Сайлаушылардың белсенділігі бойынша Алматы облысы алда келе жатыр

Бүгінгі Парламент Мәжілісінің сайлауында еліміз бойынша алты партия додаға түсіп жатыр. Мәжілістің алтыншы шақырылымында депутат болуға барлық партия өкілдері үмітті.
Мәселен, «Нұр Отан» партиясының атынан 127, «Ақ жол» партиясынан 35, «Ауыл» партиясынан 19, Қазақстан коммунистік халық партиясынан 22, Жалпыұлттық социал-демократиялық партиядан 23 және «Бірлік» партиясынан 8 адам Парламенттің төменгі палатасына ұсынылған.
Нұрбек Байбосын, тілші
-Ал сайлаушылардың белсенділігі бойынша Алматы облысы алда. 92,67 пайыз сайлаушылар дауыс берген. Екінші орында - ОҚО. Онда дауыс беру көрсеткіші 83,4 пайыз. Үшінші нәтиже Атырау облысының еншісінде. Ең төменгі көрсеткіш Алматы қаласында тіркелді. Қала сайлаушыларының 32 пайызы ғана дауыс берген.