Shitja e energjisë elektrike/ Grupi i PD padit në SPAK Belinda Ballukun

Kreu i grupit parlamentar demokrat, Gazment Bardhi ka bërë të ditur se PD-ja ka paraqitur një padi në SPAK ndaj Zv.kryeministres dhe njëherësh Ministres për Energjinë dhe Infrastrukturën, Belinda Ballukun.
Në një deklaratë për mediat, Bardhi akuzon ministren Balluku pasi thotë se vetëm në 1 vit janë grabitur 180 milionë Euro me shitjen e energjinë.
Deputeti demokrat thotë se ministrja Balluku ka lejuar që energjia elektrike të shitet me humbje jashtë tregut të bursës së energjisë në kundërshtim flagrant me ligjet dhe vendimet në fuqi.
Gazment Bardhi: Vetëm për 1 vit, grabiti rreth 180 milionë Euro me shtijen e energjisë. Përgjegjësja kryesore që vjedh buxhetin e shtetit dhe kalon miliona Euro në llogarinë e 4 apo 5 kompanive private, është ministrja e Energjisë, Belinda Balluku. Në informacionin që grupi i PD-së i ka vënë gjatë ditës së sotme në dispozicion SPAK-ut, paraqitet e gjithë veprimtaria e Belinda Ballukut, e cila ka lejuar që enegrgjia elektrike të shitet me humbje jashtë tregut të bursës së energjisë në kundërshtim flagrant me ligjet dhe vendimet në fuqi duke vjedhur hapur qytetarët shqiptarë.
Me vendosjen në funksion të Bursës Shqiptare të Energjisë, vitin e kaluar, KESH kishte detyrimin ligjor të tregtonte në bursë energjinë e pakontraktuar, por kjo nuk ka ndodhur. Raportet e Entit të Energjisë, provojnë se KESH ka shkelur ligjin vitin e kaluar dhe deri në këtë moment pasi nuk e ka nxjerrë energjinë e pakontraktuar në bursë, por e ka blerë shtrenjtë dhe e ka shitur lirë tek kompanitë private seksere të energjisë elektrike. Vitin e kaluar, KESH ka deklaruar se ka blerë jashtë bursës rreth 561 mijë megavat orë me çmim më të lartë sesa shitej në bursë.
Në emër të grupit të PD-së, Bardhi kërkon nga SPAK-u një hetim të shpejtë dhe profesional për atë që e quan “shkelje masive të ligjit dhe për një abuzim kaq të madh me paratë e shqiptarëve”.
Gazment Bardhi: Llogaritjet zbulojnë një dëm prej rreth 6 milionë Euro për buxhetin e shtetit vetëm nga ky operacion i paligjshëm. Ministrja e Energjisë është Kryetare e Asamblesë së Përgjithshmë të KESH-it, personi përgjegjës që firmos për shpenzimet dhe bilancet e kompanisë. Balluku manipulon edhe shifrat e humbjes së energjisë në rrjet. Humbjet faktike janë në nivelin 27.2%, duke sjellë vetëm për vitin 2023, një vlerë totale të humbjeve prej 144 milionë Eurosh. Kërkojmë nga SPAK-u një hetim të shpejtë dhe profesional për një shkelje kaq masive të ligjit dhe për një abuzim kaq të madh me paratë e shqiptarëve.
SUBSCRIBE to "RTV KLAN" on RUclips for more videos!
Për më shumë informacione vizitoni faqen tonë web tvklan.al/kate...
Follow Klan News on Facebook: / klannews
Follow @klannews on Instagram: / tvklannews
#KlanNews #KlanNewsLajme #TvKlan