طرح الحماد الشاعر : فارس بن سلطان
HTML-код
- Опубликовано: 13 окт 2024
- يالله يامنشي المزون المراويح
تشيل حظً من عنا الوقت طايح
اقفى اكتوبر في وساع الصحاصيح
ولا لاح لي من عينة الطير لايح
حتى الحمام من الشبك فيه تجريح
ومن الدروب الجيب جر النوايح
في كل راس اسبوع يحتاج تصليح
طشير زيته // كـنه الـدم سايـح
عسى خلفها فرخةً تسبق الريح
خواتها بالوقت هذا !! شحايح
تغنيك عن رقي الرجوم المدوايح
لاشفت مدمعها تهيض القرايح
حمرا يشادي صدرها يابس الشيح
ناشه طشاش رشاش والوسم رايح
والظهر صواننً بعنقا صلافيح
سنوا به الاجواد موس الذبايح
وكفوفها تشبه جلود التماسيح
فرخ العقاب لصيدها مايلايح
من مخلبً للخرب دكتور تشريح
يفرا النحر لو حال دونه صفـايـح
طرح الحماد ولا اندعت بالملاويح
ولاسجلَت من قبل وسط اللوايح
ماتشبه الا طرح نسل الزحازيح
السيل كساب الثنا والمـدايـح
اليا اعرضت لي طايره شبه تلميح
في حروة الارقط بذيك المسايح
عارضتها في زاجلً بعد تجنيح
وراحت هواء قبل الرعاف يتطايح
اضفها ومن الفرح ودي اصيح
واعلن على الكنود لكل الشرايح
واصدر عوض جبار عنها تصاريح
واعطى سعد ملوح فيها منايح
مزادهم ماهو بيحتاج توضيح
صيته سواة العود بالطيب فايح
في مربط السلطان رفعه وترجيح
يعطى عليه من النشاما نصايح
من فرحتي فرحوا جميع الطواريح
وانزاح همً وسط الاضلاع جايح
فارس بن سلطان
لمتابعة كل ماهو جديد للشاعر عبر حساب سناب شات
/ f_alnmes
افضل شيله ل طلعت للبر
صح لسانك معك سلطان محمد الغبيبه ابوي ولد خالتك❤
صح لسانك اخوي فارس المقناص مايحلا الا بكلماتك الطيبة وانت الاطيب
صح بدنك يالغالي تسلم ❤️
ابداع يبو جوري
تسلم ❤️
من مخلبً للخرب دكتور تشريح
يفرا النحر لو حال دونه صفايح
#ابداااااااااااااع
🌷🌷🌷
العمل مبدع متكامل صوت وشعر
🌺🌺🌺
تم الأشتراك .. ودايم بالمقدمه ومبدع ابو جوري : جزل وابياتٍ جزله استمر يامبدع ❤️
الله محييك في قناة اخوك مرورك زادنا شرف
ابداع يابو جوري ودايم معودنا بالجزل
الله محييك في قناة اخوك لاخلا ولاعدم من تواجدك
ابداع متفرد. صح لسسانك يالمبدع
صح بدنك ❤️
تم الاشتراك مبدع يابوجوري والى الامام
بتشجيعكم نستمر ابرك الساعات والله محييك في قناة اخوك
تم الاشتراك ، قناة تستحق وشاعر جزل
الله محييك في قناة اخوك ومن بعدك وعندك الجزالة
صح لسان الشاعر
هذا النص يصورحال الطاروح ومايعترض سبيله من رحله وانتظار وحركة ومايبحث عنه وكل هذا في تصوير وتجديد واستحداث المفردات دون ان تفقد اصالتها كالتشبيه الحديث والمميز في قوله
حمراء يشادي صدرها يابس الشيح
ناشه طشاش رشاش والوسم رايح
و هذا يسمى الدقة في الألتقاط للاشياء الموجودة في محيط بيئة الشاعر وهذا يجب أن يكون في الشاعر الجيد وهو في ذلك حقيقة
ظهر الموضوع بخيط شعري جديد مفرداته ذات دلالات حديثة واضحة وصحيحة واستخدمها بشكل دقيق كمصطلحات تنتمي لهذا الغرض الموضوعي والنص هو موضوع وكتلة واحدة كله لم يخرج عن الغرض الاصلي وهذا يظهر مقدرة عالية عند الشاعر .
💐💐💐💐💐