Yaxshiyam borsiza...

Yaxshiyam borsiza...
Yaxshiyam borsiz,
Yaxshiyam tutashdi umr yo‘llari!
Bo‘g‘ib qo‘yar edi sizsiz, shubhasiz,
Meni yolg‘izlikning sovuq qo‘llari!
Yaxshiyam borsiza...
Yaxshiyam siz bor,
Bu tashna ko‘nglimning malhami joni!
Kuzga o‘xshab ketgan umrimda bahor,
Yana gullashimning yolg‘iz imkoni!
Yaxshiyam borsiza...
Allohga shukur,
Qorong‘u umrimning nuri, ziyosi!
Mendan so‘ramay ham bu yurak qurg‘ur,
Sizga alishtirgan yorug‘ dunyosin!
Yaxshiyam borsiza...
Har lahza, har on,
Boringizni bilish o‘zi mukofot.
Allohning suygani, men suygan inson,
Buncha shirin ekan siz bor bu hayot!
Yaxshiyam yaxshisiz,
Hammadan yaxshi,
Tasavvur qilmayman sizsiz qolishni!
Hoy mening umrimning ziynati, naqshi,
Menga ham o‘rgating yaxshi bo‘lishni!
Yaxshiyam borsiza,
Yaxshiyam borsiz,
Borki yomonlarga yasagan yakun.
Ming jonim so‘ralsin, kechgum begumon,
Sizni bir soniya sevmoqlik uchun!
Yaxshiyam borsiza,
Yaxshiyam borsiz...
✍️Malika Salimova
🎙Ilhomjonovna

[@NurmuhammedAbdiqadirov]

Яхшиям борсиз 😊боризга шукр хожайин❤

[@Shoxsanam-v8l]

Зур ❤

[@user-lk4qh8bc7y]

❤❤❤❤

[@Youk_Hayul]

Yaxshiyam borsiz❤