Православный календарь, Воскресенье 16 июня 2024 / 3 июня 2024

Неделя 7-я по Пасхе, Отцев I Вселенского Собора. Глас шестый.
Челнской и Псково-Печерской иконы Божией Матери, именуемой "Умиление" (переходящее празднование в Неделю 7-ю по Пасхе).
Мчч. Лукиллиана, Клавдия, Ипатия, Павла, Дионисия и Павлы девы (270-275).
Прмч. Киприана (1934).
Сщмч. Михаила пресвитера (1938).
Перенесение мощей блгв. царевича Димитрия из Углича в Москву (1606).
Сщмчч. Лукиана еп., Максиана пресвитера, Иулиана диакона, Маркеллина и Сатурнина в Бельгии (81-96).
Иконы Божией Матери "Югская" (1615).
Прп. Афанасия, чудотворца Сицилийского.
Сретение образа прп. Димитрия, игумена Прилуцкого, Вологодского чудотворца (1503).
Св. Иерии, вдовицы Месопотамской.
Св. Клотильды, королевы Франков (544) (Галл.).
Прп. Кевина, отшельника и игум. Глендалохского (618) (Кельт. и Брит.).
Св. Мериасека еп. Камборнского.
Прп. Паппоса (Греч.).
Св. Ахиллия, патр. Александрийского (312).
Мч. монаха Варсава, настоятеля Иштарского и с мим 10-ых в Персии (342).
Новомч. Иосифа митроп. Солунского (1821).
Чтения дня
Иоанна 21:1-14 (на утрене. Евангелие 10-e)
Деяния 20:16-18, 28-36
Иоанна 17:1-13
Тропари
Неделя 7-я по Пасхе, Отцев I Вс. Собора. Тропарь воскресный, глас 6.
Áнгельския Си́лы на гро́бе Твое́м,/ и стрегу́щии омертве́ша;/ и стоя́ше Мари́я во гро́бе,/ и́щущи Пречи́стаго Те́ла Твоего́./ Плени́л еси́ ад, не искуси́вся от него́;/ сре́тил еси́ де́ву, да́руяй живо́т./ Воскресы́й из ме́ртвых, Го́споди, сла́ва Тебе́.
И святым отцам тропарь, глас 8.
Препросла́влен еси́, Христе́ Бо́же наш,/ свети́ла на земли́ отцы́ на́ша основа́вый,/ и те́ми ко и́стинней ве́ре вся ны наста́вивый,/ Многоблагоутро́бне, сла́ва Тебе́.
Кондак отцем, глас 8.
Апо́стол пропове́дание и оте́ц догма́ты,/ Це́ркви еди́ну ве́ру запечатле́ша,/ я́же и ри́зу нося́щи и́стины,/ истка́ну от е́же свы́ше богосло́вия,/ исправля́ет и сла́вит благоче́стия вели́кое та́инство.
Иконы Богородицы "Умиление". Тропарь, глас 4.
К Богоро́дице со умиле́нием припаде́м,/ вси грехми́ обремене́ннии,/ чудотво́рную Ея́ ико́ну Умилени́е облобыза́юще/ и вопию́ще со слеза́ми:/ Влады́чице, приими́ моле́ние недосто́йных раб Твои́х/ и пода́ждь нам, прося́щим,/ ве́лию Твою́ ми́лость.
Тропарь воскресный, глас 6.
Áнгельския си́лы на гро́бе Твое́м/ и стрегу́щии омертве́ша,/ и стоя́ше Мари́я во гро́бе,/ и́щущи Пречи́стаго Те́ла Твоего́./ Плени́л еси́ ад, не искуси́вся от него́;/ сре́тил еси́ Де́ву, да́руяй живо́т./ Воскресы́й из ме́ртвых. Го́споди, сла́ва Тебе́.
Богородичен, глас тойже.
Благослове́нную нареки́й Твою́ Ма́терь,/ прише́л еси́ на стра́сть во́льным хоте́нием,/ возсия́в на Кресте́, взыска́ти хотя́ Ада́ма,/ глаго́ля Áнгелом:/ сра́дуйтеся Мне, я́ко обре́теся поги́бшая дра́хма./ Вся му́дре устро́ивый, Бо́же наш, сла́ва Тебе́.
Кондак, глас тойже.
Живонача́льною дла́нию/ уме́ршия от мра́чных удо́лий/ Жизнода́вец воскреси́в всех Христо́с Бог,/ воскресе́ние подаде́ челове́ческому ро́ду:/ есть бо всех Спаси́тель,/ Воскресе́ние и Живо́т, и Бог всех.
Блгв. царевича Димитрия. Тропарь, глас 3.
Днесь вельми́ хва́лится ца́рствующий град Москва́,/ име́я в себе́ пра́ведныя твоя́ мо́щи,/ благове́рне царе́виче Дими́трие,/ я́ко цве́ти благоуха́ннии,/ пребыва́еми во святе́м хра́ме,/ просвеще́ние подаю́т душа́м и те́лом на́шим./ Тем ра́достно тя восхваля́ем,/ и честно́е пренесе́ние моще́й твои́х ве́рно почита́ем, и мо́лим тя:/ моли́ Христа́ Бо́га/ дарова́ти нам ве́лию ми́лость.
Ин тропарь, глас 2.
Я́ко благочести́ваго ца́рскаго ко́рене/ Боголюби́вый произы́де плод,/ я́ко а́гня незло́биво,/ непови́нно во младе́нчестве закла́н бысть от властолю́бца,/ вку́пе и от зла́го раба́,/ тем, я́ко златы́ми кри́лы душе́вною чистото́ю/ и младе́нческим незло́бием к Небе́сней высоте́ возлете́л еси́, Дими́трие,/ и ны́не кровь твоя́ от земли́ та́йно вопие́т к Бо́гу,/ я́ко Áвеля пра́веднаго,/ и сего́ ра́ди покланя́емся ве́рою твои́х моще́й ра́це,/ из нея́же реки́ чуде́с излива́еши/ приходя́щим ти с ве́рою/ и любе́зно целу́ющим многоцеле́бныя твоя́ мо́щи,/ сла́вящим просла́вльшаго тя Бога́./ Его́же моли́, держа́вный страстоте́рпче Дими́трие,/ правосла́вным сыново́м ру́сским спасти́ся.
Ин кондак, глас 8.
Свети́ло пресве́тлое яви́ся днесь Боже́ственная па́мять твоя́:/ богодарова́нная ти чудеса́, я́ко ре́ки,/ от вся́ких многоразли́чных неду́г подае́ши исцеле́ние с ве́рою призыва́ющим тя, / созыва́я нас к похвале́нию прославля́ющаго тя Бо́га./ Его́же моли́, страстоте́рпче Дими́трие, / мир ми́рови дарова́ти,/ от ви́димых и неви́димых враг правосла́вныя лю́ди невреди́мы сохрани́ти, да зове́м ти: ра́дуйся,/ ты бо еси́ утвержде́ние гра́ду на́шему.
Кондак, глас 4.
Я́ко пресве́тлая звезда́,/ яви́лся еси́ днесь в ца́рствующем гра́де Москве́,/ благове́рне царе́виче Дими́трие,/ сия́я пра́ведными свои́ми мощми́./ К ни́мже притека́юще, исцеле́ния дар прие́млем и глаго́лем:/ ра́дуйся, всекра́сне душе́ю,/ благоро́дне Дими́трие,/ я́ко прия́л еси́ от Бо́га ве́лий сей дар/ и вене́ц нетле́нный.