك الصحة راح نعتامدها دايمن وان شاء الله نديرها فرمضان اذا كنا من الحيين❤❤❤❤❤❤
احلى ام عبد النور والله مع هدرتك زينة ناكد على هدرتك اكثر من الوصفة❤❤❤❤❤❤❤❤نحبك نحبك نحبك
امين امين امين يا ام عبد النور حبيبتي يتحرحرو عدبان انشاءالله فوكرونا يعطيك صحيحتك حبيبتي على ديك بسبوسة راهي تبان عسل بصحتكم
يعطيك الصحة ام عبد النور ❤❤
السلام عليكم اختي فتحت قناة جديدة للطبخ نتمنى تدعميني بالاشتراك فضلا وليس امرا ♥️ ربي يفرحك وينورك ♥️
اللهم آمين كثريلنا من دعاوي الخير لوكان نقدر نديرلك 100 👍اندير متابعاتك من العاصمة
اللهم بلغنا رمضان لافاقدين ولا مفقودين أمين شكرااااا على الوصفة
يعطيك الصحة باينة تشهي...❤
اممممم راها معسلة وطرية وشابة عشية ان شاء الله نسييها ونردلك خبر يعطيك الصة
استغفر الله واتوب اليه عدد خلقه رضا نفسه وزنه عرشه
صباح الخير ام عبد نور كي عاشيتي وكي راكي دايرة 😂 نشكرك بزااف على الوصفة راح نجربها ونقلك كي جاتني❤❤❤
المقادير......قوطي ياوورت صامط +قوطي سكر +زوج بيض +رشو ملح +مغرف صغيرة لفاني وخلطي حتى تولي رغوة ههههه وزيدي قوطي زيت +ثلاث قواطا سميد متوسط +بكية ونص خميرة الحلوة وخلطي وزيدي نص قوطي فرينة وقوطي كاوكاو ولا نوادكوكو ولا لوز وزيدي عصرة ليم في بلاصة المحسن ونخلط ونطلي البلا بالزيت ونذري فوقه سميد ولا كوكاو ولا نوادكو ونفرغ الخليط ونطيبها .....السيرو...زوج قواطا سكر واربع قواطا ماء ونص ح قارس ومغرف كبيرة عسل ومغرف صغيرة زبدة ونديرهم على نار كي يبدو يغلو نحسب ربع ساعة ونطفي ....وشهية طيبة ___/ملاحظة المقادير قاع عبرناها بالقوطي تع ياوورت
❤
سلام
الله يبارك ماشاء الله راني عندي مدة ونا ساخفتلها حابا نديرها باينا راها تشهي يعطيك الصحة لعقوبة العالمية راني ندير وصفات نتاعك ينان ويهبلو ناس باتنة يسلمو عليك
عجبني هدرتك تع رمضان الحمدالله ليصبت وحده عندها العقل 😅 قادر هادي ويكونجلوها
قوطي قوطي قوطي ههههه ام عبد النور هدرة زمان ❤مهم نعطيك حاجة تزيد بنة على بنة لبسبوستك حمصي السميد لدريه كما نحمصوه للمقنتة جي بنة روعة
❤❤❤❤❤نحبوك في الله يا أم عبد النور
الف تحية من خارج الوطن 😊
جربتها ليوم روعة تهبل تهبل تهبل كل ماتوعليها ربي يخليك لينا حبيبتي
يابنيتي وكي غيرتيني قوليلي نوضي دريها وسكتي هههههه ربي يفرحك انشاء الله ❤❤❤❤
جربتها جات تقتل أول مرة جيني هكذا والله صح كيما قالت جي كيما قلب اللوز الله يسترك ام عبد النور حمرتيلي وجهي قدام ناس داري تستاهلي مليون أبوني ❤❤❤❤❤❤❤
يعطيك الصحة يا جوهرة الغرب نورتي القناة بوصفاتك مع الكلام الطيب
الله يبارك فيك يا غاليه إذا ماكان كوكاو لا حت حاجه واش نديرو
انت بسبوسة الله يحلي ايامك حبيبتي كلامك كالعسل كي نسمعك نفرح ونستمتع بصوتك وهدرتك حلوة❤❤❤❤
أمين يارب العالمين 🤲🏻🤍❤️💚💖💞
نشري لعضام وليورت الطبيعي ونديرها إن شاء الله جات في وقتها هذي الكيلة تناسبني يعطيك الصحة أم عبد النور ربي يحفظك حنونة ويفرحك 🥰😍🤩😍🤭😘💞💖🤍❤️💚
والله لا كلامك عسل مقطر والله كي نسمعك يطلعلي المورال وتتنحلي الغمة ربي يحفظك من العين وصفة روعة نجربها باذن الله ونردلك الخبر
اللهم امين يا رب العالمين علينا و عليك
يعطيك صحة راكي تفني درت البارح مملحات نوعت منهم جاو تووووبمتتبعة جديدة معاك بسبوسة راهي تشهي جات كما هريسة تونس
ليكنت نحوس عليها لقيتها وانت ندير فيك الثيقة شكرا
الله يبارك فيك حبيبتي راني مفرحتنا ومفرحى وليداتنا راهم يدعولك بالخير ويقولو ربي يخليلنا ام عبد النور
الله يعطيك صحتك ومراكي متمني في حياتك يا ام عبد النور الغالية قاع نبغوك نموتو عليك وصفاتك هبال ❤❤❤❤❤❤❤
أول تعليق لاحلى ام عبد النور 🌹🌹🇩🇿🇩🇿🇵🇸🇵🇸
تهبل باينة نسيها نشاءالله وليت نقول لماما كاينة ام عبد النور منخافش لي نحوس عليها نلقاها عندها ربي يحفظك
غدوة انشاءالله ندير بسبوسة و نرجعلكم خبر باينة تشهي
جبتيلي ضحكة مين قولتي نكونجلي ميني بيتزا هههه
ربي يحفضك اول مرة نكومنتي دريلي قلب باه نعود نكومنتي
اختك شهرزاد فالله نحبك و ربي يخليك ختي