فايز العتيبي - طبيعتن في كل ربعي عتيبه (حصرياً) | 2022

تنبية : نسخك للمحتوى او عادة رفعه يعرض قناتك للاغلاق .
إشترك وفعل التنبيهات في قناة المصمم زياد العتيبي الرسمية للحصول على الجديد
فايز العتيبي - طبيعتن في كل ربعي عتيبه (حصرياً) | 2022
Fayez Al Oteibi - Tow Natures In Every Quarterl Otaibia (Exclusively)
| 2022
مهداه الى : الشيخ ناصر بن سدر الروقي
كلمات : نايف العتيبي
اداء : فايز العتيبي
تصميم : زياد العتيبي
لمتابعة المصمم زياد العتيبي عبر التواصل الإجتماعي:)
bio.site/Ziyad...
كلمات :
يابو سعد باسمك نزيد التراحيب
من صادق شعور الصدور الرحيبه
يامرحبا ترحيب ماهوب تجريب
طبيعةٍ في كل ربعي عتيبه
عداد مايبدي من نجوم ويغيب
ترحيبنا نبدي به وننتهي به
في محفلٍ جوله طوال الاشانيب
كلن علشانه يحث النجيبه
عند الكريم مكسّب اهل المكاسيب
مدورين المكسب من الجليبه
مكاسبه ياهل الكبوش الجلاليب
ليا لوا من فوق راسه عصيبه
قرمٍ لاقام يودي الوقت ويجيب
وتكالبت كل الظروف الصعيبه
يجي ليا كبرة عليك الاصاعيب
والا العلوم الهينه ماتجيبه
من عزوةٍ يوم الليالي شلاهيب
كم فرقو بين الحبيب وحبيبه
الاد سامر ستر من شقة الجيب
مركاظهم يعدابه وينبدي به
امتيهين اللي زهتها الدباديب
في ظلهم ترعى مهيبه مسيبه
ياما رعت حتى ديار الاجانيب
امارعت بالطيب والا غصيبه
والليله انا واحد من المعازيب
والمحتفى به كلنا نحتفي به
عامر بنا بيت الفخر بالاطانيب
الله يبارك له نصيبه وصيبه
في وقفةٍ مالي وراها مطاليب
وقفة قريبٍ وقفته مع قريبه
حنا ورثنا رفقة الذيب عن ذيب
وليا وفانا معه ماهي غريبه
عودٍ ورثنا منه الامجاد والطيب
والله لنارث حتى صحبة صحيبه
هذا خوي العود راع المواجيب
صداقةٍ من وقت ماهي قريبه
قدام تنقر لحيته زهرة الشيب
لين الوقار اضفى عليها مشيبه
اله الوفا منا بامر عالم الغيب
يالين تركز من علاه النصيبه
ياصقرنا الصاطي عطيب المضاريب
حنا عيالك لايجي فيك ريبه
اضربنا الكايد وعد المراقيب
وابشربنا واللي بعد نعتزي به