Ш.Гүрбазар - Хоршоо Дэрэм
HTML-код
- Опубликовано: 19 авг 2024
- Соёлын гавьяат зүтгэлтэн, Д.Нацагдоржийн нэрэмжит шагналт яруу найрагч Шагдарсүрэнгийн Гүрбазарын "Хоршоо Дэрэм" шүлгийг хүргэж байна.
Шар хамба шиг толгод зээгэлтсэн говь байдаг юм
Шанд бараадсан торгоны хээ шиг сум байдаг юм
Шаглаа алхан хээний өнцөг шиг жижигхэн байшинд хоршоо байдаг юм
Шагайн тойром шиг хашаандаа намхан Дэрэм гурил үүрдэг юм
Дэрэм гэрээсээ гарахад үүр цайдаг байсан
Дэлгүүр дээрээ очиход нар гардаг байсан
Дэлхий үнэгчилсэн хяруунаар
Дүнсээ угалзуулж алхана
Бөхийсхийн гурилаа үүрэхэд нь
Бүгд найрамдах улсын төрийн дуулал эгшиглэнэ
Нар өглөө Дэрэм гурав
Насаараа ингэж л учирсан
Цэцэн вангийн хушууны хүний ганц хүү юм гэнэлээ
Цэцэгт хярааны дээсэнд харуулд зогсож байсан юм гэнэлээ
Цэвэлдолгор эгчтэй залуудаа өнжиж хонож явсан юм гэнэлээ
Цэргийн дарга дагаад явчихаар нь өөртөөн гомдсон юм гэнэлээ
Холын хол сумнаас өнчнийг авч үрчилсэн
Хоршоо анх байгуулахад өөрөөн элссэн Дэрэмийг
Дүүрэн бэрхтэй шинэлсэн шинийн нэгэн мэддэггүй юм аа
Дурдан гологдсон гоёлтой цэргийн наадам таньдаггүй юм аа
Гэхдээ...
Цавьдар гоёхон хоймор бол хийморь нь явсан Дэрэм
Цаваг уугсан халуундаан бол салхи нь явсан Дэрэм
Өргөмөл ганцхан охиндоон бол ижий нь явсан Дэрэм
Өрөөл ухаарахгүй тавиландаа бол эзэн нь явсан Дэрэм ээ
Дэрэмийн түшилцсэн нэгдэл
Жаран жилээн тэмдэглэж байхад
Дээлээ ч солиогүй өвгөн
Жаахан гэртээ халуунтай байсан
Хоршоо, холбоо, "хөлөөб" гурвыг
Хорвоо хэмээн туучсан гутал нь
Зуухныхаа дэргэд түрийгээ даахгүй
Зулгаараан санаа алдах шиг гунигтай байсан
Хугацаагаар авсан одонгууд
Хурандаагийн цээжин дээр чихэлдэж болсон юм
Үнэнд ичсэн Дэрэмийн энгэр дээр
Үгүйдээ ганц нь гялайх нь яагаа вэ
Магтъя гэж магтаагүй ээ
Манай сумынхан мартдаггүй юм
Өрөвдье гэж өрөвдөөгүй ээ
Өөрөөн бодогдоод болдоггүй юм
Шар хамба шиг толгод зээгэлсэн говь байдаг юм
Шанд бараадсан торгоны хээ шиг сум байдаг юм
Шаглаа алхан хээний өнцөг шиг жижигхэн байшинд хоршоо байдаг юм
Шагайн тойром шиг хашаандаа намхан Дэрэм гурил үүрдэг юм
Буман шуудай гурил үүрсэн ч аз заяа минь гэж бодсон
Хоршооны Дэрэм
Бууж үдлэх цоохор замбуулинг
Алтанширээ минь гэж залбирсан
Хорвоогийн Дэрэм ээ
Дэрэм гэрээсээ гарахад үүр цайдаг байсан
Дэлгүүр дээрээ очиход нар гардаг байсан
Манай сувгийг дэмжиж SUBSCRIBE, LIKE дараад өгөөрэй.
Баярлалаа.
#Гүрбазар #Gurbazar #Дэрэм #Хоршоо #Derem #Horshoo
#Yaruunairag #shuleg #шүлэг #монгол #mongol #Mongolia
Мундаг шүлэг шүү
Сайхан шүлэг
❤❤❤
ппзүүзкъкъъкзк90зззззп09
Vnexeer gaixaltai shuleg shvv. Yagaad iim xvmvvs dund chimeegvixen amidraad yavchixdag yum bol ??? Taniigaa mash ix sanaj baina.
аяных нь нэр юу вэ
аяных нь нэр юу вэ
Manduhai tsetsen hatan Jantsannorov