فرحة يتيم | مشعان البراق
HTML-код
- Опубликовано: 18 сен 2024
- #مشعان_البراق
✨
تابع سنابي
/ liilbo7
فرحت لك .. وأنا معاليقي حطام
والصدر .. من ما فيه بيّح كنينه
فرحة يتيم ٍ .. ليلة العيد ما نام !
خالاته , وخواله .. مواعدينه
مواعدينه بشت .. وشماغ بسّام
ويلّعبونه .. في ملاهي المدينه
مانام .. واحلامه تحّراه قدام
كنه يطول أحلامه بـ ( راحتينه ) !
صبحه تجّلا نوره بـ / عيد الاسلام
وقبل يروح المسجد : ملّبسينه
جده ما بين العين والجيم واللام
خلّيه يافلانه .. ولا تأخرينه !
تراقبه بـ / عيونها .. حب وهيام
وعيونها .. ممّا تكنّه / حزينه
"يعرض لها الماضي مثل عرض الافلام "
لـ .. ماضي ابوه وغلاه وحنينه
يرجيه لـ ( سنين القسا ) درع وحزام
وجنب ٍ على صكات بقعا يعينه
ابو ثلاث أعوام .. والا اربع أعوام
يغار منه البدر .. من كثر زينه
صلّى وجاء وأمر الله اللي قضى تآم
ماهوب داري عنه .. زينه وشينه
بشته عليه .. مهندم ٍ خير هندام
واللي بـ / عمره .. كلهم محترينه
يوم اطلعوا للشارع انقسموا أقسام
وأهم مافي القصه ؟ ملّعبينه
تداعب رموشه .. ذعاذيع الانسام
ويابردها .. يوم آيبست شفّتينه
وعلى تراب الأرض بأصبعه رسّام
أما رسم له طير .. والا سفينه
العيد طعمه كان في الشارع العّام
ماهوب عن رغباته .. مقيدينه
رجع ولكن فرحته ضايعه ( دام :
كل ٍ مشى ) وأخذ ولده بـ / يمينه
صاروا خواله في نظر عينه اصنام
آحيوا بـ .. داخله الجروح الدفينه
ولا عنده الا أمه وناب القهر سّام
جاها يبي منها اليدين الأمينه
شعوره اللي حس به مثل الإلهام
وأول سؤال في باله : أبوي وينه ؟
سؤال : لكن كان مثل النبا الهّام
لازال باقي في المسامع .. رنينه
جته تعدي , ماهو تخّطي بالاقدام
وشالته بيديها .. وحبّت جبينه
أبوك : جاء البارح وقبل الفجر قام
وشرى لك ألعاب , وهدايا ً ثمينه
تراه حبّك وأنت غارق في الاحلام
وراح لـ .. دوامه , والشغل مرسلينه
لحظه .. وهو بين الحقايق والأوهام
والدمع الازرق حاير فـ .. مقلتينه
يمّه : ترى مانمت والعالم نيام
ماجاء .. ولا لمست يديني / يدينه
مدام رقمه معك من بين الارقام
بـ .. أكلمه , يوم إنك تكلمينه !
طاحت ما كن آلها من الصدمه عظام
ولاعاد فيها صبر .. ولا سكينه
قالت بدون شعور وإدراك وإلمام
أبوك ! في تراب القبر دافنينه
العام مات .. ومتّ من موته العام
وكني بعد مامات عني سجينه
أبوك جندي للوطن ضد الإجرام
عطاك عمره دون داره ودينه
تفجّرت من تحت رجلينه ألغام
ولاعاد لي بعده حصون ٍ حصينه
بكّت .. وطاح الدمع من حر الآلآم
وبكى وطاح الكون من موق عينه
كل ٍ عذلها .. بين عاتب ولوّام
تصّبري .. خلي ضلوعك متينه
ماهو صحيح ان الضروره لها احكام
اكبر خطاء يوم إنك تعلمينه
بكره تنسّيه الليالي والايام
هو فيه أحد ينسى حدا والدينه ؟
طير السعد في عالمه مابعد حام
والله يعلم وش تخبي سنينه
أنا كذا ! ساكت وصابر ومنضام
لكن كان الفرق بيني وبينه :
الدمع لـ .. عيون الأرامل والايتام
ودمع الرجل ذل وهوان وغبينه !
مشعان البراق
الي ادمعت عينه وهو منسجم مع القصيده يصف عندي باعجاب
اللي ماتنزل دمعته .. ياقو قلبه
لا نزلت ولا يحزنون يارجل هذا مصيرنا كلنا الموت صحيح القصيده معبره لكن مالوش داعي نهل زرق الدموع
اسال الله ان يجزاء امي عنا خييير الجزاء❤
ابحرت بالدمعه سبايب قصيده.
انا اشهد بالله أنك يامشعان ابدعت ابداع غير مسبوق الله لايضرك صلوا على رسول الله
تراقبه بعيونها حب وهيام
وعيونها مما تكنّه حزينه💔💔💔💔
قاعد اتابع احداث فلم ماهو قصيدة مبدع
لا اله الا الله يامشعان البراق والله من وسع البديه عنده ووسع الفكر والسلاسه والترابط فالابيات
بكيت لين شبعت
اقسم بالله مبدع فوق الخيال
شعور لا يوصف اللي كتب القصيدة مش طبيعي وصف دقيق جدا
صح لسانك يامشعان اقسم بالله العظيم انك شاعر..بمعنى الكلمة
عزالله انه عبر عن قصه حقيقه والي ماينزل دمعه للأسف ماعنده قلب
الله يحميك يامشعان قمممة الروعه
عـن أبـي هـريرة - رضي الله عنه - قال: قال رسول الله - صلى الله عليه وسلم -: (كلمتان خفيفتان على اللسان، ثقيلتان في الميزان، حبيبتان إلى الرحمن: سبحان الله وبحمده، سبحان الله العظيم)؛ متفق عليه.
اقسم بالله العظيم انك شاعر..
قسم ب الله ابداع فوق الخيال
الله عليك يامشعان. اسمعها ودمعي مثل الهتان
اشهد بالله انه شاعر
😢😮
صح لسانك مليووون يامشعان الثبيتي والنعم بك وبعتيبة.
اللهم صل على نبينا محمد
ماشاءالله
ياوجد حاالي💔💔
اللهم صل وسلم على محمد
ولي بعمره كلهم محترينه❤❤❤❤
صح لسانك يابو محارب
جيتكم من فوازير غازي الذيابي
ابداااااااع
الله يرحمنا برحمته وصح لسانك مبكيه
مشعان. خليفه بن جدلان في الشعر ❤️إبداع إبداع
والله انه تعدا ابن جدلان في الجزاله
فرحة يتيم 😭😭😭
انا عندي بنت اختي يتيمه ابوها توفا وامها حامل فيها والحين تقول ل زوج امه بابا ماتدري ان ابوها ميت وكل مااسمع اشيله يتقطع قلبي عليها
لا حول ولاقوة الا بالله ، الله يرحمه ويصبرها ، مصيرها تدري
هذا تعليق قبل ثلا سنوات يو@@LiiLBo7
لله درك يا مشعان ما شاء الله عليك الله لا يضرك
لي اربع سنين اسمعها
من سناب الاجودي
💔💔
اللهم اني اعوذبك من الهم والحزن
يابري حالي برياااه انشهد انه شاعر بكل ماتعنئ الكلمه عنده الوصف البليغ في كل حرف الله يسامحك يا مشعل ويسامح المنشد بكاني وعشت تفاصيل القصه بحذافيرها💔😭 الشعر اللي ماهو مثل شعر مشعل ادعسو عليه بالرجل
من بث نايف الحزيمي 😢
💔😢
😢😢
😅😅
والله عشنا تفاصيل القصيدة انا واخواني الحمد لله كبرنا ولسة طعم اليتم ما طلع منا
اعوذ بالله ي قو قصيده
المشد مين ؟
اسم المنشد لاهنتم