الطريق الى النهضة مع عبدالوهاب العيسى في بودكاست دائرة
HTML-код
- Опубликовано: 3 авг 2024
- لقاءنا اليوم مع النائب السابق عبدالوهاب العيسى
،
تحدثنا من موضوع كيفية تحويل الكويت الى بلد يسعى للنهضة
تقديم: عبدالرحمن البداح
للتواصل والاقتراحات
reach.link/albedah
تنويه هام: جميع الآراء والأفكار التي طرحت في الحلقة تعبر عن رأي الضيف فقط ولا تمت بأي صلة للقائمين على البودكاست.
مواضيع الحلقة
00:00 المقدمة
02:34 الطريق الى النهضة
13:27 قادة التغيير
17:09 اولى خطوات نهضة الكويت
20:49 صندوق سيادة
21:21 نموذج النهضة في التعليم
29:44 النهضة في الترفيه والسياحة
32:11 مؤسسات الادارة ومؤسسات النهضة 
Развлечения
افتخر بمثل هذه العقليات في وطني الكويت ، عبدالوهاب العيسى نموذج مشرف للشباب الكويتي
يمكن عبدالوهاب العيسى هو النائب الوحيد اللي يتكلم بشفافية عن المشاكل الحقيقية في النظام الاداري بالدولة ويحاول تسليط الضوء على العلة المسكوت عنها ،،، فالك المجلس 👍🏻👍🏻
تحليل للوضع ✅
تحديد مكامن الخلل ✅
حلول مبتكرة ✅
عقلية ريادية فذة✅
كل التوفيق للاخ عبدالوهاب العيسى
أخوي عبدالوهاب طرحك هذا تطرحه بعد ما تحسن عيشة المواطن و ترتقي بالطبقة الكادحة و المتوسطة حسب ثراء الدولة ،،، اذا ما حسيت بالمواطن كلامك مثل عدمه
يعجبني اللي يذكر المشاكل ويعطيك الحلول المتوفره ، طرح جميل وذكي 👍🏻💯
سجلت باليوتيوب بس عشان أعلق على هاللقاء، بعد خبرتي في العمل الحكومي كل كلمة قالها عن العمل الحكومي صحيحة وكل المقترحات اللي قدمها هي الحل الأمثل للشلل اللي تعاني منه مؤسسات الدولة، نحتاج للتنافس عشان ننهض، الله يسدد خطاك وفالك المجلس وتمرر كل مقترحاتك بما ينفع الشعب الكويتي.
+وأتفق تمامًا مع ان عضو مجلس الأمة ما يخضع لرغبات الشعب لأن الشعب ما مر بالتجارب ولا شاف الأمور والحقائق اللي يشوفها عضو مجلس الأمة أثناء عمله، الشعب لا يدرك مكامن العجز والضعف ولا بدرك سبل التغيير والنهضة، كل التوفيق أستاذ.
دام انك استنتجت ان "كل المقترحات اللي قدمها هي الحل الامثل…"، اشرحلي شلون اقتراحه بالنسبة لدعم رسوم الطلبة بالتعليم الخاص راح يحل مشكلة تدني مخرجات التعليم العام.
يالله، ناطرك…
@@StarIessNight انا اشرحلك😂، عبدالوهاب قال بانه كل مدرسه خاصه بيرتبط عدد الطلبه المبتعثين اليه من الحكومه بادائها كل مازاد التقييم لهذه المدرسه زاد عدد الطلبه المبتعثين، منو الي يقيم المدارس؟ منظمات ومؤسسات عالميه محايده ، على اي اسس؟ على اسس تقييم مشابهه للي تحدث بالدول الاسكندنافيةوبعض دول الخليج
المدرسه الي يهمها الربح راح يهمها عدد الطلبه المبتعثين اليها سنوياً، تبي تزيد عدد هالطلبه، شلون تزيدهم؟ برفع تقييمها ومؤشراتها عند المؤسسات الاجنبيه، شلون ترفعها؟ تحسن مستوى التعليم بجلب معلميين واداريين لهم طرقهم الخاصه برفع الجوده للتناسب مع مقاييس المؤسسات
بكل بساطه
@@aliaskq378 خل يطبق ادوات ضبط الجوده وتقييم الجودة اللي قال عنها على الجامعات الخاصه ومدارس التعليم الخاص والعام الموجودين حالياً عندنا. اذا ربعنا عرفوا يطبقونهم، وضمنوا فعالية هالادوات، والاستمرارية في تطبيقها… ذيك الساع نتحول الى مقترحه بدعم تحول طلبتنا من القطاع العام الى الخاص.
@@StarIessNight ماعتقد انه مناسب لانه كل مدرسه راح تأخذ ٨٠ طالب من الحكومه زين والباجي يقعدون بمدارس الحكومه ؟! يعني عيال منو اللي راح يدخلون على حساب الدوله ؟! من ربعهم وهات ياواسطات !
@@boshbosh4729 تقدم عالمدارس عادي كأنك رايح تدرس عيالك على حسابك. واذا قبلوهم، الحكومه تدفع لك مبلغ محدد. مو مهم اذا المدرسه رسومها ٣ الاف او ٣ دنانير. الحكومه تحدد لك مبلغ موحد لكل الطلبة عالعام الدراسي يندفع للمدرسة. وين المشكلة؟ المشكلة مو بقبول الطلبة، المشكلة ان اذا تبي مدرسه زينه لعيالك، رح تضطر تدفع من جيبك فلوس. ف خياراتك تكون اما مدرسة جداً سيئة، بس معتمدينها وزارة التربية، او تدفع زياده وتدخل عيالك مدرسة احسن، او تدخلهم حكومة. ومدارس الحكومه بتكون مهمله بذاك الوقت.
وبالنهايه ما راح يكون عندك خيار فعلي. رح تضطر تدفع من جيبك. والسبب اهو الاختبار الوطني الموحد عشان عيالنا يكملون جامعه. اول، اللي ما تقبله جامعة لكويت، اوتوماتيكياً يروح يدرس بجامعه محلية او بره. الحين، مع الاختبار الوطني، يتم رفض انه يكمل دراسه جامعيه. ويحولونه معاهد او اي شي ثاني. وهذا ظلم.
إنسان ذكي وطرحه مميز وفاهم بالاقتصاد ومصلحة الكويت وشعبها …. للامانه هالانسان يقرأ المستقبل جيدآ… واتمني ان يكون نصف اعضاء مجلس الامه بنفس عقليته
والله والنعم بوفهد.. خير من يمثل الشباب الكويتي الواعي.. فالك المجلس واكثر
من الدقيقه 40:15 الى 40:30 في مشكله بالفيديو ياليت تعدلها عبدالرحمن
بوفهد أكثر نائب طرحه واقعي وبعيد عن الأطروحات الخيالية. بالتوفيق عبدالوهاب👏🏽
الامانه أنا ما احبه من الله او ما استلطفه لكن كلامه اليوم وفكره عجبني و واااقعي الله يوفقه ويرزقه على نيته وبالآخير اللي يمهنا نهضة الكويت وترجع عروس الخليج والشرق الأوسط 🇰🇼❤️
اكثر شي يعجبني فيه جرائته بطرح رغم ان ممكن يهاجم بقوه
الله يوفقك لما فيه الخير والصلاح ونفع بك البلاد والعباد 🙌
افضل نائب فكر متطور 👍🏼👍🏼
بعد ما قريت اغلب التعليقات استنتج ان الوعي والثقافة الاقتصادية والاستثمارية لأغلب الناس معدومة وما يبون نواب عندهم طرح اقتصادي وعقلاني
يبون إسقاط قروض وشراء مديونيات وزياده رواتب هذا أقصى طموحهم وما تهمهم استدامة مالية الدولة او التنمية
فعلاً ، وللاسف التجارة والتجار عندنا بالكويت مشيطنين كانهم حراميه ماكانه حالهم حال تجار باقي العالم
الدول والمجتمعات تتقدم لاقتصادات اكثر راسماليه واحنا ربعنا للحين يبون الدوله توظفهم وتوكلهم وتشربهم وتدفع قروضهم وتسفرهم!
ومن قالك ان المواطن يحتاج الى "الثقافة الاقتصادية" عشان يعيش حياته او يقرر شنو الصح من الغلط؟!
وبعدين كمواطن او قيادي بالدولة، ما يُفترض ان اولويتي تكون اهي الاداء الاقتصادي الآني او الاستثمار لحالهم… ولكن المهم اهو جودة معيشة المواطن واستدامة هذه الجودة.
بس اذا بتتكلم من ناحية اقتصادية، ترى طرحة بخصوص موضوع التعليم كان يتكلم عن برنامج دعوم للاغنياء اللي يدخلون ابناءهم مدارس خاصة.
حتى ما تكلم عن دور هذه المدارس في الاقتصاد كضرايب دخل وتوظيف مواطنين. حتى الاراضي اللي بتشتغل عليها المدارس يبي ياخذها من الدولة! 😂
لأن فعلاً هذا كان جُل كلامه وملخص مقترحه. واهمل امور كثيره تتعلق بضبط جودة التعليم عموماً العام قبل الخاص.
@@StarIessNight دعوم للاغنياء؟؟
الابتعاث لهذه المدارس لكل فئات المجتمع
ضرايب الدخل هذي يقررها المشرع مو عبدالوهاب
اما بالنسبه للارض فطبيعي بتتاجر
هذي تفاصيل التفاصيل طبيعي ماراح يذكرها بلقاء مدته ٥٠ دقيقه!
شرايك بعد يقول لنا شنو بيكون لون طوفة المدارس؟
علي/عليا…
انت ترد علي، بس مو قاعد تستوعب انا شنو قلت قبل لا ترد علي. فبصراحه قاعد تتعبني وايد. وبنفس الوقت احس اني مُلزم اجاوبك لان انت بتصويتك رح تقرر مستقبل ابنائي.
ركز الله يرضى عليك…
مشكلة لكويت جودة التعليم.
سواءً عام او خاص
عبدالوهاب ما ناقش جودة التعليم
عبدالوهاب ناقش دعم حق الدراسة بالتعليم الخاص. صح والا مو صح؟
الدعم اللي بتقدمه الحكومه ما رح يغطي كل مصاريف الطالب. والدليل؟ شوف تطبيقه للتامين الصحي وبعثات الجامعات الخاصة.
هذي جزئية ضروري تستوعبها. لان هذي مقدمة المساس في جيب المواطن المنتف.
وبعد هالجزئية، لازم تستوعب ان مو كل المدارس الخاصة ذات المستوى. واللي يبي مستوى افضل، رح يقولوله نق الفرق من جيبك.
الآن، طالما عبدالوهاب شقح ونقز فوق كل الادوات المطلوب توفيرها لتحسين جودة التعليم وضمان مستواه… معناته ماكو شي يضمن لنا ان مستوى التعليم الخاص اللي رح يتقدم للمواطن ما رح يكون بمستوى التعليم العام الحالي.
ورح يكون خيار المواطن اما القبول بالجودة المتدنية، او ادفع الفرق وروح لجودة مدارس ابناء رئييس الوزره والوزره.
كلامه ابداً ماله علاقه لا بجودة تعليم ولا بتنمية اقتصاد الدولة. قالك صراحتاً يبي اراضي من الدوله، ويبي توفير دعوم للمواطن لتشجيع التوجه الى مدارس التعليم الخاص. فقط لا غير.
اذا انت فاهم شي ثاني، فاتت عبقري صراحة. اهنيك.
@@StarIessNight ممتاز،انت اعترفت بانه مدارس " ابناء الوزراء " جودة تعليمها اعلى من باقي المدارس، وهذه المدارس هي مدارس خاصه، ليش هذه المدرسه الخاصه"الي تم انشاءها" ما توصل لمستوى هذه المدارس؟ طالما الحكومه تدفع مبلغ الطالب كامل لهذه المدارس، واستمرارية هذه المدارس مرتبط بتقييم مؤسسات معينه، وماكو مقارنه بين التامين الصحي وكذلك الجامعات الخاصه بالمدارس الحكوميه
التعليم الابتدائي الى الثانوي اقل تعقيداً من هذه النماذج
المفترض تضرب مثال بافضل مدرسه قطاع حكومي بالكويت مع افضل مدرسه قطاع خاص وتقارن بين تكاليفهم
وصدقني المدرسه الحكوميه بتكون تكاليفها اعلى من الخاصه وجودة تعليمها اقل من المدرسه الخاصه المذكوره
ونكرر القطاع الحكومي ليس الحل وعمره ماكان الحل باي شي سوا تعليم او صحه او اي شي اخر
القطاع الحكومي هو المشكله الي لازم نتبعد عنها
والله لو نازل بالثالثه واصوت له وانا مغمض طرح 👍
ماشاءالله عليه يعجبني تفكيره ويستاهل الصوت
عبد الوهاب فكر متحضر جدا صعب الحكومة تتقبل هالشي يبون كل شي رجعي ان شاء الله يقبلون اقتراحاته .
كل التوفيق لك يابوفهد طرح راقي ومميز جدا 👏🏻👏🏻👏🏻👏🏻👏🏻👏🏻
الله يوفقك خوش طرح بإذن الله الصوت لك👍🏼
هذا الطرح اللي يستاهل الصوت مو زيادة رواتب موظفين ومتقاعدين وإسقاط قروض وباجي الخرابيط اللي تسبب تضخم
انت راتبك مليون اكيد علشان جذي مو هامك الموضوع بينما الناس اللي شهاداتهم وخبراتهم احسن منك يستلمون ملاليم ومظلومين !!
@@aliabd3439 😂😂😂😂😂
مادري شلون افترضت ان راتبي مليون وان وايد ناس احسن مني
اولاً أنا من الطبقة المتوسطة وراتبي ما يتجاوز الفين دينار مثل اغلب الكويتيين لكن عايش على قد حالي وما اصرف فلوسي على كماليات وسيارات موديل السنه وآخذ قرض عشان أسافر
ثانياً انت تقول لازم زيادة حق كل الناس وكلنا ندري ان مو الكل يستحقون زيادة الراتب
فيه اللي ما يداوم طول الاسبوع وفيه اللي ما يدري وين دوامه صاير وفيه اللي كل يومين يزور طبيات عشان يسافر هذا غير الموظفين الكسالى اللي مالهم خلق يسوون شي
بعدين تدري إذا صارت زيادة رواتب لي وين بيوصل التضخم
اللي كنت قبل تدفعه بالجمعية بعشرين بيصير ٤٠ وكل شي بيصعد سعره
واخيراً أنا موظف قطاع خاص وانت تدري والكل يدري شكثر صعبة وظيفه القطاع الخاص مقارنة بالحكومة
فلا تتفلسف وانت ماتدري شسالفه
بالتوفيق للعيسى. طرح راقي
طرح مميز ومختلف ومركز ٫ وحل مؤسسة النهضة قد يكون مخرجنا من الازمات المتكررة بين المجلس والحكومة ، وفالك الفوز والصوت لك ان شاء الله
كلامه جداً قوي 👍🏽👍🏽
طرح جميل جدا وفكر الله يوفقه
يستاهل الصوت انسان واعي مثقف عنده طرح و كان احد اسباب قوانين جميله الله يوفقك يا عبدالوهاب ونشوفك باذن الله بقبه عبدالله السالم
هالانسان انا احبه واقدره لانه الاقرب كفكر الى الوضع الاقتصادي الصحي المفترض وجوده بالكويت، المؤسسات الحكوميه يجب ان تقلص سلطاتها ومسؤولياتها والقوانين المقيده للملكيه الخاصه يجب ان تقلص وتلغى في بعض الاحيان
الحل ماهو بزيادة السيطره الحكوميه عالاقتصاد
الحل بتحرير الاقتصاد والسماح للقطاع الخاص بالمشاركه بالانتاج
ماكو شي صاحي باي مكان بالعالم من انتاج حكومي الا ماندر وغالباً يكون خسران
السوق الحر والقطاع الخاص هو الحل!
كل اللي قلته لا يمكن ان يُوجد بدون ضريبة على القطاع الخاص وضريبة دخل وتقنين من انفاق الدولة على هالقطاع وتنظيم سوق العمل بحيث يزيدون تنافسية العمالة الوطنية. تعتقد قطاعنا الخاص قد هذا كله؟ قطاعنا بدون الانفاق الحكومي ما يقدر يستمر. الفلوس لابد انها تدور بالاقتصاد.
وعلى فكره، كلامه عن التعليم مثلاً، ما اعطى اي حل لمشكة التعليم اللي عندنا بالكويت. مشكلة تعليمنا العام اهو تردي الجودة. وحل تردي الجودة مو "اخذه من الحكومه وعطه حق الخاص". الحل بادوات ثانيه كثيييييييره مالها اي علاقه بمنو يشغل المدرسه ولكن لها علاقه بشلون تشتغل المدرسه.
@@StarIessNight استحواذ الدوله على القطاعات جعل القطاع الخاص يعتمد عليها بشكل كبير مع الاستثناء لجم شركه قويه
اما الضريبه فهي مو ضروريه وبهالمرحله من بناء القطاع الخاص هي طارده للاستثمارات ماهي جذابه وولاحنا بحاجتها واموال الضريبه الي بتجي بيد الدوله ماراح يكون لها اي استخدام نافع بهالمرحله
واما اشراك العماله الوطنيه فالشركات بتجتذب المتميز،اي شي تفرضه الدوله على القطاع الخاص بيتجه لناحيه سيئه
وطبعاً التعليم مشكلته اداريه وقلة كفاءة،طيب ليش المدارس الخاصه افضل ادارياً واكثر كفاءة؟ بكل بساطه لانه مداره بطريقه ربحيه وعلى مستوى اصغر من مدارس الحكومه الي مايجيبون مكيف الا بموافقة ٤الاف جهه،سرعة القرار ، مركزية القرار ، والاداره الاقتصاديه الناجحه هي الي تولد تعليم سريع ومرن مع متغيرات العالم
بالتوفيق 👏🏻👏🏻
كلام جميل جدا
واحد من النواب القله الذين احترمهم من مجلس 2023.
صحيح تأخذ أقل الاسعار لكنها أكثر من سعرها الحقيقي و الاسعار في الدول الأخرى بأضعاف ، مشكلتنا ليس في الرقابة والقانون ، المشكلة بالتاجر المتنفذ وصبيانه في مفاصل الدولة ورئيس حكومة لا يريد أن يرى ولا يسمع ،، ممكن لانه مستفيد او شريك تاجر او مسيطر عليه وإذا أراد الاصلاح أسقطوا حكومته مثل الشيخ أحمد النواف
Abdulwahab AlEssa speaking good stuff as usual 👏🏽
What are the “good stuff” you’re referring to exactly?
He didn’t speak about improving the quality of public education, or developing tools to ensure standardized output from public schools, or measures to ensure supporting schools that fall behind, or mechanisms to ensure the maintenance of schooling standards.
All he said send the money to the private sector and thats it! He sounded more like a sales man for the private sector than someone with a vision or a solution to a problem.
He even proved that he doesn’t care about solving the real issues that led to the deterioration of the public sector performance when he talked about the public tenders agency. He mentioned they are slow and over staffed, then immediately suggested dissolving it and redirecting tenders to the ministries. He didn’t care about the causes if inefficiencies… like why the agency is slow and unable to process thenwork in timely manner. Youd think having huge staff means the work load can be widely distributed etc.
The bottom line is, he sounded like he didnt care about improving what we have. To me, all he talked about was where to send the dinar and how to send it. What are the returns of that dinar or how to ensure these returns were not something he discussed. Probably because it doesn’t concern us and its a matter that concerns the businesses receiving the dinar!
@@StarIessNight👍🏼👍🏼👍🏼
الله يوفقك طرحه متزن
فاهم و مثقف و اهدافه سامية
الله يوفقك لما فيه الخير للكويت
لقاء ممتاز وعبدالوهاب يحمل فكر تنموي للدولة ما سمعت عضو تكلم فيه
الله يوفقك
البداح لاتقاطع 🤯
والله لوكان بدائراتي الصوت مايتعداه ،اصوت له وأنا مغمض.يستاهل الكرسي الاخضر بالمجلس ...
قواك الله بوفهد
فكر مميز 👍
بخصوص المناقصات و اقل الاسعار.. بالنهايه المقاولين مقدمين العطائات لازم يكونون مؤهلين في شغل المناقصه وهذا مربط الفرس، بعدها عط اقل الاسعار عادي. الفكره من البدايه ماندخّل الا الشركات القويه!
عبدالوهاب العيسى .. انت بطل
الله لو فعلاً تطبق هالكلام ، نحتاج نهضه فعلية
يا ريت يكون في ١٠ مثل طرح عبدالوهاب
رجل تفكيره وعقليته جباره 👍🏻👍🏻👍🏻
الحلو فيه ما يغازل الشعب صريح اعتقد نادر عبدالوهاب بطرحه
الله يكثر من امثالك يالعيسى
الله اكبر ❤
ماشوف حل التعليم اللي طرحه مناسب بل هو اقرب لمحاوله احتكار التعليم لفئه معينه بالمجتمع لو افترضنا طبقته الحكومه راح يكون لفئه معينه من الطلبه مو للجميع الباجي يقعدون بمدارس الحكومه المهمله ..وهي دعوه لافادة التاجر وشوي شوي يتحول التعليم الى القطاع الخاص..الحل هو تعديل التعليم والمناهج التطوير واستخدام التكنلوجيا .
كلام جريء وصحييييييييح
بالتوفيق بو فهد طرحك عقلاني وعملي بعيد عن المشاعر والتكسب
اللي احصيتهم الى الان يمدحونه: معلمه بالقطاع الخاص ومنتج هذه الحلقه. يعني كلهم مستفيدين منه 😝
@@StarIessNightوانت شنو مضايقك راد على كل شخص يمدحه؟ تبي الناس كلهم نفس رايك يعني؟ طرحه يمثلني وتراه بينجح رضيت والا ما رضيت
@@supernova9886اولاً انا مو قاعد احاول اقنع الناس برايي، ولكن قاعد احاول اترجم الكلام اللي قاله … لان واضح ان الناس مغتره بالديكور اللي حوالين مضمون الكلام.
اما ليش قاعد اعلق عليكم واحد واحد… لان انتو، دعمكم ومدحكم ويمكن اصواتكم (حق اللي يصوّت) رح تأثرون تأثير مباشر على مستقبل عيالي وطبيعة حياتهم وجودة معيشتهم.
براڤو وصوتي لك
كلام انشاااائي لا يقدم ولا يأخر. وخارج نطاق الواقع. كلام التنظير شي ومواقف النائب وافعاله بالبرلمان شي. بختصار عطني فعل مو كلام
الاخ يبي يبيع الدولة للقطاع الخاص ويبي يسلم رقاب الناس لأصحاب الاموال ؟!!!!
يقول الكويت راسمالية ؟! متى ؟!
العالم تعب وانطحن واليوم قاعدين يسبون ويتفون بالرأسمالية الطفيلية الانتهازية اللي تنظر للناس كارقام فقط لا اكثر .
كلام معسول يحط لك القمر بيد والشمس بيد
ولكن وقت التطبيق راح نبجي دم !!!
الكويت بحاجة لتطبيق القانون فقط لا اكثر.
الفساد وانتهاك القانون و"غسيل الأموال" هو من دمر البلد
بالستينات والسبعينات كنا بالقمة بكل المجالات في ظل نظامنا الاشتراكي اللي كان يسوده العدالة والمساواة بين الناس!!
ماكانوا بايعين البلد للتجار بالحجم اللي الحين!
احذر اهل الكويت من هذا الطرح
شوفوا الدول اللي طبقت كلام الأخ شلون شعوبها تعاني واصبح الناس عبيد لأصحاب المشاريع والأموال!!
عبدالوهاب رجل دولة
“الغباء هو فعل نفس الشيء مرتين بنفس الاسلوب ونفس الخطوات وانتظار نتائج مختلفة”…. (ألبرت أينشتاين)
موضوع اقل الاسعار ..
الجهة اللي تطرح المناقصة تكون محددة مواصفات فنية معينة !
و المناقص يحط سعره بناء على هالمواصفات مو بكيفه يورد مواد رديئة
المشكلة مو بأقل الاسعار المشكلة في من يشرف على التنفيذ و يراقب و يستلم
اول مره احس ان عندنا نائب فاهم
برافو عليك عبدالوهاب .. بس كان ودي تسأله هل قدم هذي المشاريع عالوزرا قبل لايكون نائب! وشنو ردهم عليه؟.
الله يوفقه واتمنى ينجح مع كتلة ال48
مؤيد كلامه 100/100 الشغل في القطاع الحكومي والرقابه المبالغ فيها تخوف الموظفين ويدفعهم للتطنيش لانه بيقول أسلم خاصه انه بياخذ معاشه سواء بمشاريع او لا دامه يبصم ! وسياسة الرخيص في العقود سواء مناقصه او ممارسه او غيرها مصيبه ،، باختصار ادخال القطاع الخاص أو أخذ فلسفته اهي حل كبير لمشاكل الاجراءات الحكوميه ،، وفيه شغله يريت يلتفت لها واهي الاهدار في الطاقه البشريه في القطاع الحكومي باختصار لو يفتح باب ترشيح للموظف عشان يشتغل بالامور اللي اهو يحبها بنفس معاشه لمدد معينه او دائمه حسب الموظف وأداءه بجذي انت قاعد تحط الرجل المناسب في المكان المناسب بطريقه ثانيه ،، وفيه وايد افكار لكن يبيلنا نطلع من الصندوق اللي متروس قوانين مالها لزمه فبدال القانون لا ينظم حياتنا قام يحكمنا ويضيق علينا
عدم الاستقرار السياسي حل مجلس استقالة حكومة كذا مرة هذا سبب البلد مشلول .
👍👍👍
برافوووو
👏🏻👏🏻👏🏻👏🏻👏🏻👏🏻
عبدالوهاب طرحة من زمان يعجبني عسى الله يوفقه بس كنت اتوقع راح يتكلم عن المنطقة الشماليه لكن للأسف ماتطرق لها عموما انا اعرف هو مهتم فيها وهذا وقتها لأن واضح رئيس الحكومة حطها اول سطر في البرنامج الحكومي
عبدالوهاب العيسي طرح وثقه بارك الله ونتمني لك التوفيق
في اي مجال ممكن ان يعمل هذا الصندوق !؟! مستحيل ان يكون بمجالات متعددة
👏👏👏
كل اللي ما صوتوا للزيادة ينسي يدش المجلس انتوا تأخذون مبالغ جيتوا علي حق المواطن البسيط لا و الله أبدا 👋
👏👏👏👏
الدقيقة ٤٠ في خلل في الصورة والصوت
هذا بيصير رئيس مجلس الامة مستقبلاً وبتشوفون
وين مقطع الطبطبائي مسحتها؟؟؟؟؟
40:27 علق
ما ادري بس من قبل رأي فيه احس الظاهر غير الباطن 😏 احاول اقتنع بس صعب
المعلومات ماهي دقيقة، مثلا قانون جهاز المناقصات 2016 غيّر مفهوم الترسية على أقل الأسعار إلى الترسية على أفضل العروض
يا البداح اختيارك موفق (على غير العادة) بالفترة الأخيرة... ولا الدينار له طعم آخر وعلى هوى الشارع!!!! لازم تكون رجل دولة من مكانك هذا... مو بس همك تجمع فلوس... على حساب الكويت ومصلحتها !!!!! مثال: شوف جم ممثل على الشعب (جذاب) انت قابلته ... وتقعد لي تتبوسم وتشق الحلج... واذا حاجيناك تسوي روحك محايد.. وانت بعيييد كل البعد عن الحياد.. بس نقاص تقابل هتلر وصدام حسين
عبدالوهاب العيسى اذا ماصار من مراكز الاولى سلم على وعي الشعب
الفساد في القطاع الخاص يعادل و قد يكون اكبر من الحكومة و اكبر مثال شركات الاتصالات و البنوك في الكويت و عالميا كمية الفساد في امريكا اللي تطبق النموذج الذي تراه مناسب.
احسنت
وين الفساد في شركات الاتصالات الكبرى والبنوك؟؟؟ ولا بس تبي تسولف😂
زين صارت من اكبر شركات المنطقة
البنك الوطني ربحه نص مليار دينار بالسنة
بيت التمويل صار ثاني اكبر بنك اسلامي بالعاالم
اجيليتي صارت شركة عالمية وموجودة بكل القارات
وين الفساد بالموضوع؟؟؟؟
@@SMM.23
الفساد بعدم العدالة بين الموظفين- الفرق بين المراكز العليا و الموظفين الصغار الكبير جدا مقارنة بالقطاع الحكومي
الفساد بعدم التطوير و الابداع في قطاعاتهم - مازالت هذه الشركات مع هذه الارباح تستورد كل شي ولا يوجد اي ابداع مصدره هم
الفساد في عدم اعتبار خدمة العميل الاولوية بل ربحية كبار ملاك الشركة
الفساد في التسعير الغير منطقي بالنسبة لشركات لا تدفع اي ضريبة للدولة
الفساد في بساطة مشاركة هذه الشركات في الميزانية العامة للدولة
الفساد في حصر ملكياتها لعوائل محددة و كانها ارث عائلي
@@OoAAA93oO هذا كل الي قلته ماهو فساد
الاستيراد والابداع اولاً لانهم لقو منتج بتكلفه ارخص برا وجابوه، تبي يصنعون بالكويت وتطلع التكلفه عليهم اضعاف،ليش؟ الشركه همها الربحيه
اما سالفة مشاركتهم بميزانية الدوله فترا كل الشركات المدرجه بالبورصه الكويتيه تدفع ضريبه سنوية للحكومه ٢.٥٪ وسالفة مايشاركون الناس وعوائل محدده ، هالعوائل شافت فرص واستثمرت وهذا حلالها،ترضى احد يجي لبيتك ويقولك انت ليش اناني ماتشركني وياك بالبيت؟
اما العداله بين الموظفين الكبار والصغار فهذا سلم وظيفي خاص بالشركه تنظمه مثل ماتبي والموظف الي موعاجبه يقدر يستقيل ويدور له وظيفه
@@OoAAA93oO وترا طبيعي ربحية الملاك اولى من اي شي اخر، اذا ماكو ملاك=ماكو شركه=ماكو منتج
وبالنسبة للتسعير ترا ماعندنا شركه خاصه بالكويت محتكره الحمدلله عندك كذا خيار تختار بينهم
الاحتكار موجود عن الشركات الحكوميه بس
الشركات اللي وزعت الحكومه اسهمها بنوك وكهرباء وغيرها باعوها المواطنين واستحوذ عليها مجموعه صغيره !!!!
مع كامل احترامي لكن كلامك غلط
الشركات اللي تتكلم عنها أسهمها مدرجة ببورصة الكويت وتقدر تشتري أسهمها وتصير شريك بالأرباح
وجود تجار يمتلكون نسبة كبيرة من اسهم شركة معينة ما يعني انهم يملكونها بالكامل
إذا المواطن يبيع اسهمه عليهم هذي مو غلطتهم ولا ذنبهم
@@SMM.23 بنك بوبيان و بنك وربه وشركة الزور وشركة البورصة هذيلا كلهم وزعت الحكومه نسبه منهم للمواطنين وبعد الإدراج باعوهم … هالشركات كم كويتي يشتغل فيهم و جم واحد مستفيد منهم … ولا يمكن المواطنين يقدرون يتحكمون باي شركة بالبورصه او يكون لهم دور بادارتها … حبيبي في كبار يدشون و يستحوذون عليها واهم اللي يفرضون كلمتهم فيها … وين الغلط بكلامي !!! 🙂
سو مع بدر سيار
استريح بس ..
اي والله استريح بس ندوه ما عرف يسولف فيها
اول مره اعلق على بودكاست البداح اشكرك واشكر طرحك … بس عندي تعليق على منظومه التعليم..انا كلمعلمه شنو استفدت من المشروع الي طرحته بتفييد التجار على حساب الحكومه؟؟ ياليت تطرح مشروع استعانه لجنه لتغيير المناهج لتغير طرق التدريس لابتكار حلول افضل لطالب وللمعلم.. وضع مواد جديده لمواهب الطلاب الحين فيه فايض معلمين بدنيه ليه مايحطون حصص لكره القدم لسله لتنس وينشؤون فئه رياضيه تخدم الدوله بعدين بالالومبيات العالميه ويرفع اسم الكويت يكون ناشيء من الصغر ..الجيل هذا ضايع فيه فرط حركه ومتشتت.. ليه ماعندكم نظره لمدارس الحكومه تكون افضل من الخاص بالجوده والمخرجات .. وزاره التعليم وزاره متهالكه انت خليتها على التهالك الي هي فيه ورحت لتجار تفيدهم … ياليت نخلي مخنا التجاري ع صوب ونعالج الخلل بطريقه افضل
طرح ممتاز
الفيديو رافعينه قبل نص ساعه. وانت معلق قبل ١٧ دقيقه. ومدة المقابلة ٥١!دقيقه. متى مداك تسمع الطرح؟! نصّاب.
سامع بشي اسمه x2 ؟
و هل ضروري بالنسبة لك أنك تكمل المقابلة ل آخر دقيقة لتقدر تحكم اذا الطرح ممتاز أو لأ يا مُحترم ؟
@@abdulrahmankahwaji1772تعرف ٥١ تقسيم ٢ جم يساوي؟ وتعرف ٣٣ ناقص ١٧ جم يساوي؟ 😂
@@StarIessNight شكله عبدالوهاب بس داش بأكوانت ثاني يرفع نفسه 😂😂
@@StarIessNightواضح أنك حتى قراءة و فهم ل ردي مو راضي تفهم و تستوعب
*ملاحظة: النصاب الي قاعد تجادله هو مصور و ممنتج اللقاء 😊
احترم الناس قبل لا تعطي أحكام و فكّر شوي بالكلام قبل لا تقوله الله يخليك .. شكراً
يعطيك العافيه
تعقيبا على كلام المرشح واحب اعقب عليه
تفضلت وقلت بانك
اطلعت على عمليه طرح المناقصات وان الجهاز اهو الكارثه وتتطالب بالغاءه وتوزيع موظفيه على جهات الدوله، اسمح لي اقولك كلامك للاسف فيه كثير من المغالطات للاسف، تقول ان جهاز المناقصات يجتمع مرتين في الاسبوع، طيب اذا يوم اقفال ويوم اجتماع هذه جم يوم بالاسبوع؟ هذه ٤ ايام بالاسبوع ناهيك عن تنفيذ قرارت الجهاز ومتابعتها ، تكلمت قلت كل مكتب عليه ٥ موظفين، طيب ماتتفق انه قطاعات الحكومه كلها فيها فائض موظفين؟، تكلمت عن اقل الاسعار، وسكت، المفروض تكمل وتقول اقل الاسعار مطابق للشروط والمواصفات اللي وضعتها الجهه نفسها كأنك قلت( ولاتقربوا الصلاه )وتسكت.
تفضلت وقلت بان بالغاء الجهاز سوف يتم تسريع العمليه واسمحي اخالفك بالرأي، وعندنا مثال على ذلك، المؤسسه العامه للرعايه السكنية تم استثنائها من جهاز المناقصات صار لها سنوات، انحلت المشكله الاسكانيه؟
لما تقولي بان المناقصه يبيلها سنه على ما اترسي ، طيب تدري ليش؟ ولا بس بسبب الجهاز؟ الجهاز يعمل على كيفه ولا فيه قانون يتبعه؟ طيب تدري ان لما اترسي المناقصه على المناقص الفائز يقدر المناقصين المشاركين في نفس المناقصه ان يتظلموا على قرار الترسيه ان رأوا قد وقع عليهم ظلم كما نص قانون المناقصات وعلي ضوئها يتم وقف الاجراءات في الترسيه لحين الفصل؟ تدري ان كثير من الجهات الحكوميه لا تلتزم بالمدد المحدده بالقانون للترسيه؟ وتدري ان كثير من الجهات لا تلتزم بقانون المناقصات وتعليمات الجهاز و تدري ان كثير من قياديين في جهات حكوميه تم احالتهم للنيابه بسبب تعمدهم بعرقله طرح المناقصات الخاصه فيهم؟ اخوي عبدالوهاب تكلمت عن رداءة المشاريع ، طيب ماتسائلت منوا اللي يحط المواصفات ومنو اللي يراقب على تنفيذ المشروع ومنوا يستلمه؟
بالنهايه هذه وجهه نظرك وتحترم بشأن الغاء الجهاز لكن اتمني منك لا وصلت المجلس وطالبت بالغاء الجهاز ان تكون عندك احصائيه تفصيليه تثبت ان الجهاز اهو السبب بتعطيل مشاريع الدوله. وموفق ان شاءالله.
الكلام سهل
نموذج التعليم الذي طرحه فيه ظلم للطلبه و ما تطور التعليم الحكومي
ياخي انت شلون سنه اولى مجلس وكلامك كلام واحد مخضرم !!! الله يوفقك يارب
كلامه سطحي، ومعلوماتك محدوده. ومحدودية معلوماتك تحسسك بثقل في كلامه 😂
@@StarIessNight لا روح شوف لقاء شعيب والبرغش وغيره بتشوفهم يتكلمون عن ازمات وهوشات بينما عبدالوهاب يتكلم عن حلول لازمات. فررررق
@@TheMadridTvوهذولاك كلامهم ما همني للاسباب اللي انت ذكرتها. بينما كلام عبدالوهاب كان عن
فُرص استثمار وربح للقطاع الخاص، وكلامه قاعد ياعطينا نظرة عن تفكير التجار وتوجه اللي قاعدين يدزون الدوله تجاهه… وكل هالاشياء تمس بالمواطن مباشره وبحاجاته الاساسية.
على فكره، لاحظ انه مو قاعد بناقش حلول مشاكل يعاني منها المواطن. ولكنه تكلم عن فُرص استثماريه ممكن بيعها على الحكومه. لان لو همه مثلاً حلول المشكلة، جان تدرج بالحلول.
ومن امثلة هالجزئية كلامه عن المناقصات المركزية. اعترض ان عندهم بطىء في اجراءاتهم، بعدين تكلم عن موظفين متكدسين بدون شغل. شنو حله؟ الغي دور المناقصات المركزية وحول الشغل الى الوزارات! ما تكلم مثلاً عن ليش في موظفين وايد ومع هذا الشغل بطيء. ما تكلم شنو معنى في موظفين وماكو انجاز. من وجهك نظري، اللي ما يهمه هالجزئيات، مو هامه كفاءة مؤسسات الدولة ولا موظفين الدولة الشباب. تركيزه كان كله عالدينار. وين نوديه، وشلون نصرفه، وشلون نعجل في صرفه. حتى ما تكلم عن شلون ننميه ونزيده، لان الزياده ما تعنينا كمواطنين ولا تعني الدوله حسب كلامه!!
@@mutirim8878انا شارح بالتفصيل ضعف كلامه وسلبية حجته بتعليقات كثيره. روح شوفها اذا همك مستقبلك ومستقبل عيالك. اما اذا مستوى تفكيرك "غيره" و"حسد". فخلك على حالك واعرف انك انت بتفكيرك هذا سبب تخلفنا.
@@StarIessNightالديره محتاجه ناس تفكيرها بالحلول مو تركيزها بالمشاكل نفس ربعك
عقلية تجارية ومتحدث ...
اللهم بارك
يعني الحكومه مو قادره تراقب جوده التعليم من خلال محاسبه اشخاص عاديين بالوزاره بتقدر تراقب تاجر له نفوذه و تقوله والله مخرجاتك مو زينه؟ و ماراح نعطيك نصيبك من الكيكه هالسنه؟ منو قال اغلب الناس تحط خاص لجوده التعليم لا في ناس تحط خاص علشان عيالها يختلطون بطبقه معينه من الناس و الدليل في مدارس مشهوره بالغش و النتايج ١٠٠٪ و اقبال عليها قوي و النتيجه نشوفها بالجامعات مخرجات التعليم الحكومي ينافس مخرجات التعليم الخاص يعني الاثنين مو ذاك المستوى و الدوله اساسا مو جهة منفذه جهة مشرفه كل شي بالكويت يسوونه الشركات و التجار علشان جذي كل شي cheap و سيء لان تجارنا ما يتحاسبون و الدوله تدفع لهم عشر اضعاف قيمه شغلهم و هم مو عاجبهم الخلل اهني
ما اتفق معاه بخصوص الترسيه لأقل سعر، اولا انت ما تفتر بمعارض عشان تدور الجوده والكولتي هذي مناقصه الدوله هي من تطلب النوع والمواد والجوده والصيانه ومده التنفيذ ، مو معناته انها خذت الاقل يعني الاقل جوده بارك الله فيك، وبخصوص الصندوق السيادي كنا نطالب بأنشاء صندوق سيادي يستثمر بالكويت حاله من حال الصندوق السيادي الرئيسي ينشأ نفسه بنفسه باأكتتاب عام
مافهمنا شي
💣
للامانة هذا نهج عبيد الوسمي ١٣:٠٠ رجل يقود الشارع ولا يسمح للشارع بقيادته
الحوار الوطني كان طريق مبتكر
السلام عليكم ورحمه الله وبركاته اخي مايجوز الموسيقى خاصة اننا في رمضان ولايجوز حلق اللحية وقصها اذا كنت تحلقها
ان شاء الله يطيح ب١١ أو ١٢
المشاهدات 240 الف ؟! لو انه ترامب مو جذي
يمثل التجار وليس المواطن العادي وشكراً
بالنسبه للتعليم ليس هو مكفول جودته بالدستور مجانا"
لاتضحكون علينا
اتعبوا على جودت التعليم (وهذا الطبيعي)
وابشروا بمستقبل زاهر
وابعدوا الخاص
وخلو قوانين التعليم والصحه
نفس الدول المحترمه
وبلاش فايده على حساب الصحه والتعليم
وهم اساس الامه
وكل شي متوفر
بس ابعدوا الحسد والبغض
تفخيم الصوت
يجب ان تكون واضح مع الناس
المؤسسات الحكومية أو العامة بعني ملكيتها لكل الشعب بالعدالة و تحت ادارة ممثلهم و هي الحكومة. اما الشركات المطروحة بالبورصة فهي ملك من يملك كمية اسهم اكثر و بالتالي محكورة على كمية ناس اقل و تخدم مصالح من يصوت في اجتماعات الجمعية العمومية اي كبار ملاك الاسهم و ليس الناس باجمعهم.
باختصار الخصخصة تحول الملكية من عامة للشعب إلى خاصة لكبار الملاك و قد لا يكونون اصلا مواطنين او مقيمين!
احسنت
ووين المشكلة؟
المؤسسات العامه الي تحت ادارة الحكومه اغلبها خسرانه وقاعده تستنزف ميزانية الكويت وقاعد نخسر فلوس النفط عليها عشان نخليها بس تشتغل بدون اي ابداع، شالمشكله اذا طرحناها بالبورصه وتخلصنا من عبء هالمؤسسات والشركات وفوق هذا خليناها تربح وتصير اكثر كفاءه وتصير اكبر وتنمو وتتوسع وتنافس باقي الشركات العالميه وفوق هذا انت كمواطن وقت الطرح بتحيك اسهم واذا حسيت انه الشركه حيل عاجبتك ادخر كل شهر واستثمر مدخراتك وخلك شريك بالقرار في هذه الشركات
ترا الي عندنا بالكويت عكس باقي دول العالم
كل العالم قطاع خاص وتنافسيه عاليه بس عندنا قطاع حكومي مترهل خسران ومافيه اي تنميه
@@aliaskq378
المشكلة الكبيرة هي انها راح تتحول من موسسات تخدم الشعب إلى موسسات تخدم جيب كبير الملاك، قد يتطور شكل الخدمة بالاول ثم راح تدفع ثمن هذا التطور من جيبك و جيب عيالك.
الأولى الحفاظ عليها كموسسات غير ربحية و هدفها خدمة الشعب و العمل على تطوير هيكلها الاداري و محاربه الفساد فيها و خلق مقاييس اكثر واقعية من ربح مادي الي اصلا ماهو هدف وجود هذه الموسسات الخدمية نفس وزارة التربية- الصحة-النفط -الكهربا- الطيران و غيرهم
@@OoAAA93oO فعلاً اذا خصخصتها ممكن ينزل مستواها لكن لو كان في كذا شركه بتكون فيه منافسه ترفع الجوده والخدمات
لكن لو خليتها ملكيه عامه للدوله،غالباً مصيرها الافلاس او انتشار الفساد في هذه المؤسسات او حتى انخفاض جودة الخدمات لدرجه سيئه جداً ، وهذا الكلام واقع تاريخي لاغلب المؤسسات العامه بدول العالم
فالافضل تحفظها من الانهيار عبر خصخصتها وتسمح لشركات اخرى بالدخول لنفس المجال للمنافسه مثل ما حصل مع شركات الاتصالات مثلاً
هالانسان مكانه قائد النهضه. بهالعقلية الكويت تتطور وهو يكون المسؤل