جرايم قتل بنات من غير متهم | ملخص فيلم The Little Things
HTML-код
- Опубликовано: 8 сен 2024
- الأحداث بتبدأ ببنت اسمها ( تينا) سايقة عربيتها على طريق سريع بالليل و في عربية بتطاردها ، تينا بتترعب و بتنزل من عربيتها وبتهرب من سواق العربية اللى بيدور عليها ، لكنها بتقدر تهرب منه
وبعدها بيظهر بطل الفيلم الظابط (جو ديكون) وهو بيحقق في بلاغ تكسير لوحة اعلانات، بعدها بيرجع لقسم الشرطة وبيطلب منه رئيسه يسافر لوس أنجيلوس عشان يجيب دليل مهم في قضية هيتم نظرها تاني يوم
ديكون بيرجع لمكتبه وهو مهموم ، واضح ان المأمورية دي عنده مشكلة معاها
بيسافر تاني يوم الصبح وبيوصل للمعمل الجنائي عشان ياخد الدليل اللى هو محتاجه لكنه بيعرف انه لازم يجيب موافقة المسئول عن القسم عشان ياخد الدليل ده.
وهو خارج من المعمل الجنائي بيشوف الونش بيرفع عربيته لأنها راكنة ورا عربية المحقق (جيم باكستر) ، ديكون بيروح عشان ياخد الموافقة لكنه بيعرف ان الدليل هيتأخر تسليمه يوم كمان، وانه هيضطر يستنى
ديكون بيخرج ويتكلم مع بعض الظباط في القسم، وبنعرف انه كان موجود في لوس أنجلوس من فترة ومعظم الموجودين يعرفوه
بيروح يحضر المؤتمر الصحفي اللى بيعمله جيم وبيعرف ان في سلسلة من جرائم القتل اللى بيبحثوا فيها لكنهم مش قادرين يوصلوا للفاعل لحد دلوقتي
جيم باكستر بيعرف مين هو (جو ديكون) وبيعرف انه كان له تاريخ معروف في القسم ، ديكون بيروح لكافيه مع واحد من زمايله القدام ، وهناك بيجي له جي باكستر و بيتعرفوا على بعض بشكل أكبر ، جيم بيطلب من ديكون انه ييجي معاه لمسرح الجريمة اللى حصلت مؤخرا
بيروحوا لمكان جريمة القتل وبيعاينوا الموقع والتفاصيل ، وهناك بيقابل ديكون زميلته الطبيبة الشرعية (فلو) اللى بتتفاجئ برجوعه بعد الغياب الطويل
جيم بيلاحظ ان ديكون بيفحص المكان بتركيز شديد ، وبياخد باله من شباك في المبني المقابل ، بيطل مباشرة على الشقة اللى حصل فيه القتل
ديكون بيروح هناك وبيلاقي المبني فاضي ومظلم، لكنه وهو بيشوف موقع الجريمة الجديدة بيفتكر تفاصيل جريمة مشابهة حصلت من فترة طويلة
جيم وزميلته بيحاولوا يجمعوا أكبر قدر من المعلومات عن المجني عليها ، وهنا ديكون بيسألهم:
هل كان في آثار عض في أي جثة من جثث البنات المقتولين قريب؟ ، وبيعرف ان في واحدة فيها الأثر ده ، ولما بيسأله جيم عن سبب سؤاله بيقول له انها تشبه تفاصيل جريمة كان بيحقق فيها قبل كده
في الوقت ده بنشوف بنت اسمها (روندا) كانت بتجري مع صديقها ولما بمشي ناحية بيتها بتكون في عربية ماشية وراها
وبعدها بنشوف اعلان فيه صورتها ومكتوب انها مفقودة على باب كافيه بيدخله جيم عشان يقابل ديكون ، جيم بيقول له انهم قبضوا على واحد مشتبه فيه وهيحققوا معاه في جرايم القتل اللى حصلت
جيم بيحقق مع المتهم وبيسأله عن تفاصيل في جرايم القتل وديكون بيراقبه من ورا الزجاج العاكس، والمتهم بينكر علاقته بالجرائم
بيستعد ديكون للسفر والرجوع تاني للمقاطعة اللى بيشتغل فيها ، لكنه بعد تفكير بيقرر يرجع تاني ويشارك في التحقيقات
بيروح لزميلته (فلو) اللى بتعمل تشريح لجثة الضحية، وبيحاول يعرف منها تفاصيل أكتر وعن ارتباط الجريمة دي بسلسلة من الجرائم اللى حصلت من فترة طويلة لما كان موجود في لوس أنجيلوس
فلو بتحذره انه يتورط في التحقيق ، وبتفكره بمشكلة قديمة حصلت لهم وبتقول له انها مش هتقدر تقف جنبه تاني زي زمان
ديكون بيروح شقة المجنى عليها ويفحصها مرة تانية، وبيقابل صاحبة العمارة ، وبيعرف منها تفاصيل أكتر ، منها مثلا ملاحظته ان التلاجة كانت معطلة ومحتاجة صيانة، وقالت له انها طلبت شركة الصيانة فعلا لكنها ما تابعتش الموضوع بعد ما البنت اتقتلت ، ديكون كان بيسجل كل التفاصيل اللى قالتها باهتمام
ديكون بيروح يأجر أوضة في فندق صغير ،وبيعلق على الحيطة صور بنات اتقتلوا في جرائم سابقة ، وبيتخيل كأنهم موجودين معاه في الأوضة
تاني يوم جيم بيعرف من رئيسه ان المتهم اللى كان بيحقق معاه قبل كده انتحر بسبب الضغط عليه، رئيسه بيحذره من التعامل مع ديكون ، وبيحكي له تفاصيل أكتر ، بيقول له ان ديكون كان بيحقق في جرايم قتل لكنه تعرض للانهيار واتوقف عن العمل وطلق مراته وعمل جراحة في القلب ، كل ده في ست شهور بس بسبب الضغط النفسي اللى عاشه وقت التحقيقات دي ، وبينصحه انه يبعده عن التحقيقات لأنه عرف انه أخد أجازة و هيكمل معاه في القضية
-------------------------------------------
#The_little_things
#Denzel_washington
#Rami_Malek
#Jared_leto
#DramaWiki
#Recap
#ملخص_فيلم
ملخص فيلم The Little Things
John Lee Hancock تأليف واخراج
اشترك في قناة دراما ويكي لمتابعة كل الملخصات الجديدة