EASTER MESSAGE 2023 - BISHOP DENNIS C. VILLAROJO OF MALOLOS

MENSAHE
ng Lub. Kgg. Dennis C. Villarojo, D.D.
kaugnay ng pagdiriwang ng
Pasko ng Muling Pagkabuhay 2023
Nagagalak tayong lahat ngayon sapagkat sumapit na tayo sa maringal na pagdiriwang natin ng Pasko ng Muling Pagkabuhay ng Panginoong Hesukristo. Si Jesukristo’y nabuhay, Siya’y ating kaliwanagan!
Laging kaugnay ng muling pagkabuhay ng Panginoon ang kaliwanagan. Pinawi ng Panginoon ang kadiliman na dulot ng kasalanan. Ang liwanag na sumilay ngayon sa ating mga puso ay hindi lang natin dapat itago sa ating kalooban. Ito ay dapat lagi nating tangan sa ating mga puso at maging tanda tayo sa kapwa ng kaliwanagan ng Panginoon.
Kailangang-kailangan ito sa panahon natin na marami sa ating kapwa, imbis na bumaling sa pag-asang dulot ng Panginoon, inaaliw na lang ang sarili ng maraming panandaliang kasiyahan. Si Hesus lamang ang makakapawi sa mga kadilimang bumabalot sa ating mga puso. Hayaan nating maparam ang kadiliman sa puso ng ating kapwa sa pamamagitan ng pag-asang tangan natin sa ating puso.
Nawa’y maghari sa puso nating lahat ang pag-asang dulot ng kaliwanagan ng Panginoon. Maligayang Pasko ng Muling Pagkabuhay sa inyong lahat!
#angsandiganmalolos
=================
Visit our Website and Follow our Social Media Platforms!
Website: malolosdiocese.ph
Facebook: / angsandiganmalolos
Instagram: / angsandiganmalolos
RUclips: / angsandiganmalolos
See less