Есаул

Оросын Ардын жүжигчин Газманов Олег Михайлович 1951 оны долдугаар сарын 22-ны өдөр Калининград мужийн Гусев хотод эцэг Михаил Семенович Газманов, эх Зинаида Абрамовна Газманова нарын хүү болон мэндэлжээ.
Дуучин, хөгжмийн зохиолч, яруу найрагч, жүжигчин, продюсер тэрээр1981 онд Калининградын хөгжмийн коллежийг гитарчин мэргэжлээр төгссөн байна.
Суралцах хугацаандаа "Атлантик" хамтлагт дуулж байжээ. Энэ хамтлагт байхдаа "Цагаан цас" дууг бичиж хожим 1990 оны "Оны дуу" наадамд Валерий Леонтьевоор дуулуулжээ. Дараа нь Газманов "Visit" "Диво", "Галактика" рок хамтлагуудад уран бүтээлээ туурвиж байгаад1989 онд "Эскадрон" хөгжмийн хамтлагийг байгуулсан байна.
"Оны шилдэг дуу" наадмын 15 удаагийн шагналт, "The World Music Awards" олон улсын наадмын шагналтан, 4 удаагийн Алтан Граммофоны эзэн Олег Газманов 1995 онд ОХУ-ын гавьяат жүжигчин, 2001 онд Ардын жүжигчин болжээ.
Түүний үг, аяыг нь бичиж өөрөө дуулсан олон дууных нэг Есаул дууг хүргэж байна.