مطلوع مغنية 🥰 لي درت بيه حالة مع المحلات 😎 مديتلكم كل أسرار نجاحه للمبتدئات
HTML-код
- Опубликовано: 13 сен 2024
- #مطلوع-مغنية
#الخبزـالمنفوخ
#مشروع-المطلوع
#مطلوع-المحلات
4 خبزات وزن الخبزة الواحدة 420-430غ
1 كغ فرينة
10غ خميرة خبز فالصيف (20غ فالشتاء)
20غ سكر فالصيف (40 غ فالشتاء حسب الخميرة )
20غ ملح
700ملل ماء دافئ
وصفة طمينة بمكون سري يزيدها طراوة وتعليكة
ruclips.net/video/d9Ve6mxTrKE/видео.htmlsi=mcxhllwYKk5YabdZ
مكانش هنا وحدة قلبها بيض و حنين، شافت تعليقي و فرحتني بابوني، الله يجعل ايامك كلها خير و راحة و فرح وسعاده يارب و يفتح عليك ربي بيبان الرزق
والله جربته البارح وتبعت نفس الخطوات خرجلي كما نتاعك عجبهم كامل وجامي خرجلي خبز الكوشة كما هاك خلاص مانبدلش الوصفة عطتينا حتى مقادير الماء الله يحفظك تمدي الوصفة بمصداقية كملي كما هاك تنجحي متتبعة جديدة ام الاولاد من بلعباس ودرينا مطلوع الفرينة في الطاجين باش نعتامده ❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤ هاذ القلوب كلها ليك
بصحتككك حبيبتي شكراا على الثقة
يعطيك الصحة مكاش كيمة صنعت يداك راهو يشهي موالفة نديرو راهو يغير غير نتاع زبدة ولا زيت الزيتون 😋😋 الله يبارك ماشاء لله ❤❤
مشاء الله تبارك الله ربي يحفظك و يعينك في ميزان حسناتك
انا نديرلها في كويزينيار ونشعلها قبل نصف ساعة تحما مليح وتخرجلي كيما هاك الحمدلله
والله من صوتك وليت نقول هاذي أم سهيل توحشتك بزااف متتبعة قديمة من تيارت أختك أم لبنى❤ربي يحفظك ويسعدك ويوفقك ❤
❤❤❤ حبيبة قلبي
@@Saltyrecipes 🥰🥰🥰
الله يعطيك الصحة اختي حتى عرفتك بانك أم سهيل باش ابونيتك لانني نحب وصفاتك و شرحك كثير تستهلي كل خير أتمنى لك المزيد من التألق و التوفيق
حبيبة قلبي ❤️😘 نورتيني 🌹
الخبز كيما نتاعي ونا نبغي نتقهوى بيه وقاع منملوش يعطيك الصحة والعافية❤❤
شحال نبيعه للسوبيرات من فضلك اختي وشحال فيه فوائد في العشرة كلغ فرينة وشكرا على مجهوداتك وإن شاء الله في ميزان حسناتك يارب
تبيعيه 35 دج واشري الفرينة نتاع 50 كلغ باه تخرجي فيها والخميرة نتاع 1 كغ
@@Saltyrecipes راهم يبيعوه بستة الاف و علاش هو راه يعجن معاكم و يتعب حرام عليهم على الافل يشروه عليك ب اربعين دينار , عشرين دينار بزاف عليه , الله يرزقكم من واسع فضله .
@@fidaben1104 والله يرزقك كل خير ويعطيك ماتتمني
@@نرجسبراهيمي اللهم امين و اياكم
سلام عليك ختي انا رني نخدمها بصح مراهاش تطلعلي فلكوشا مليح
بوركت حبيبتي وجزاك الله كل خير على كل هذا الشرح المبسط
أميين ياارب
الله يعطيك الصحة. صراحة كنت ندير خبز مغنية و ننغبن باش نخدمه. لكن راح ندير les astuces , تاوعك . صراحة طريقة عملية و سهلة. الله يحفظك
ما شاء الله. يعطيك الف عافية
الله أبارك خبز واعليه لكلام ايسخف لازم انجربو أن شاءالله حتي يرتاح دراعي
ربي يشافيك لحبيبة
اختي ،خبز مشاء الله تبارك الله عليك ،برك خبيت نسقسيك علا سميد لي راه في سنيوة اسكو نحيه ولا ندخلها للفور مع الخبز .❤@@Saltyrecipes
مشاءالله تبارك الرحمن
يعطيك الصحة ختي هدا هو الخبز الي كنت نحوس عليه جاء في وقتو ربي يجعلها لك في ميزان حسناتك ختي متتبعة جديدة معاكم ❤❤❤
يعطيك الصحة حبيبتي يهبل باذن نجربو اليوم
بارك الله فيك ماشاءالله عليك ❤❤
وفيك بركة حبيبتي ❤️
يعطيك الصحة راني جربت معقودة خرجت من أروع مايكون شكرا لك ❤
حبيبة قلبي دائما مفرحتني بتطبيقاتك وتعليقاتك المحفزة شكرااا على الثقة
السر في خبز مغنيه في الطيب لازم في فور السعاده ماشي في الكويزنيار
عند كوزينيار يخرج هائل سر في عجن وكوشة سخونة
من فضلك جاوبني يعطيك الصحة كيفاش تمديهم للسيبارات في سلة ولا سربيتا باش ميتنداش ويخسر
اول مرة نشوف قناتك حبيبة ديرولي كوراج 😭😭😭
معليش حبيبتي خسارة العجين ولا خسارة اليدين / المهم عاودي برطل فرينة 2 خبزات
السر رآه كي تعجنيه دخليله الهواء ولازم يخمر مليح والكوشة حاااامية ونار مليحة مش ناقصة كيما نتاع القاطو
@@Saltyrecipes ربي يعيشك حبيبة نجربو ونرجعلك 🥰
أول مرة نشوفك ربي يوفقك
يعطيك صحي انا شويا من باتنة كليتو في مستغانم مع ولادي مليح وخفيف🎉
انا من مغنية نقولكم هاد الخبز تاع مسيردة نواحي مرسى بن مهيدي باب العسة بوكانون اربوز بيضر ......... ونسب لمدينة مغنية لان المسيرديين لما هجرو لمغنية كان هو مصدر رزقهم النساء تخبز والرجال يبيعوه فالاسواق الشعبية . وتتعالى صيحات الباعة خبز مسيردة خبز مسيردة . والمسيرديات معروفين بيه وخبزهم لا يعلى عليه سواء كان بالسميد وحده او الفرينة وحدها او قمح او خليط وكاين تاع الشعير وكان يندلك لكن لاجل التجارة اصبحنا نحضره من الفرينة وحدها . ❤خبز المطلوع لمسيردي . ❤
نساء مغنية ما كانوش يخبزوا كانوا يستناو المهاجرات يخبزونا الخبز
حبسي الزواخة
انا بنت مغنية في عمري 67 سنة كلش تعلمتوه من ناس مغنية انتم كنتم فقط فيلاجات و مناطق الكل كان ينزل لمغنية يتسوق ويتحمم ويشفي الذهب
لكن لا انكر ان المطلوع خاطينا لكن نتميز بخبز الفران قمح فرينة او زرع كل انواع الخبز والحلاويات . بفضل نساء مغنية تعلمتوا الحلويات التقليدية .
تحبي نسرد لك التاريخ من حلوة اللمبوط ومراشم واجي طالع
@@Sad-r9p يا اختي انا لم اقل ان مغنية لا يوجد بها خبز جاوبي حسب كلامي انا اتكلم على المطلوع اسألي اي واحد يقولك المطلوع تاع المسيرديات . اما مغنية ونواحيها معروفين بخبز الفران والكانون و الخبز الطايب على الدوم وغيره انا وااااثقة جدا من كلامي . وانا مسيردية وزايدة وكابرة فمغنية ونعرفها مليح وعمري ماشي بعيد عليك وبحكم زواجي في عائلة ماشي مسيردية فهمم ما عندهمش المطلوع بل خبز الكانون واسألي وتأكدي ونزيدك ماشي انت لي تسرديلي التاريخ . التاريخ نعرفو مليح والحلويات انا هضرت عليها ؟، اش دخلها فموضوع المطلوع بركاي مالتخلاط . موضوعنا المطلووووع لمسيردي
وزيدي معاك بشار معروفين بيه الخبز المخمار ديري منه السفنج
@@Fafa-vm3sx واه اختي حتى المطلوع نقدرو نخرجو منه السفنج سورتو كي يكون مطلوق شوية يجي روعة وتقدري ايضا تقطعي خبزة بالسكين بعد ما تقرصيها فالسميد وتخمر . تقطعيعا اشكال عشوائية وتقليهم للوليدات يجو ملاح مع القهوة . يشبهو فماكلتهم للسفنج .
@@Sad-r9pعلاه راكي تخلطي في الهدرة المهم جزائرية سواء مغنية او مسيردة
انا اكديلي على جزائرية و ااباقي ساهل
مطلوع روعه ما شاء الله عليك🎉❤
شكراا حبيبتي
لي تبغي تخدمه غي في دارها تخبزه مباشرة في السني يكون مدهون بالزيت وتخليه يخمر وتطيبه
سر نجاح الوصفة في طريقة الطهي، لانوا الخبوزات فرن سخون جدا كيما نتاعك طولا
نعم المعجنات بيغو سخانة زايدة
ربي يبارك جاك تووب،من فضلك انا ما عنديش فرن السعادة عندي كويزينيار كيفاش نطيبو باش يخرجلي كيما هذا فارغ و فيه لخيوط،و شكرا مسبقا
نفس السؤال وشكرا
❤
يا ختي يطيب عادي غي سخني الكويزنيار مليح واحد نصف ساعة
ماشاء الله عليك ربي يحفظك ويبارك لك ويبارك فيك❤❤❤
رائعة يعطيك الصحة
سلام عليكم حبيباتي ان شاء الله يكون الفيديو مفهوم / مطلوع خفيف يهبل راح تعتامدوه وتديرو بيه حالة
1 كغ فرينة
15 غ خميرة خبز فالصيف ديري 10 غ وفالشتاء ديري 20 غ
والسكر دائما ضعف الخميرة
درت 30 غ سكر فالصيف 20 غ وفالشتاء 40 غ
( بالملعقة تجيك كيف كيف بصح بالميزان تختلف لأنو سكر ثقيل على الخميرة )
20 غ ملح
700 ملل ماء دافي
ياريت بفرينة القمح الكامل
يا عمري على هذا الصوت انتي ام سهيل قناتك راحتلي ودخلت على النيهه عرفتك من صوتك توحشتك اختي متتبعه من ورقله
حبيبتي ❤️ نورتيني ومرحبااا بناس ورقلة
انا تاني شكيت انت غير من صوتك ،متتبعة من ولاية معسكر ،ربي يوفقك و يعاونك اختي الكريمة @@Saltyrecipes
انا تاني شكيت انت غير من صوتك ،متتبعة من ولاية معسكر ،ربي يوفقك و يعاونك اختي الكريمة @@Saltyrecipes
Peut battre la pâte ds le pétrin
شكراً لكي سيدتي سؤال من فضلك هدوك نتاع الصنيوات ما تنحرقش الخبيزات مع السميد شكرا
الله يعينكم و يباركلكم ان شاءالله
الله يبارك يعطيك الصحه
ماشاءالله تبارك الرحمن اختي كتشهي رائعة رائعة ❤❤❤❤
ياه هاذي ام سهيل لغالية وأنا نقول صوت ماشي غريب عليا❤
حبيبة قلبي ❤😘
للمبتدئات الخبز قطعوها فوق قراصات خشبية يعني هادوك اللوحات تاع المبسس وشكليها . ولما تحبي طيبيها شغل ڨليسيها واو سرسبيها ديراكت فالصينية او الطاجين و نصيحة تقبيها فالوسط باش ما طلعش القشرة
Choukran ghti zwin bezef ❤❤
مشاء لله جاك ايهبل يا بنتي يعطيك الصحة انا نديرو بنفس الطريقة ونطيبو فل فور سعادة اجي شباب بصح ميجيش فيه دوك لخيوط خصارة
راكي تدهني سنيوات بالزيت ولا راكي تشكي الخبزات قبل لا تدخليهم الكوشة
@@Saltyrecipes يعطيك الصحة على الرد لا لا انا نطيبو فل بابي كويصو مفهمتش تشكي سمحيلي
يعني اختي تثقبهم بالفرشيطة او شي حاد @@smmg9484
@@MaryaMima-df3ju لا لا ما نتقبهوم ما ندهن السنيوات بزيت
@@smmg9484 لازم يكون العجين يكون شوية مطلوق والكوشة زيديلها من فوق تخرج هكذا
ماشاء الله
يهبل ماشاء الله انتي أم سهيل أختي صوتك يشبهها بزااااف
🥰 حبيبتي
جربتو اليوم روعة يعطيك الصحة
يعطيك الف صحة حبيبتي
اختي ديرينا خبز السميد
يعطيك الصحة راه يشهي❤❤
يعطيك الصحة وربي يعاونك كيما راكي معاونتنا.انا عندي cuisiniere نجم نطيب فيها عادي ؟
تقدري سخنيها مليح ملفوق وعاودي شعلي من تحت وطيبي
يعطيك الصحة سيدتي لكن لاحظت انك لم تضعي ثقب في وسط كل خبزة عادي و شكرا
بالعكس بلا ثقب احسن باش يتفرق ويجي مشبك
هذا باه يجي منفخ اذا ثقبتيه يجي خفيف بصح موش منفخ وفيه لخيوط
سلام عليكم اختي يعطيك الصحة ،معنديش كويزنيار ولا كوشة تع النار نقدر نطيبو في الفور تع القاطو يصلح وشكرا
لا تبغي نار مجهدة
يعطيك الصحة اليوم نجربو بإذن الله
خمس كيسان فرينة
كيلو فرينة 😊
15 غ خميرة
السكر30 غ😊
ندير ثقب وندير 20 غ
ملح
700ماء
ام سهيل توحشناك ربي يخليك قناتك بدلتها
تتوحشك الجنة عمري نورتيني 😘♥🌹نعم حبيبتي تخليت على القديمة هاذي نتاع مالح ونبدا من 0 فالحلو راهي في تعليق مثبت
اختي كريمة تحطي خبز من تحت،وات من الفوق يطيب من فصاك ردي،علي،باش ننجح فيه وغاز من تحت وفوق ميفاش بكون قاوي ولا شويا
حطيته من تحت بصح حاطة سنيوة فوق البلاكة لي فوق النار والكوشة شاعلتها الفوق وتحت
@@Saltyrecipes الله،يفتح بيبان جنة عليك بارب ربي،يعطلك خير ويبارك فيك اختي
Merci beaucoup recette reussi % pour cent
ربي يحفظك اختي ما شاء الله
يعطيك الصحة حبيبتي ❤
تحيا السعادة فرن ف
ور
لازم يطيبو فكوشة نقدرو نديرهم فطاجين
حتى نشاركم نتاع طاجين
نحبك بزاف ام سهيل من فضلك درلنا مطلوع بمحسن الخبز وشكرا على كل وصفاتك متتبعة وفية ❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤
يعطيك الصحة
يعطيك الصح
ALLAH. YATEK. SAHA. KOUNT NACHRIH DOUK DIRAH FI DARI INCHA. ALLAH.
شهتيني ربي يحفظك ويسعدك
أميين ياارب
شهيتك فالجنة حبيبتي
يا اختي حبيت تعطني لعبر تع ارطل فرنا
اناثاني نديره ويجيني كما نتاعك بصح نحط اعراش من الدوم يجي رييحته كما ليطيب فلفرن البدوي. نتاع الطين تحياتي لكي اختي
يعطيك الصحة حبيبتي هكذاك يجي أروع
يشهي
شكرا
اختي حبيت ندير غي زوج خبزات شحال ندير مقادير
قالت كيلو يديرلها ربع خبزات تسما زوج خبزات اقسمي المقادير على زوج نص كيلو فرينة .....
@@faiza4846 الا جربتها بعد مادرت لكمونتار قسمة كامل المقادير علۍ زوج وخرج بنين يسخف تعيشي اختي صحيتي
مشكورة اختي وصفة كسرة فطير رخساس والمسمن والبتزا وربي يوفقك
إن شاء الله حبيبتي شكراا
nahbak bazàf❤❤
❤
❤ شكرا لكي❤❤❤❤❤❤
❤❤❤
هدا خبز كوشا مطلوع مغنية يجي فطاجين تحياتي من تلمسان
Ya3teke.saha
الفرن تيعي يشعل من تحت وحد و من فوق وحد مايشعلوش مع بعض؟
مشالله ربي يحفظك ويسعدك يارب العالمين 🌹👍🌺🌺🌺🤲🤲🤲🤲🤲💐💕💕👍👍👍👍👍
نوعيه الفور دليلك من فضلك
صافي لازم لكوشة كيما تاعك يعني منقدرش نديرو فلكوشة عادية ولا كيفاش جوبيني ختي منفضلك حبيت ندرها بصح خفت متنجحش
أي كوشة لمهم تكون تشعل لفوق وتحت و سخونة ماشي باردة ونارها ناقصة
انا و الله نطيبو فالفور تاع كويزينيار عادي نشعل غير ملفوق اقسم بالله غير يجيني
طايب يشهي تقول طاب في فور السعادة
ممكن بالمكينة بالكهربائية
اختى علاش ماتدهنيش سنيواة بالزيت السميد ينحرق المهم الله يعطيك الصحة
نتاع الزيت مايجيش منفوخ
راح نشاركم سنيوات صغار بلاماينحرق سميد
الله يعطيك الصحة . مشتركة جديدة .
عندي فور chaleur tournante، على أي درجه نشعله؟
المشكل فالكوشة هذه مش كوزينيار كيما العادية نقدر نطيب فيها طيبلي برك اما الفوق اما التحت ماطيبش نفس الجيهتين 😢
تعيشي اختي اذا درت كمية زوج خبزات فقط نقسم هاذ المقادير على زوج
نعم واذا عندك ميزان راني كاتبا كلش بالميزان قسمي على زوج
من فضلك ختي سنيوة باش نحطو لخبر لازم تكون سخونة يعني نخرجوها مل كوشة ونحطو فيهآ لخبز نتمنا جوبيني تعيشي
لا حطي فيها عادي حتى نعاودلكم نتاع سنيوات صغار ونبسطلكم أكثر
جام اختي نوعيةاافرينة
شكارة نتاع 50 كغ استعملت الغزالة وهي تنجح مع أي نوع إلا إذا العلبة الصغيرة نتاع الكيلو استعملي نتاع t55
سلام اختي مفهمتش طريقه طياب تاعو كفاش نطيبو❤❤❤
نعاود نبسطلكم في فيديو آخر
نقدر نطيبهم في الكوزيار
تقدري
شعليلها ملفوق تحمى وكي تحمى شعلي من تحت ودخليها تطيب
@@Saltyrecipes مشكور اختي
شحال نبيعو للوحدة
❤❤❤❤❤👍👍👍👍👍🇲🇦💐
ممكن في سنيوات صغار
شكرا حبيبتي
انت ام سهيل صح
نعم 🌹🥰
@@Saltyrecipes 😘😘😘😘
مشكل في كوشة ، لي ماعندهاش كوشة تاع عرب مادرنا والو ، ولي عندها كوشتها ماتشعلش فوق و تحت في زوج كيفاه؟!
صح انا عندي الكوشة تشعل غي من لتحت
نحي السني الي يجي ٱسفل الكوشة و خليها تحما مليح باش توصل الحرارة للفوق و كي تجي تطيبي رجعي السينية في مكانها باش ما ينحرقش الخبز و طلعي الشبيكة الي تحطي فيها الخبز بدرجة يعني ما تخليهاش فالوسط طلعيها بدرجة واحدة انا هاكا نطيب الخبز و حتى الحلويات .
يعطيك الصحة على المعلومة@@fidaben1104
@@user-se8xq5mt1h العفو ٱختي 💚👍
@@fidaben1104 من فضلك اختي بغيت نسقسيك مين طلعي الخبز للفوق مينحرقش لخاطر يكون شاعل من الفوق من فضلك جاوبيني متمنيه نديره ويخرجلي شباب😅😅
لى حابة تشري منصة تعليمية وتخدم بيها عيى من الدار او بتليفون تتواصل معايا
انا نبيعو 25دج بالصح راني معولة نقولهم 30دج
الله يعاونك و يربحك في الرزق الحلال بالتوفيق❤
يا أختي نقدر نعجنها بلبيتران من فضلك و شكرااا
نعم تقدري
هدا الفديو تاع ام سهيل
ام سهيل ما خرجلهاش كما هذا
@@Fafa-vm3sx هدي القناة تاع ام سهيل وانا معرفتهاش😂
😘♥🌹
@@Saltyrecipes راني درت اشتراك
@@سلوى-ث3ق نورتيني 🌹❤
هاذ القناة ماشي نتاع أم سهيل ❤❤❤❤؟
مطلوع مسيردة ياناس
صححو الخطأ
اسم فرينة نتاع 50كغ تكون مليحة من فضللك
سلام فرينة توفيق عن تجربة
معنديش كوشة تشعل مفوق وتحت