平到爆自助餐!人均港幣150澳門酒店自助午餐獵奇大搜查誠實自費食後感想 (Price Challenge! Macau hotel buffet 150HKD pp, honest review)

[@kongleung1849]

係咪自費?
點解你拍片四周圍無人?

[@DrHedgie]

久唔久就有啲觀眾會問我哋Channel嘅自助餐短片係唔係自費？點解拍攝嘅場面可以影到冇人呢？
再一次澄清返，真係自費嘅！
（特別係今次我哋呢段澳門自助餐短片，俾咁多彈人哋嘅評語都好難唔係自費，應該冇廣告商特登俾錢我哋去彈佢哋去「花式自殺」嘅，又或者特登整啲核突嘅嘢食出嚟俾我哋影嘅，你話係咪？😂例如，剛剛都有觀眾提起，我都有答返佢6:46 呢舊個樣咁核突嘅係泡芙，你又信唔信？😂）
要拍到餐廳影唔到其他食客，其實真係要好識走位，影呢啲我哋好有策略嘅👍🏻🙂，可以做個小分享，通常我哋就會咁做嘅：
1. 我哋一班朋友仔幾個首先要預早排隊入餐廳，通常做第一台入場就唔會見到其他人，影到其他食客
2. 入到餐廳之後我哋幾個就要好識分工，分頭行事。一位影環境以及甜品區（要預早影，當全世界都想食甜品嘅時候，一盤盤嘅蛋糕就會俾人撩爛咗，咁就會超級醜樣啦），一位影熱食以及海鮮。
一切都係務求要喺頭幾分鐘「黃金時間內」，就要完成晒全部嘅食物外觀拍攝（其實都唔難嘅，食自助餐通常好多食客大家都會一窩蜂沖去攞海鮮，只要唔係先拍攝海鮮，好多食物頭嗰幾分鐘都會好齊整嘅）
3. 要補拍其他Close Shot畫面，就要等其他人行開啲先影啦，冇人鍾意睇到其他食客啲手喺度遮遮掩掩，所以都要有禮貌地等人走開先至影。有啲嘢可以遲啲影都冇影響，例如雪糕或者果汁，因為就算俾人拎完，都唔會影響到被擺放食物嘅齊整性。
4. 至於餐廳入口嗰個畫面，通常就要喺食完晒成餐飯，走嘅時候先至影通常就會最靚，因為餐廳開門嘅時候就會排長龍，但係要走嘅時候，餐廳通常都會好清靜，仲要任拍唔嬲添。
只要將呢啲將呢啲唔同時段嘅畫面好有策略性地混搭，就會做到好靚嘅效果。
要將最後嘅短片做到而家呢個效果出嚟，當然亦都要用好多心機同埋時間去剪輯返俾大家睇啦。一切都係希望最後嘅成品大家睇得開心，之後會再返嚟睇我哋啲片。希望大家都會感受到我哋付出嘅能量，得閒記得睇完之後講幾句開心嘅評語，俾個like我哋，我哋睇完係會好開心嘅。
今日嘅分享就係咁多，祝中秋節快樂呀！😂

[@CutePetRabbit]

睇落唔多吸引
多謝你幫大家以身試伏

[@DrHedgie]

係唔算好吸引，但食得飽嘅。目測當天仍有好多長者光顧，似乎平自助餐亦有佢嘅捧場客。

[@chillachin4654]

平民級自助餐，又真係會有佢嘅市場，我見過之前Poor Girl 嘅Channel都有介紹幾間超級平嘅自助餐，呢間已經睇落算係靚嗰種

[@DrHedgie]

全澳門最大規模嘅自助餐就係自助山，高端嘅食客應該去晒嗰度，但係又唔係個個都一次過會想洗咁多錢食一餐，就會衍生咗一批想平平哋都食到一餐嘅客，最後就會有可能幫襯呢啲超平價嘅自助餐啦。
所以呢啲酒店做平價自助餐，定位都唔係錯嘅。

[@chillachin4654]

6:46 呢塊係曲奇餅？咁多忌廉嘅！😂

[@DrHedgie]

喺段片入邊唔記得講，嗰一舊其實係泡芙！
唔知點解佢係扁嘅，所以冇乜空氣感
成嚿蝕咗氣，好似得返塊皮咁樣，如果鍾意食泡芙皮嘅朋友就好開心啦，而我就冇呢啲特別癖好🤣

[@KintCheng-kq9dc]

150蚊 冇要求

[@DrHedgie]

有同感🙂

[@pak1677]

🤪🤪🤪🤪

[@DrHedgie]

😂

[@肥肥坤]

呢間垃圾，做人要對自己好D，慳少少錢，走去食垃圾？

[@DrHedgie]

本來唔知係咁，食完硬係覺得樣樣差少少
點都好，又真係見有長者特登來仲食得好開心嘅，所以百貨應百客，佢總有棒埸客嘅。
雖然甜品以及刺身就真係幾唔掂