نيسان اكس تريل الجديدة.. منظومة إي باور و كيفية عملها و اختبار القيادة و التسارع Nissan X-Trail 24
HTML-код
- Опубликовано: 2 окт 2024
- نيسان اكس تريل الجديدة بكل تفاصيلها..
بصوا أنا عارف إن الفيديو طويل، بس فعلاً العربية تفاصيلها كتير و محبتش أعملها على فيديوهين عشان الموضوع كله يتلم مع بعض.
وصف العربية نفسها، الشكل الخارجي، داخلية السيارة و الخامات و النظام المعلوماتي، القيادة، التسارع، مميزات و عيوب، مقارنة بأقرب المنافسين، و أخيراً منظومة الحركة.. وما أدراك ما منظومة الحركة 😁
تقنية الإي باور e-power و شرحها كمميزات و عيوب واخدة أكتر من نص وقت الفيديو لوحدها.. بس حاولت أوضحها على قد ما أقدر..
الفيديو غالباً هتلاقوا فيه إجابة عن أي سؤال ممكن تسأله عن الاكس تريل، بس لو في أي حاجة متقالتش اكتب سؤالك في التعليقات 👇🏽
مشاهدة ممتعة و كل عام و أنتم بخير 🙏🏻
#سيارات_مصر #السوق_المصري #أ_ب_عربيات #أسعار_السيارات #سيارة_جديدة #نيسان #نيسان_مصر #اكس_تريل #إي_باور
#nissan #xtrail #epower
🚨 لينك نيسان اكس تريل على موقع هتلاقي:
eg.hatla2ee.co...
🔴 رقم تليفون #كاربروجيني:
01100333310
🔴 صفحة كاربروجيني على الفيسبوك:
/ carprogini
مساء الخير بشمهندس مصطفى و كل سنة و حضرتك و الأسرة الكريمة طيبيين و بخير…فيديو متميز و شرح وافى ميطلعش غير من شخص فاهم كويس قوى
لو تسمحلى تعليق صغير على المنظومة دى او الفكرة الحلوة دى، بما ان سعة بطارية العربية ٢ كيلوات ساعة فقط، يعنى البطارية دى و فى افضل الظروف هتقدر تطلع ٩٠ كم مشى بالتقريب و ده على سرعة ٩٠ كم/ساعة، و ده معناه اعاده شحن البطارية مرات متعددة و فى اى وقت و ده معناه degrading سريع لعمر البطارية عن الطبيعى فى العربيات الكهربا و الدليل ان شركة نيسان عامله الضمان ٥ سنوات فقط مش ٨ سنوات كما هو معتاد للسيارات الكهربا…ناهيك انك بتاخد مشاكل السيارات البنزين و سعر البنزين مع مشاكل السيارات الكهربا فى طول عمر البطارية و تدمجهم مع بعض فى عربية…نظريا الفكرة حلوه و معروفة من زمان، مولد بنزين يشحن بطارية و لكن عملياً اتوقع مشاكل كتير
مش عارف يا درش بس ارقام استهلاك البنزين مش مبهرة خالص و انا معايا اتيكا بجيب نفس الارقام دى بسهولة شديدة
العربية فقدت الميزة الاساسية للتكنولوجيا دى
بالاضافه الى ان عمر البطاريه و عمر الموتور التلاتة سلندر عليه علامة استفهام كبيرة بعد الخمس سنوات الضمان دول
الميزة الحلوة هو التسارع بس اللى بيجيب عربية عائلية زى دى مش اول اهتمامه التسارع
الاهم هو المساحات سواء الجلوس او التخزين و العربية سيئة للغاية فيهم
غذرا للاطالة بس شوية خواطر
متكلمتش عن
النظام الصوتي
عدم وجود استبن
حضرتك ياريت تقول السعر الموجود مش لازم ادخل على موقع تانى حتى لو كان السعر مقارب وشكرا لحضرتك ❤
هو الحقيقة مش مقارب و في تفاوت في سعرها يصل ل٧٥٠ ألف جنيه للأسف من مكان لآخر.
لو العربية حتترفع سنة البطاريات تخرب؟
السلام عليكم
مشاء الله من احسن المراجعات لحد الان
نقطه اني اجيبها من الخارج هل التوكيل هنا بيغطي صيانتها
وايه رئي حضرتك هل هي ولا المنافسين زي الكودياك
من حيث الصيانات ومصايف البنزين وقطع الغيار
هيا ولا سورينتو جرافتي دفع رباعي ولا كودياك
سلام عليكم ورحمه الله وبركاته عيد سعيد مبارك ممكن نصيحه من حضرتك أريد شراء سياره من أوروبا لمصر هل اشتري تيجوان ام اسكودا كودياك الشكل الجديد من حيث إعادة البيع والصيانة والتشغيل واستهلاك الوقود ارجو المساعده مع جزيل الشكر والتقدير
تيجوان لو مش محتاج ال٧ مقاعد. باقي النقاط العربيتين زي بعض فيهم مع فروقات لا تذكر لأنهم نفس الشركة و نفس منظومة الحركة.
شكرا جزيلا لكل هذا الجهد❤
لكن يا افندم مرات الشحن و التفريغ للبطارية الصغيرة دى هيقلل عمرها الافتراضى جدا فلو فيه معلومة عن كده يا ريت توضحها و شاكر جدا
الصراحة اداء فوق المتوسط وسعر مش مميز قوي، ازود شوية واركب تيجوان افضل كتير....لحد دلوقتي مش شايف ميزو تخليني اخد المخاطرة
السلام عليكم ورحمة الله يا ريت مقارنه بين نيسان إكسترال بيجو 408 وخصوصا ان اسعار الاثنين تقريبا واخد برجاء الرد ايهما افضل من ناحيه الاداء والاقتصادية والاعتماديه
ال variable compression ratio turbo engine حساس لأوكتين البنزين زي أي موتور 3 cylinder turbo
في
High hissing
يا كبير في الفيديو في الاول في الخارجيه 😅
فيديو ممتاز جدا . ممكن اعرف محتاج تشحنها ولا لا. بس كده
هحتاج تقييم للe power والفرق فى الاداء بينها وبين e4power
الافضل علي الاطلاق في تقييم اي عربية بالاضافه الي انك شخصية محترمه جدا
من ذوقك والله.. كل سنة و أنت طيب و بألف خير
يعنى عربيه range البطاريه ٤ كم ازاى أقول عليها كهربا .
هو صوت الموتور عالي ليه كدة لما بتدوس فجأة
العربيه هايبرد يعني هجيبه
مشاء الله مراجعة تفصيلية اكثر من ممتازة تسلم ايدك 👌
مراجعه ممتازه ومجهود جميل ٠٠ شكرا
العربية مش بتتعامل ك تامين و ضرايب فى اوربا على انها عربية كهربا, برافو نيسان انهم عرفوا ضحكوا على حكومة المصرية.
بتتعامل على أنها إيه؟
يعني بتترخص علي انها كهرباء عشان بفكر استورد واحدة
@@ab_carz بتتعامل على انها عربية عدية و مش بتيجى حتى فى انجلترا تحت بند (PiCG)
@@ab_carz و مش بتاخد grant اللى ممكن يوصل 2500 استرلينى
@@ahmedomrr8650 المفروض اه بس اللى احسن تشتريها بالتوكيل عشان الضمان و عقد الصيانة الخمس سنين
ارجو مراجعه سعه الشنطه والفرق بين ال٥ كراسى و٧ كراسى
المفروض لما تقفل الكراسي الصغيره تبقى سعه الشنطه واحده ازاى تزيد فى ال ٥ كراسى
وايه السبب فى الزياده ما هى العربيه واحده والابعاد واحده
دى اول مره اشوف كده الحقيقيه
كل الأرقام صحيحة و ٩٩٪ العربيات كده لأن ضهر المقعدين الزيادة مش بيبقى مسطح تماماً في أرضية الشنطة و بياخدوا حيز من المساحة.
ارقام الاستهلاك دون التوقعات
شرح ممتاز بالتوفيق
شكرا جزيلا.
دائما متميز في عرضك🌺
بسم الله ماشاء ، موفق دائما يا صديقي ❤
تسلم يا غالي يا محترم ربنا يعزك
سؤال
لما البطاريه تخلص تماما
هل المولد الكهربى قادر اعطاء كامل الطاقه الكهربيه للمواتير الكهربائيه
ولا فى ليمت او (ساف مود)
حمايه للمولد من حرق ملفاته
ممكن اجابه
البطارية مش بتوصل انها تخلص تماماً، لازم المولد يشتغل وهي في آخر ١٥ أو ٢٠٪ و مش بتنزل عن كده مطلقاً وده شئ أنا لاحظته و اختبرته بنفسي أثناء الاستخدام.
تقييم احترافي ممتاز يا محترم 👍❤️
ريڤيو رائع يا مصطفى
مراجعة ممتازة
❤👍☝️
استاذ مصطفى ممكن اعرف اخبار التكيف اخباره ايه قوى ولا ضعف لا متوسط
قوي جداً
هل ينفع اشتري سيارة نيسان أكس تريل أي باور من الامارات لأن في سيارة استيراد موجودة متاحة في الامارات هل الجمارك هتبقي حسابها على أساس أن السيارة كهرباء ولا سيارة عادية وبخصوص الصيانة فهل التوكيل هيقبل يعملها صيانة ولا لا
لو هتسورد الe power هتتحاسب على أنها كهربا و تم ذكر النقطة دي و توضيحها في الفيديو.
ماشاء الله على الاخوة المصرين فلوسهم كثير
يسمع من بقك ربنا 😄
👏👏👏👏
هي سياره حضرتك صلحتها ولا لس ولو صلحتها اتكلفت كام
لسه فيها شوية حاجات هستنى لما الصنايعية يشتغلوا بعد العيد ان شاء الله لإنهائها.
تسلم ايدك علي الريفيو لكن للعلم غطاء الامتعة في الشنطة له مكان بيتخزن فيه اول ما بتفتح الشنطة بتلاقي في ارضية الشنطة رف بيتشال و بيتخزن تحته ال غطاء
Only for non-epower. In e-power versions in that space is the 12V battery and tire repair kit.
لأ للأسف مش في نسخة الإي فورس.
هي ولا الكودياك ؟ في الثبات علي السرعات العاليه واعاده البيع
كودياك
Very good 👍
Thank you 👍
للاسف اكتر فكرة فاشلة
وجهات نظر و رأيك يحترم.
ايه سبب الفشل
بالعكس انا شايف انها فكرة عبقرية واتوقع كمان ممكن شركات تانية تعتمدها
اسوأ وأفشل فكرة فى عالم السيارات حاليا
بالعكس احسن فكرة
حقيقي ريفيو رائع من حضرتك وشكراً جزيلاً علي المجهود الممتع....🌹
وسؤال آخر هل في اي مشكله بالنسبه لعطل البطاريات علي المدي الطويل واسعارهم غالية......
لأ مفيش قلق و البطارية أساساً حالياً جديدة تمنها دون ال٧٠ ألف جنيه.