Lutjet e Shenjtes Brixhida - Preghiere di santa Brigida

SHTATË LUTJET E SHENJTES BRIXHIDA
PËR T’U THËNË PËR 12 VITE
Shpjegimi dhe Premtimet e Jezusit për ata që do t’i thonë këto lutje për 12 vite
Jezusi ia dëftoi shenjtes Brixhida (1303˗1373), që Ai kishte marrë 5.480 goditje (rrahje) gjatë Mundimit të Tij dhe se i kishte derdhur më shumë se tridhjetë mijë pika të Gjakut të vet Tejet të shenjtë për ne, duke shtuar: “Dije se Unë do të dhuroj këto pesë Hire secilit që çdo ditë do ta nderojë Gjakun tim Tejet të shenjtë për dymbëdhjetë vite, duke i lutur shtatë Ati ynë... dhe shtatë Të falemi Mari..., me lutjet që t’i dëftoj!”.
(Në fakt, nëse llogarisim, do të na dalë kështu: 7 x 365 = 2.555 x 12 = 30.660. ˗ Pra, çdo pikë të Gjakut të Krishtit ne e nderojmë me këtë lutje me nga një Ati ynë... dhe një Të falemi Mari...!).
Nëpërmjet Shenjtes Brixhida, Jezusi u ka bërë premtime të mrekullueshme shpirtrave që do t’i thonë këto Uratë për 12 vite. Në mënyrë të veçantë, Jezusi premton:
1. - SHPIRTI QË I THOTË NUK DO TË SHKOJË NË PURGATOR;
2. - SHPIRTI QË DO T’I THOTË DO TË PRANOHET MES MARTIRËVE SIKURSE TË KISHTE DERDHUR GJAKUN E TIJ PËR FENË;
3. - SHPIRTI QË I THOTË MUND TË ZGJEDHË EDHE TRE PERSONA TË TJERË, TË CILËT JEZUSI DO T’I RUAJË NË GJENDJE HIRI TË MJAFTUESHËM QË TË BËHEN SHENJTËR;
4. - ASNJË PREJ KATËR BREZNIVE TË ARDHSHME TË SHPIRTIT QË I THOTË KËTO LUTJE NUK DO TË HUMBASIN PËR AMSHIM;
5. - SHPIRTI QË I THOTË DO TË VIHET NË DIJENI PËR VDEKJEN E VET NJË MUAJ MË PARË.
Ndonjëri mund të mendojë se do të mund t’i ndodhë që ta mbyllë jetën e vet tokësore përpara se të përfundojë 12 vitet e lutjes.
Në këtë rast Jezusi na ka siguruar, gjithnjë nëpërmjet Shenjtes Brixhida, se do t’i konsiderohen të vlefshme sikurse t’i kishte thënë plotësisht.
Ndërsa, nëse do të kalohet një ditë apo më shumë pa i thënë për ndonjë arsye, është e mundur të zëvendësohen lutjet që nuk janë bërë në ditët në vijim.
Është e qartë se ata që e marrin këtë angazhim, nuk duhet të mendojnë se këto lutje janë lejekalimi automatik për Parajsë dhe që munden, pra, të vazhdojnë e të jetojnë sipas dëshirave të veta.
E dimë se duhet të jetojmë me Hyjin me gjithë koherencën tonë dhe me sinqeritet, jo vetëm kur thuhen këto lutje, por gjatë gjithë jetës. Porse, jam i sigurt, se nëse një person e merr Hirin për të qenë i qëndrueshëm për 12 vite në këtë tip urate, sigurisht jeton tashmë në një nivel të mirë bashkimi me Jezusin dhe me Marinë dhe di se si duhet të sillet.
Rëndësia e 15 Uratëve të shenjtes Brixhida
dhe Premtimet e Krishtit për ata/o që do t’i lusin gjatë një viti
çdo personi tjetër, që do t’i lutë këto uratë për një vit, do t’i japë këto Hire:
1. DO TË LIROJË NGA PURGATORI 15 SHPIRTRA TË FISIT TË VET;
2. 15 TË DREJTË TË FISIT TË VET DO TË PËRFORCOHEN DHE DO TË RUHEN NË HIR;
3. 15 MËKATARË TË FISIT TË VET DO TË KTHEHEN;
4. PERSONI QË DO T’I THOJË DO TË KETË NIVELIN MË TË LARTË TË PËRSOSURISË;
5. 15 DITË PËRPARA SE TË VDESË DO TË MARRË TRUPIN TIM TË ÇMUAR NË MËNYRË QË TË JETË I LIRUAR NGA URIA E AMSHUAR DHE DO TË PIJË GJAKUN TIM TË ÇMUAR QË TË MOS KETË ETJE NË AMSHIM;
6. 15 DITË PËRPARA SE TË VDESË DO TË KETË NJË NJOHJE TË PËRSOSUR DHE PENDIM TË HIDHUR TË TË GJITHA MËKATEVE TË VETA;
7. DO TË VË SHENJËN E KRYQIT TIM FITIMTAR PËRPARA TIJ PËR TA NDIHMUAR DHE PËR TA MBROJTUR KUNDËR SULMEVE TË ARMIQVE TË VET;
8. PËRPARA VDEKJES SË TIJ UNË DO TË VIJ TEK AI ME NËNËN TIME TEJET TË DASHUR DHE TË SHTRENJTË;
9. DO TA MARR ME MIRËSI SHPIRTIN E TIJ DHE DO TA PËRCJELL NË GËZIMET E AMSHUARA;
10. DHE, DUKE E SHOQËRUAR DERI ATJE, UNË DO T’I JAP ME KUJDES TË VEÇANTË QË TË PIJË NË BURIMIN E HYJNISË SIME, GJË QË NUK DO TA BËJ ME ATA QË NUK DO T’I KENË THËNË KËTO URATË;
11. NEVOJITET TË DIHET SE CILIDO QË TË KETË JETUAR PËR 30 VITE NË MËKAT MORTAR DHE DO TË THOTË ME PËRSHPIRTËRI OSE TË KETË PROPOZUAR TË THOTË KËTO URATË, UNË DO T’IA FAL TË GJITHA MËKATET E VETA;
12. DO TA MBROJ PREJ TUNDIMEVE;
13. DO T’IA RUAJ 5 SHQISAT E VETA;
14. DO TA RUAJ NGA VDEKJA E BEFASISHME;
15. DO TA RUAJ SHPIRTIN E TIJ NGA MUNDIMET E AMSHUESHME;
16. DO TË MARRË GJITHÇKA T’I KËRKOJË HYJIT DHE MARISË VIRGJËRËS SË SHENJTË;
17. PO TË KISHTE JETUAR GJITHMONË SIPAS VULLNETIT TË TIJ E DO TË KISHTE PËR TË VDEKUR NESËR, JETA E TIJ DO TË ZGJATET;
18. TË GJITHA HERËT QË DO TË THOTË KËTO URATË DO TË FITOJË NDJESËN E PJESSHME;
19. DO TË JETË I SIGURT SE DO TË SHTOHET NË KORIN E ENGJËJVE;
20. NËSE NDOKUSH DO T’IA MËSOJË DIKUJT KËTO LUTJE DO TË KETË GËZIM DHE MERITË TË PAFUND, QË DO TË JENË TË QËNDRUESHME MBI TOKË DHE DO TË ZGJASIN PËRJETËSISHT NË QIELL.
21. ATY KU JANË E KU DO TË THUHEN KËTO URATË, HYJI ËSHTË I PRANISHËM ME HIRIN E TIJ».
Kanë lexuar në këtë video:
Alfred Uka
Emiljana Uka
Andi Uka
Fran Kolaj
Violeta Kolaj
Zoja Kabashi
Nikolini Sh. Lemezhi
Lindita Zefi
Marika Vushmaqi
Flora Gjinaj
Amerigo Marku
Arminda Gjoni
Roza Tomiqi
Drande Kaci
Lidija Nushi
Marije Gjergji
Leonora Marku
Deda Tanushi
Franga Tanushi
Erjola Stakaj
Viola Frani
Lizabeta Lekaj
Prena Sallaku
Klodjana Murri