BRIFINF Quyosh panellari: qulay, samarali, istiqbolli

Quyosh panellari: qulay, samarali, istiqbolli
Ayni kunlarda yurtimizda energiya tejovchi texnologiyalarni joriy etish, quyosh panellarini oʻrnatish boʻyicha qator qulayliklar, soliq imtiyozlari yaratildi.
Samarqand viloyatida 1 074 ta ijtimoiy soha obyektlari va davlat idoralariga quvvati 10,9 MVt, 369 ta tadbirkorlik subyektlariga 18,5 MVt va 3 250 ta aholi xonadonlariga quvvati 17,6 MVt quvvatdagi quyosh panellari oʻrnatilishi rejalashtirilgan.
Hozirgi kunga qadar 949 ta ijtimoiy soha obyektlari va davlat idoralariga quvvati 16,18 MVt boʻlgan quyosh panellari oʻrnatilib, reja ijrosi 149,1 foizga bajarilishi taʼminlangan.
Shuningdek, tadbirkorlar oʻrtasida olib borilayotgan tushuntirish va targʻibot ishlari natijasida 882 ta tadbirkorlik subyektlariga 17,48 MVt quvvatli panellar oʻrnatilib, ishlab chiqarilgan elektr tokini tarmoqqa sotish hisobiga oylik daromad topayotgan tadbirkorlar soni ham ortmoqda.
Tadbirkorlik obyektlarining bojxona omborlarida saqlanayotgan qiymati 409,79 mln dollarlik quyosh panellari va ularning ehtiyot qismlari soddalashtirilgan tarzda yakuniy bojxona rejimiga rasmiylashtirib, obeʼktlarga oʻrnatilishi taʼminlanmoqda.
Taʼkidlash oʻrinliki, bunday qurilma yordamida xonadonini elektr energiyasi bilan taʼminlagan (oʻrnatilgan yer maydoni uchun) jismoniy shaxslar 3 yil, tadbirkorlik subyektlari esa 10 yil davomida yer va mulk soligʻidan ozod etiladi. Oʻz navbatida jismoniy shaxslar quyosh panellarini 3 yil muddatga foizsiz, boʻlib-boʻlib toʻlash sharti bilan sotib olishlari, tijorat banklari tomonidan ajratiladigan kreditlardan foydalanishlari mumkin. Bunda, 5 kilovattgacha boʻlgan qismiga boʻlib-boʻlib toʻlash imtiyozlari beriladi.
#panel #quyoshpanel #bojxona #samarqandbojxona #jartepapost #aeroportbojxona #yangilik #brifing #narkotik #tezkor #news #bojxonatezkor #bojxonaxabarlari