TRIKITRAKA TRIKITRON 2003 (1x02) Tolosa - “ATENASKO OLINPIADAK”

Euskal Telebistak 2003. urtean zehar emititutako Trikitraka Trikitron programaren 1. denboraldiko 2. atala da hau, 2002. urteko abenduaren 3an Tolosako Leidor antzokian grabatua.
Atal honetan, musika eta dantzaren inguruan mintzatuko dira geltokiko lagunak. Bestalde, Pepittok Galaxari isuna jarriko dio, trenean txartelarik gabe bidaiatzeagatik. Gero, Galaxik bere bizilekua nolakoa den azalduko du eta diruaren berri emango die haren planetako buruzagiari.
Ondoren, Txirri edari isotonikoa edaten azalduko da. Txirrik edari horiek zertarako balio duen azaldu ondoren, pailazo bakoitza baskulan pisatuko da.
Horretaz gain, haurrek Pelipe trenari jaten emateko ikatz-jaurtiketan arituko dira. Hori gutxi balitz, Marsel magoak saio polita eskainiko du.
Azken partean, Jaxinto Kirolmendi, Euskal Herriko selekzionatzailea, Atenaseko joko olinpikoetarako partaide bila arituko da. Txirri, Mirri eta Txiribitonek haien burua aurkeztuko dute joko olinpikoetan parte hartzeko.
Gainera, Txirri, Mirri eta Txiribitonek abesti hauek abestuko dituzte: “Katxurri Miliputxi”, “Oihartzuna”, “Gure taldeak” eta “Altza Pelipe!”.