Эрэмгий Баасан гуайн адуун сүрэг

#Эрэмгий #Баасан гэж хэн бэ
Өндөр Баасан ахынд очоод үнэхээр огшлоо. Мянган адуутай, аймгийн алдарт уяач, алтан унаганы эзэн тэрбээр өдгөө 62 настай. Биднийг очиход гэрийнх нь ойролцоо лав 600 гаруй адуу байх шиг байсан. Бид гэрт нь орж ярилцаад гарч адууных нь захад очив. Ах нь нэг эмнэг моринд морддог юм уу гэхэд нь тоглож байна даа л гэж бодож байлаа.
Гэтэл хүү Б.Батгэрэл нь нилээн эмнэг бололтой сайхан том хар(ногоон) зүсмийн морь уургалаад авав. Хоёр хүү нь найзтайгаа нийлж нилээд юм болж байж хазаарлаж авав. Тэгээд чихдэн дарж байгаад эмээллээд ахыг мордуулчихав. Эхэндээ настай хүнийг яаж байгаа юм бол гээд эмээж байлаа. Гэтэл юу болсон гээч ...
Морь ч гэж морь юм. Сайхан ч тэнхээтэй, сайхан ч булгих. Ах ч ёстой шаасан гадас шиг тогтох юм. Би зөндөө л морь булгиулж байгаа залуучуудыг харж байсан. Ингэж огшиж байгаагүй. Бүр нэг хараад баймаар бахархмаар адуунд эртэй хүн юм аа. Үнэхээр аатай. Ах нь дахид нэг булгиулчих уу гээд л орилоод морьныхоо хүзүүрүү алгадах, нөгөөх нь ч зантай гэж жигтэйхэн дахиад л булгиад алга болно. Дахин дахин булгиулаад л гайхалтай. Ёстой огшоож өгсөөн. Баасан ах морин дээр явахдаа 30 гаран насны залуу шиг л харагдах юм.
Дараа нь морь уургалав. Бөөн адууруу морьтойгоо хар хурдаараа зүсч орон ганц дохиод л уургална. Янзтай. Уургалаад л давхиан дундаа эмээлийнхээ хойгуур (хойго) суугаад л татна. Үнэхээр эртэй.
Л.Баасандорж ах эцэг эхээсээ 12-лаа гэсэн. Анх 100 хүрэхгүй малтай, 20-иод гүүтэй л амьдрал нь эхэлсэн гэнэ. Тэр үeд 1000 адуутай болох юмсан гэж мөрөөдөж байж. Одоо бол тэр мөрөөдөлдөө хүрсэн хүн. Хонь нь ч 1000 гаруй юм билээ. Аав нь бөхийн цол дууддаг хүн байсан гэнэ. Тийм болохоор бөхийн төлөө нилээд явдаг гэсэн. Сумынхаа бөхийг нэг хэсэгтээ л ивээн тэтгэн авч явсан гэнэ лээ.
Мотоцикль унах дургүй, мяндас хэрэглэх дургүй морио л унадаг монгол гэсэн. Морь унахад дулаацахад ч амар байдаг гэх. Eр нь хүүхэд шилбүүр унан давхиж, хонь хурга эргүүлж, адуу малтай ноцолдож байж л малын дөртэй болдог юм. Бас нэг юм хэлэхэд асарт орж морио цоллуулаагүй байж алдарт уаяч болно гэдэг ч дээ гэв.
Аймгаас гэнэт дуудаад л хөдөлмөрийн гавъяаны улаан тугийн одонгоор шагнуулж байлаа, бас гэнэт дуудаад л алтан унаганы эзэн болж байлаа гэх өндөр ах маань бэлчээрийн даац хэцүүхэн байгаа энэ үeд адуучин хүн адуугаа зөв нутагшуулж, зөв маллах хэрэгтэй юм шүү гэлээ.
Баасан ах миний хувьд бараг л зодог тайлах морь булгиулалт болох шиг боллоо гэж байсан. Харин миний хувьд бол яагаа ч үгүй байна лээ, нас бол тоо гэдгийг жинхэнэ утгаар нь ойлгуулах шиг.
Энэ бол 3 дахь удаагийн булгиулалтын бичлэг. Мэдээж морь маань нилээд цуцсан байх. Эхний удаагийнх шиг бөөн эрч хүчийг яаж гүйцэх билээ дээ. #2018.04.24.
#Хэнтий аймаг, #Норовлин сум
#БиднийЦөөхөнМонголчууд төсөл

[@shinetsetsegbatbold8244]

9