Səhliyalı şirkəti ahıllar evində xeyriyyə aksiyası keçirib

Sosial Xidmətlər Agentliyinin razılığı, Səhliyalı şirkətinin təşkilatçılığı ilə dekabr ayının 26-da Bilgəh qəsəbəsində yerləşən Ahıl şəxslər üçün sosial xidmət müəssisəsində xeyriyyə tədbiri keçirilib.
Tədbiri aparıcı Fatma Zahid açaraq, iştrakçılara şirkət barədə qısa məlumat çatdırıb və rəhblərlik adından onları qarşıdan gələn Dünya Azərbaycanlılarının Həmrəyliyi Günü və Yeni il münasibətilə təbrik edib.
Sosial xidmət müəssisəsinin rəhbəri Samirə Mehdiyeva çıxış edərək, ahılların dövlət tərəfindən xüsusi diqqət və qayğı ilə əhatə olunduğunu diqqətə çatdırıb və tədbir üçün “Səhliyalı” şirkətinin rəhbərliyinə və kollektivinə təşəkkür edib.
Daha sonra şirkətin İctimaiyyətlə əlaqələr şöbəsinin müdiri İlkin Mustafayevə söz verilib və o qeyd edib ki, təmsil etdiyi müəssisə mütəmadi olaraq bütün bayramlarda əhalinin aztəminatlı təbəqəsi üçün yardım və sosial qurumlarda bu cür xeyriyyə aksiyaları həyata keçiririr.
Bundan sonra tədbirdə xanəndələr Mirələm Mirələmov, Nuray Hacızadə, müğənnilər - xalq artisti Niyaməddin Musayev, əməkdar artistlər Yusif Mustafayev, Mətanət İsgəndərli öz çıxışları ilə ahılları sevindiriblər.
Müğənni Aydın Sani və Xəyalə Qafarzadənin ifaları iştirakçılar tərəfindən alqışlarla qarşılanıb.
Şaxta baba və qar qızın ahıllarla rəqsi də onların simasına təbəssüm bəxş edib.
Sonda ahıllardan bir neçəsi tədbirin təşkilatçısı “Səhliyalı” şirkətinin rəhbərliyinə təşəkkürlərini çatdırıblar.

[@nasirmisir2607]

İraq olsun belə həyat.Yaşa,yarat,övlad böyüt axırda da"qocalar evi"adlıkimsəyə lazımsız kimi yerdə ömrünü vur başa.Belə övladln ağzına itlər ulasın,ölsün yerə girsin.
Hər şey ucuzlaşıb.Hörmət,insanlıq,qeyrət,mənəviyyat.Öz şerimdə yazmışam
Ucuzlaşıb
Dolların kursu qalxdıqca
Doğma manat ucuzlaşıb
Neçə ildi müharibə
Torpaq yaman ucuzlaşıb
Hərə indi öz hayında
Yazıq xalq öz vayında
Bu vurhavur zamanında
Həyat yaman ucuzlaşıb
Toy olanda sevinərdik
Yas olanda üzülərdik
Ağlayıb ,kövrələrdik
Ölüm, vəfat ucuzlaşıb
Varlısı var sorağında
Sərvət yığmaq marağında
Qız-gəlin bar sorağında
Halal ,ovqat ucuzlaşıb
Hər sözün qiyməti vardı
Xatiri,hörməti vardı
Sözdə məna hiss olardı
Ədəbiyyat ucuzlaşıb
Şən,mehriban dolanardıq
Dostun halına yanardıq
Hörmət-izzət saxlayardıq
Mənəviyyat ucuzlaşıb
1999