Башкаруу формасын тандоо укугун Кыргызстандын элине кайтарып берүү зарыл

Биз буга чейин башкаруу формасын тандоо укугун Кыргызстандын элине кайтарып берүү зарыл экендигин айтып келебиз. Ушул багытта мыйзам долбоорун даярдадык.
Учурда конституциялык реформаны өткөрүүгө зарылчылык жаралды. Бирок, реформа бийликти бекемдөө үчүн эмес, жарандардын укуктарын, эркиндиктерин жана мыйзамдуу кызыкчылыктарын камсыз кылууга, алардын жыргалчылыгын жогорулатууга багытталган укуктук шарттарды түзүү үчүн жүргүзүлүшү керек.
Кыргызстандын эли мамлекеттик бийликтин бирден-бир булагы.
Демек, башкаруу формасын тандоо укугу Кыргызстандын жарандарына таандык болушу керек.