“Мизони андеша” Тарзи дуруст ба роҳ мондани парвариш ва нигоҳдошти зироатҳои кишоварзӣ

Тобистони соли ҷорӣ мутахассисони Агентии обуҳавошиносии Ҷумҳурии Тоҷикистон чандин маротиба ҳаронрати ҳавои кишварро аз 40 дараҷа боло пешгўи намуданд. Дар ин робита масъулини Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз шаҳрвандон ва меҳмонони мамлакат дар ин рӯзҳо даъват ба амал оварданд, ки махсусан ҳангоми истифода аз роҳҳои кӯҳӣ ниҳоят эҳтиёткор бошанд. Бе зарурат ба соњили дарёҳо нараванд. Зеро бар асари гармии зиёд, дар минтақаҳои баландкўҳ ба обшавии барф, пиряхҳо ва зиёд шудани ҳаҷми об дар рӯдхонаҳо оварда мерасонад, ки ин метавонад сабаби фаромадани сел, ярч ва сангрезиҳо гардад. Албатта ба ҳамаи мову шумо маълумаст, ки гармии аз меъёр зиёд боз чандин омилњои хавфноки дигар низ дорад. Аммо дар соҳаи кишоварзӣ чи манфиат ва зарар дорад? Ба хотири пайдо намудани ҷавоб ба ин савол, мо суҳбати муфассале доштем бо дотсенти ДАТ ба номи Шириншоҳ Шоҳтемур Таваккал Ҷабборов, ки ҳоло он омодаи пахш аст.
Боиси ифтихор аст, ки ба хотири пешгирии тағирёбии иқлим, гармшавии ҳарорати њаво Ҷумҳурии Тоҷикистон тањти роњбарии Сарвари башардўсти хеш, Асосзузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар сатҳи ҷаҳон иқдомҳои бесобиқа пешниҳод намуд, ки аз ҷониби созмонњои бонуфузи ҷаҳонӣ дастгирӣ ёфт. Албатта дар самти паст намудани ҳарорати ҳаво ҳадиақал кишварҳои минтақа бояд дастҷаъмона кўшиш намоянд. Инчунин мо низ ба хотири мубориза бурдан ба ҳаёт ва рўйдодҳои табии иқлим мутобиқ шудан растаниҳои ба иқлим тобоварро рўи кор роем, агротехникаи замони муосирро истифода намоем, то ҳосили дилхоҳ ба даст орем.
Муҳаррир: Уктамшоҳзода Зеваршоҳ
Коргардон: Уктамшоҳзода Зеваршоҳ
Сармуҳаррир: Азизов Лутфулло