هل تعتقد بورد الATS حماية للمنزل!!!!
HTML-код
- Опубликовано: 25 авг 2024
- في هذا الفيديو نوضح هل بورد الATS هو حماية للمنزل اما فقط جهاز تحويل بين الخطوط كل هذا ستراه في هذا الفيديو
شارك الفيديو مع الاصدقاء واترك لنا تعليق
للطلب والأستفسار
اخوكم علي الكهربائي
07717833905
#كهرباء #الكهرباء #تأسيس_وتشطيب_الكهرباء
#ats
اسف جدآ جودة التصوير رديئة بس ان شاء الله الفكرة توصل عن طريق الشرح وكلكم اساتذة وفاهمين وان شاء الله القادم اجمل❤
شكرا جزيلا استاذ على الشرح الرائع عاشت ايدك واسلوب الشرح والتسلسل بالمراحل رائع جدا كل التوفيق بحياتك اخي
زكاة العلم تعليمه.. بميزان حسناتك ان شاء الله
عيوني الغالي ايدك العايشة تستاهلون الافضل
عاشت الايادي اخي الغالي الأستاذ علي الكعبي تحياتي لك يا طيب القلب أخي الكريم
ايدك العايشة عيوني ابو عباس الغالي
السلام عليكم
استاذي العزيز طبعاً اني بدايت ماتعلمت الكهرباء تعلمت منك كثير وكثير والله العظيم جنت كل مااشوفك تنشر فيديو ادعيلك لان حيل حبيت هاي المهنه والحمدلله هسه اني توظفت بدائره حكومية وصرت كهربائي
المهم استاذ عندي اقتراح على هذا البورد ليش ماتخلي الكونتكتر فقط للاحمال الخفيفة والانارة وبنفس الوقت تخلي سلكتر يدخل عليه 3 فيز من القاطع ويخرج من عنده فيز واحد للكونتكتر واذا صار بي خلل تبدل من السلكتر للفيز الثاني او الثالث وبنفس الوقت تخلي سلكتر صغير للكونترول يعني مثلا راح يخرج من القاطع 3 فيز احمر و اسود وازق يدخلن على السلكتر احنا راح نختار الفير الاول للاحمال الخفيفة اللي هو اللون الاحمر راح يصير رقم 1 بل سلكتر واللون الاسود رقم 2 واللون الازرق رقم 3
ونخرج من السلكتر فيز واحد اللي هو الاحمر نخلي للاحمال الخفيفة والانارة ونخلي سلكتر صغير للكونترول بنفس الترتيب يعني اللون الاحمر رقم 1واللون الاسود رقم 2واللون الازرق رقم 3
ونخلي السلكترات على رقم واحد اللي هو اللون الاحمر والفازات الثانية الاسود والازرق نخليها للاحمال الثقيلة مثل السخان والسبالت وغيرها وهنا راح نخلي لكل سبلت جهاز حماية واسف على الاطالة بس حبيت اشارك رائيي ❤
الله يبارك بيك أبو تبارك ماقصرت
تدللون عيوني
عاشت ايدك هاي الاجابة ع السؤال الي سألته بلفديو السابق
ايدك العايشة عيوني الغالي
فيديو قصير ولكن غني بالمعلومات
الله يوفقك متابعك انا
يا بعد عمري الغالي ان شاء الله بلتوفيق لكم
عزيزي الغالي ابو تبارك
يوم بعد يوم تثبت انك الأفضل وشرحك ممتاز جدا ومفيد حتى لغير الكهربائين وفقك الله ورعاك وان أمكن تخصيص فيديو لرسم مخطط توضيحي مع الشرح لبورد أربعة خطوط ثلاثه للحمل الثقيل والرابع للحمل الخفيف مع خروج التايمرات عن العمل ميكانيكا وكهربائيا بطريقه أفضل من الطرق أن وجدت طريقه جديده وأمنه وأخيرا أسأل الله أن يحفظك من كل مكروه ودمت
الغالي الخلوق استاذ صالح الطيب الله يوفقكم جميعآ الفضل لله ولدعمكم الي دائمآ ابحث نحو الأفضل والمفيد ان شاء الله طلبك مجاب تدلل
اساتد علي الف رحمه ع ابوك رقمك بلكي عندي استفسار كون بي وانساب قلبي انت اذا مو زحمه@@aliaa88
شكراً الك استاذ ع هذا الشرح الواضح ونقطه جدا مهمه وجاي نعاني منه ك كهربائين وكذلك مكلفه لاصحاب المنازل
من وجهة نظري ملخص كلامك الجنج اوفر 60 او 30 امبير افضل بكثير من دائره الكنترول المكلفه خاصتا اذا وضعنا مابعد الجنج جوزه اوزن تتحكم بانخفاض وارتفاع الفولتيه وسلكتر للتحكم بالفازات
كلامك صحيح بس المشكلة إذا كان عندك خطين مولد 3 فيز ووطنية 3 فيز شنو راح تسوي هنا
@@aliaa88
اهنا لازم ترجع لربطats الطريقه الصح مثل مااتفظلت والخطا حسب طلب صاحب المنزل 2 كونتكر لان اذا ترجع للجنج فقط احمال خفيفه واذا 3 فير كل خط تضطر تربط للاحمال الثقيله كونتكترات ورجعنه لاول نقطه
او عند استخدام الكونتكترات 2 فقط تخلي ع كل فيز بالout put للمنزل قبل الاحمال جوزه اوزن تحمي من الارتفاع والانخفاض
يخلي سلكترات ثنين وهمين يحول بيناتهم@@aliaa88
نعم لان يحتوي عناصره على الفيز فلر
الغرض من الفيديو لازم الكهربائي من يسوي البورد يعرف البورد راح يكون فقط تحويل لو حماية للمنزل
جزاكم الله خيرا
اهم شي الفكرة وصلت
التصوير جيد جدا
نورت الغالي ابو تبارك الذهب
الله ينور حياتك عيوني
حياك الله الغالي استاذ علي كلامك صح وشرحك جدا واضح ممكن أضيف فكرة وهم مكلفة وهي مكملة لفكرتك وهي اضافة ثلاث سلكترات لتعويض عن الفيز الي راح اتصير بيه مشكلة يعني تشغيل الجزء المسؤل عنه الفيز الي بيه خلل
عيوني الغالي استاذ صفاء نعم فكرتك حلوة وتكدر تستخدم 3 فيزفلر سنكل مع 3 سلكتر للباورات بس انة بطبعي ما اشجع على استخدام السلكتر للثقيل اخاف منة
الله يحفضك أستاذ علي ❤
تدللون عيوني
عمت عيني عليك مشيب طالع الشيب بلحيتك
انت راقي تحياتي لك
😘
شرح حلو منتاز ابو حسين ابو حسين سوال شحتاج من اجهزه لخطين حار وخط المولد
عاشت أيدك ربي يحفضك ممكن نضع سلكتر يدوي نوعية جيدة ونغذي الكنترول من خروج السلكتر
ايدك العايشة عيوني اي نعم ممكن بس هم راح تواجه نفس المشكلة الي تكلمت عنهة
أحسنت الشرح وفقت
تسلم عيوني
عمت عيني عليك مشيب
شكرآ على تلك المعلومات القيمه الله يحفظك ويوفقك استاذ علي
عيوني خادمكم
ربي يوفقك ابو تبارك على التوضيح . زين هل بورد ats يحمي البيت من انقطاع البارد الرئيسي
الله يبارك بيك عيوني اي نعم بوجود الفيزفلر
السلام عليكم استاذ ملاحظة بدال ما نخلي 3 كونكترات وتصير التكلفه اعلى نكدر نخلي 3 سلكترات ويخرجن 3 خطوط للكونتكتر وتحول بين السلكتر ويشتغل كلشي طبيعي
عليكم السلام عيوني الغالي نعم طريقتك صحيحة وناجحة بس انة اريد ابتعد عن استخدام السلكترات للأحمال الثقيلة لأنها خطرة
أو نضع سلكتر ثاني نربط عليه الثلاث فيز وبحسب قرائة قارئ الفولت ذاته بالسلكتر الأول لنوحد الخط الأفضل و انتهت المشكلة بدل وضع ثلاث فيز فلر
افضل حماية للمنزل
اني مخلي الفيز فيلر على ٢٤٥ واليوم ماعبر كهرباء للبيت لان اجت الكهرباء قوية
كلش كافي لا تصعدة بعد اكثر
@@aliaa88
🖤🖤🖤🌹🌹🌹
تحياتي الغالي
كلام منطقي جدا
وبارك الله بيك
بعد عمري خادمكم
مبدع دائما❤
بوجودكم عيوني
اولا ربي يوفقك شرح راقي ولو مو كهربائي انة وثانيا استاذي اذا احد جاي يصورك ف خلي يثبت الفوكس مال كاميرا حتة الاضائة تبقة ثابتة ماتتغير وبرنامج مونتاج تكدر تتحكم بيها وتعدلها بالشكل الافضل وفي حال ماتعرف للمونتاج ف امو هواي شروحات تخليك تمنتج فيديو الك واذا تحب امنتج الك فيديو وشوف قصدي شلون وتدلل
حياك الله عيوني اشكرك على النصيحة والمعلومات طبعآ التصوير هذا مال تلفون المشكلة من تكون الكاميرا قريبة اواجه مشاكل بلأنارة جاي احاول اضبط الوضعية ان شاء الله وممنون منك ياطيب
@@aliaa88 اي اعرف تلفون بس اضائة حتى لو رخصية المهم تنطيك الاداء جيد وثبت فوكس الكاميرا اثناء التصوير وهيج ماتبقة الاضائة كلساع تنخفض وترتفع وكلشي تحتاج خادم انة عندي خبرة بهاي الامور زين ربي يوفقك جاي تفيد الناس
ممنون منك ياطيب الله يحفظك ماتقصر
@@aliaa88 ويحفظك يارب
ربي يستر عليك. ❤
ممنون
هو شنو غير انت عملاق. يااخي اني مدرس انكليزي ومتخرج ولله الحمد. لكن عشقي بلا حدود هي الكهرباء شخص موهوس بهالمجال شتنصحوني اكمل معهد كهرباء لو لا؟
يا بعد عمري استاذ منورني والله ترة الكهرباء عشق مهنة مو كل الي يشتغلون كهرباء هم خريجيين هندسة او معهد كهرباء لكن الممارسة وحب المهنة يخليك توصل هيج مسوى بس الدراسة تعلمك على الاسس والقوانين ام العمل الموقعي يعلمك المهنة والحرفية والابداع
@@aliaa88 والله العظيم استاذ خاف احجي وربما اليشوف تعليقي يكول يبالغ من الطفولة عشق لاينتهى للكهرباء بحيث حتى من اضوج والله اطلع اسلاك واربط مصابيح وكذا بقدر كبير جدا احب هالمجال وان شاء الله والتوفيق من الله امارس هالمجال وحيكون الي اسم لان عندي افكار كلش يااخي احب هالمجال موبيدي والله. ولله الحمد من عنده اليوم هيج شخص مثلك استاذ طرح كل مواضيعك بطريقه علمية وسلسه ربي يحفظك بحق محمد وآل محمد
@ameermohsen3890
ان شاء الله بلتوفيق وهذا تعبك وشغفك ما يروح ببلاش وانة حاظر بأي وقت للمساعدة
أحسنت ، ليش مايتم ربط سلكتر كبير الحجم بداية البورد للأحمال الخفيفة ويتم تغذية الكنترول من خرج السلكتر وفي هذه الحالة عند حدوث مشكلة في أحد الفيزات والتحويل على الفيز الآخر راح يتغذى الكوندكتر و الكنترول بفيز مضبوط وتنتهي هذه المشكلة ،،
هذا اذا استخدمت السلكتر فقط للخفيف اما اذا ابو البيت راد حماية حتى على الاحمال الثقيلة نرجع على نفس المشكلة
جزاك الله خيراً
تدللون عيوني
استاذنا العزيز من خلال شرحك لبورد ats لم ألاحظ استخدام السيلكتور فهل يمكن شرح بفيديو ما هو السليكتور وما هي انواعه وما هي فائدته واين يستخدم وكيف يربط
انت عشق لا ينتهى ربي يحفظك بحق الحسين
خادمكم عيوني
السلام عليكم كلامك صحيح بس الكونكتور المن تحتاجه تكدر تستغني عنه وتخلي جوزة ذكية تعمل عمل الفيز فلر وحماية اذا اجت كهرباء عالية لماذا لا تستخدم هذه الطريقة وتتخلى عن الكونتكتور مو احسن
عليكم السلام عيوني حياك الله الكونتكتر لغرض التحويل بين خط الوطنية وخط المولد ..تكدر تستخدم جوزات ذكية بعد الكونتكتر لغرض الحماية
ربي يوفقك. ❤❤
بخدمتكم عزيزي
أحسنت ❤❤❤
خادمكم
حقيقة عقليتك وطريقة تفكيرك جداً واقعية وذكية ،
طيب استاذ اذا نستبدل الكونتكتر بريليات احمال عالية كل فيز ريلي وينربط فيز فلر او جوزة حماية او كرت تايمر للملف مال الريلي متحل هاي المشكلة ؟
تدلل عيوني اي نعم ممكن هذه الطريقة تنجح اكيد
@@aliaa88
ياريت تسويلنياها بشكل عملي وتكون حل نافع وغير مكلف بدل الاسعار الخيالية لل ATS وبالنتيجة هي غير محمية .
احسنت❤
❤️❤️
نفس شي استاذ بس نكدر نقرا الفولتية عن طريق مصباح قارء الفولتية ونقيم
ربي يحفظك استاذ علي ❤
بعد عمري الغالي
احسنت
تدللون
السلام عليكم استاذ علي
عليكم السلام عيوني
استاذ علي ليش ماتخلي سليكتر الكتروني وتنتهي المشكله اي فيز يعطل هو ايحول ذاتيا احسن من كثرة المواد المستخدمه
حبي الغالي ممكن انتة ماوصلتك الفكرة مالت الفيديو حتة لو استخدمت سلكتر الكتروني تمام وواحد من الفيزات راح يصير بي مشكلة تمام راح يحول اوتماتيك على الفيز الثاني هنا الفيز الي صارت بي المشكلة راح يدخل للبيت لأن الكونتكتر راح يشتغل معناها دخلي فيز ضعيف او مرتفع للبيت وانتة ما خال حماية داخل البيت فهمت قصدي
عاش الورد صحيح واجهتني نفس المشكله وهي هواي حلول بس المشكله مكلفه وأبو البيت من تكله يكول مكلفه وجاي اخلي في السيركت جوزه حمايه لسبالت والاناره جنجوفر ( جهاز التحويل الفنار ونفس الوقت هو جهاز حمايه إرتفاع وانخفاض الفولت وارتفاع الامبير جهاز راقي ) او اوزن والحمد الله انحلت تحاتي لك ياورد 🌹أخوك أبو أحمد الكهربائي
الف تحية وسلام عيوني ابو احمد الغالي نعم هذه العملية مكلفة لكن مظمونة ومثل ما تفضلت اكو حل ثاني السبالت تخليلهم جوزات ذكية وجهاز تحويل للأنارة بس المقصود بهذا الفيديو لازم اكو كونتكترات اذا كان عندك مصدرين 3 فيز
رحمه لوالديك نزلنه فديو اذا عندي شقه طابقين كل طابق بكنتكتر ويشتغلن سويه وكنتكتر الوطني مشترك
سوأل بلا زحمة عليك نفرض خطين من محولتين كيبلين ثري فيز وطني وخط مولد ثري فيز من يصيرأ على بازبر شلون رح يكون ربط على الميزانية اريد مثلأ خطين وطني على ميزانية ومولد ورة الميزانية حتى مايحسب على المولد هل اذا يرجع من المولد على الميزانية اكو ضرر لو ينربط كونتكتر ورة ميزانية اتمنى شرح لهذا الموضوع نستفيد من حضرتك علاوي حبيب كلبي ابو حسين اني خادمكم الصغير 😂
عليكم السلام عيوني حياك الله غالي والطلب رخيص مثل ما كلت يصير عندك كونتكترين خاصات بلوطنية الخروج مالهن يدخل للميزانية وخروج الميزانية يدخل على كونتكتر بحيث اي خط من هاي الوطنية يشتغل يلقط الكونتكتر ويصير عندك بعد كونتكتر خاص بلمولد راح يشترك مع كونتكتر الوطنية بلخروج لا تخاف ما يرجع على الميزانية لان الدخول مال كونتكتر الوطنية الاخير والمولد يصير من جوة اذا انطفت الوطنية بعد الكونتكتر يفصل وما يرجع كهرباء ان شاء الله وصلت الفكرة ...اخوكم وخادمكم الصغير وان شاء الله اسوي علية فيديو
@@aliaa88 وصلت الفكرة يا ذهب ربي يوفقك ويسهل امرك يارب
استاذ علي ماطور غطاس ١٤امبير عدد٢على مولد ٤٠امبير كاز كافيه
اي نعم كافي
سلام عليكم اخي ممكن رقمك الواتساب اريد اتصل بيك واكون ممنون ...
تدلل عيوني
07717833905
عاشت الايادي اخي الغالي الأستاذ علي الكعبي تحياتي لك يا طيب القلب
السلام عليكم
استاذي العزيز طبعاً اني بدايت ماتعلمت الكهرباء تعلمت منك كثير وكثير والله العظيم جنت كل مااشوفك تنشر فيديو ادعيلك لان حيل حبيت هاي المهنه والحمدلله هسه اني توظفت بدائره حكومية وصرت كهربائي
المهم استاذ عندي اقتراح على هذا البورد ليش ماتخلي الكونتكتر فقط للاحمال الخفيفة والانارة وبنفس الوقت تخلي سلكتر يدخل عليه 3 فيز من القاطع ويخرج من عنده فيز واحد للكونتكتر واذا صار بي خلل تبدل من السلكتر للفيز الثاني او الثالث وبنفس الوقت تخلي سلكتر صغير للكونترول يعني مثلا راح يخرج من القاطع 3 فيز احمر و اسود وازق يدخلن على السلكتر احنا راح نختار الفير الاول للاحمال الخفيفة اللي هو اللون الاحمر راح يصير رقم 1 بل سلكتر واللون الاسود رقم 2 واللون الازرق رقم 3
ونخرج من السلكتر فيز واحد اللي هو الاحمر نخلي للاحمال الخفيفة والانارة ونخلي سلكتر صغير للكونترول بنفس الترتيب يعني اللون الاحمر رقم 1واللون الاسود رقم 2واللون الازرق رقم 3
ونخلي السلكترات على رقم واحد اللي هو اللون الاحمر والفازات الثانية الاسود والازرق نخليها للاحمال الثقيلة مثل السخان والسبالت وغيرها وهنا راح نخلي لكل سبلت جهاز حماية واسف على الاطالة بس حبيت اشارك رائيي ❤
عليكم استاذي العزيز اتشرف بمعرفتكم والفضل لله بكل هذا العمل ومعرفتي بكم هي الجائزة الكبرى بلنسبة الي الله يحفظكم جميعآ بلنسبة للمقترح مالتك كلة معمول بي بلوقت الحالي لكن في حال لا يوجد مكان لأجهزة الحماية الثقيلة لا في بورد الجوزات وصاحب المنزل لا يريد اجهزة داخل البيت هنا راح تضطر لعمل كل فيز كونتكتر وحماية فيزفلر وخاصة هذا العمل مطلوب اذا كان لديك مولد 3 فيز