Tullist : Taydit (FINAT) Amur wis sin.

Aḍris aẓaran (texte original)
D tallit n tegrest, asemmiḍ la igezzem, ageffur seg yigenni seg tmurt. Iɣezran la cexxren tlata n wussan d tlata n wuḍan ay-agi ur t-teẓri. D lxiḍ seg yigenni, d iberburen i d-yettmaren. Ulac win ara d-yeffɣen ma yella ur yesɛi ara ccɣel, d iḍ, Ɛmer yecɛel times, igiṛṛu deffir wayeḍ, aqjun tama n lkanun, yesseḥmuy ula d netta. Ageffur yettawi tiɣri ɣef lḥelya, irennu-as deg lǧehd. Tikkelt-agi d tidet, ad tenger ! Iḥemmalen, iberdan saxen, tagnewt mazal-itt d taberkant. Mazal lxir ɣer sdat ! Tiɣerɣert la d-teggar aman, Ɛmer deg wusu-ines, taftilt ur texsi, mi tekka tekka ad tergagi amzun tebɣa ad truḥ. Finat tettinẓi, berra aḍu ireffed ineṭṭer, akka akka ad tesleḍ i ufurek yeṭṭerḍeq.
S udem n tnezzayt, ƐmEr tuwi-t tiṭṭ-is. Yekbel deg tferṣadit-is, yejmeɛ iḍarren-is, icax. Finat, tiṭ teqqen tayeḍ ɣer tewwurt, tameẓẓuɣt tebded amzun yella wacu i wumi tesla. Simal tettinẓi, Ɛmer yeṭṭes… Armi i d-yerregrag lḥiḍ am win i wumi tqerḍeḍ aḍar. Finat tsuɣ, ma d Ɛmer
yeṭṭes ! Tennezrureg-d Finat ɣer berra. Tafekka-s am tin n tedɣaɣat, anda i tɛedda tiṭṭ-is ad tɛeddi. Teffeɣ, tettazzal…
Armi d axxam n Qasi. Qasi yeṭṭes : axxam yeḥma, aman ulac ansi ara d kecmen, yeẓra d acu i yebna, ur yuḍin aɣbel. Finat la tesseglaf… Qasi d at uxxam-is ṭṭsen… am win ara d-yeslen seg targit… tiɣri n uqjun yeffeɣ leɛqel… netta deg ǧin-is ur irebba aqjun… Finat n Ɛmer… deg ǧin-is ur d-truḥ ɣur-sen… yekker-d ad iẓer d acu-t wa. Yeldi tawwurt yufa d Finat i la d-yesseglafen s axxam.
Ɣer lxir ma yebɣa Rebbi ! D acu i tebɣiḍ, rreẓ akkin ! Finat ad truḥ sin… tlata isurifen ad tuɣal. Qasi imedlen tawwurt yeffeɣ-d tikkelt nniḍen ad yesṭixxer tin i as-yesxerben tanafa n ṣṣbeḥ ass am wass-a.
Finat tuɣal sin tlata isurifen, tezzi ɣer deffir… am tin yettraǧun ad tt-id-yeḍfer… ad yeddu yid-s. Gar uxxam n Yesɛedda-d rebɛa n wayyuren deg sbiṭar, yal mi ara yerzu fell-as walbeɛḍ taddart akk truḥ ɣur-s yettweṣṣi yeqqar mazal ɣurwat Finat !… ɣurwat ad tt-tettum, fket-as ad tečč. Tura Ɛmer yuɣal s ixeddim-is, ɣer ṭṭabla-s, Finat tewwet-itt tewser… mazal-itt deg texxamt n Ɛmer, iɛawed yebna-tt, tebna-as-tt taddart. Finat a-tt-an sdat tewwurt, tettraǧu Ɛmer ad d-yuɣal tameddit ad as-d-yawi ayen ara d-yelqeḍ seg yiseččuyen n temdint iɣef i d-yettezzi yiwen yiwen, ad as-d-yeččar tabidunt… ad temceḥ ayen i wumi tezmer.
Amar d uxxam n Qasi azal n xemsa n tzemrin… settin, sebɛin n lmitrat.
Tikkelt-a Qasi yeddem-d aẓru, ad yewwet Finat, ɣas ma deg ǧin-is ur tt-yewwit… ula d nettat deg ǧin-is ur texdim akka. D acu kan tanafa n ṣṣbeḥ am yiṭij n tegrest… ttaken fell-asen medden aɛerbun. Finat terwel mi tt-yerjem, tuɣal-d armi d ɣur-s, tesseglaf. Am win ifehmen, yedda deffir-s armi i iwala taxxamt teɣli.
D tazzla, yessaki-d at uxxam, yuzen arraw-is s abrid ameqqran ad d-awin irgazen… tamecwart kan… atan wwḍen-d medden d tazzla. Kkes lḥelya, rfed tamawayt…ɣur-k s leḥder… ssuffɣen-d Amar, yeɣbubez deg yidim,
iḍarren rrẓen, ssarden-as udem-is, yeldi-d allen-is…
Ɣurwat Finat, efk-as ad tečč simi ara d-uɣaleɣ.
Yesɛedda-d rebɛa n wagguren deg sbiṭar, yal mi ara yerzu fell-as walbaɛḍ taddart akk truḥ ɣur-s yettweṣṣi yeqqar mazal ɣurwat Finat !… ɣurwat ad tt-tettum, fket-as ad tečč. Tura Amar yuɣal s ixeddim-is, ɣer ṭṭabla-s, Finat
tewwet-itt tewser… mazal-itt deg texxamt n Amar, iɛawed yebna-tt, tebna-as-tt taddart. Finat attan sdat tewwurt, tettraǧu Amar ad d-yuɣal tameddit ad as-d-yawi ayen ara d-yelqeḍ seg yiseččuyen n temdint iɣef i d-yettezzi yiwen yiwen, ad as-d-yeččar tabidunt… ad temceḥ ayen i wumi
tezmer.
Ḥasan ḤALWAN, Tamekrust, sb.27/28/29.