MENI YOLG'IZLATIB QUYMA JON BOLAM OQ QUSH IJROSIDA 2024

Devorlarni ushlab yura boshlasam, Gaplarim noto'g'ri qura boshlasam, Kallai-saharlab tura boshlasam,
Menga qovog'ingni uyma, jon bolam,
Aslo yolg'izlatib qo'yma, jon bolam!
Choyimga bo'ktirib yesam nonimni,
Xotining koyisa olmay yonimni,
Qiyin qiynoqlarga qo'yib jonimni,
Menga qovog'ingni uyma, jon bolam,
Aslo yolg'izlatib qo'yma, jon bolam!
Bir gapni o'n marta qaytarib aytsam,
Nonga deb ketsam-u, non olmay qaytsam,
Bir kun sog', o'n besh kun to'shakda yotsam,
Menga qovog'ingni uyma, jon bolam,
Aslo yolg'izlatib qo'yma, jon bolam!
Qimmat idishlaring sindirib qo'ysam,
Ko'rpamni quyoshga ildirib qo'ysam,
Ustimdan hammani kuldirib qo'ysam,
Menga qovog'ingni uyma, jon bolam,
Aslo yolg'izlatib qo'yma, jon bolam!
Kelmasang, o'n marta qilsam qo'ng'iroq,
"Qaydasan bolam?"-deb, xo'p qilsam ham so'roq,
Bilsang havotirdan o'lgan yaxshiroq,
Menga qovog'ingni uyma, jon bolam,
Aslo yolg'izlatib qo'yma, jon bolam!
Mehmoning kelganda o'tiraman jim,
Onang ekanimni bilmaydi heech kim,
Xonamga qamasang, og'riydi qalbim,
Menga qovog'ingni uyma, jon bolam,
Aslo yolg'izlatib qo'yma, jon bolam!