“Bir makon, bir maqsad: tinchlik va rivojlanish uchun birlashamiz!” shiori ostida tadbiri

Andijon shahridagi Prezident maktabida “Bir makon, bir maqsad: tinchlik va rivojlanish uchun birlashamiz!” shiori ostida tadbir tashkil etildi. Andijon shahridagi Prezident maktabida BMT tashkil topgan kun munosabati bilan ajoyib tadbir tashkil etildi. Qur’a tashlash yo‘li bilan barcha sinflarga dunyo mamlakatlari taqsimlab berildi. Belgilangan vaqt davomida har bir sinf shu davlatning tarixi, iqtisodiyoti, milliy o‘ziga xosligi, oshxonasi haqida ma’lumotlar to‘plab, ularni o‘rganib chiqishdi. Taqdimotlar, milliy taomlardan namunalar tayyorlashdi, sinf xonasiga shu davlat ruhiyatini berish uchun jamoaviy harakat qilishdi. Maktab ajoyib bir tusda butun dunyoni go‘yo o‘z bag‘riga olgandek. Hay’at a’zolari esa har bir davlat bo‘yicha tayyorlangan ishlarni birma-bir o‘rganib chiqishdi. Bunday tadbirlar o‘quvchilarni jamoa bo‘lib ishlashga, ahillikka o‘rgatishi bilan birga olam haqidagi bilimlarining kengayishiga ham katta hissa qo‘shadi.