سر القشرة اللامعة في وصفات البراونيز الفاخرة، تلقونها بهاي الوصفة👌🏻 براونيز فاااخرة

هاي الوصفة كنت بأحتفظ فيها لنفسي لكن من كثر ما بعتولي ع الخاص بدكم الوصفة، رح أنزلها لكن بشرط تدعولي دعوة حلوة من قلبكم 🤗♥️🌹
صدقاً من أنجح الوصفات اللي جربتها للبروانيز و أسهلها كمان و طعمها fudgy و طعم الشوكلاتة الدارك واضح فيها و ما بتغث أبداً.
بجد والله بلا مبالغة، أنا صعبة الإرضاء بالحدويات و ما بيعجبني أي شي بس هالوصفة غيررررر. بس بشرط بدكم تستخدموا مكونات مرتبة، يعني ما تستخدموا زبدة نباتية و تقولولي ما طلعت طيبة، و لا تستخدموا شوكلاتة نوعية رديئة و تتوقعوا يصير سحر و تقلب معكم الوصفة واووو 😂😂🤗
يعني استخدموا مكونات ذات جودة عالية قدر الامكان 👌🏻
و إذا شلت تفاعل حلو و بيفرح القلب على هدا الريل احتمال كبير أنزللكم الفيديو كامل لطريقة عملها.
هلا خلونا بالمقادير:
بعرفكم متحمسين عليها 😌
المقادير:
• 1 كوب (230 جرام) زبدة مذابة
• 2 ملعقة كبيرة (30 مل) زيت نباتي
• 1 ½ كوب (240 جرام) سكر أبيض
• 1 كوب (200 جرام) سكر بني
• 4 بيضات
• 1 ملعقة صغيرة فانيليا
• 1 م/ص ملح
• 1 كوب (120 جرام) دقيق متعدد الاستعمالات
• 1 كوب (100 جرام) كاكاو خام
• 400 جرام شوكولاتة دارك مقطعة
جوز مفروم اختياري "بس اضافته بتنقل الطعم لمستوى آخر" استخدمت حوال 200 جم
ملحوظة:
يمكن تقليل كمية السكر حسب الذوق.
الطريقة:
1️⃣ نذوب الزبدة الحيواني و ننزل فيها بالعجان أو الميكسر، ممكن نستخدم مضرب يدوي
2️⃣ نضيف السكر البني و السكر العادي "يفضل يكون ناعم الحبيبات جدا" و نخلط لحتى يتجانسوا منيح و نحس انه السكر تقريباً داب و هدا سر اللمعة، هنا استخدمت مضرب الكف.
3️⃣ ننزل بالبيض واحدة واحدة و نكمل خفق منيح بمضرب الكف.
4️⃣ ننخل المواد الجافة و نضيفها و نقلب كم تقليبة.
5️⃣ نضيف الشوكلاتة المقطعة و الجوز المفروم. و نقلبهم.
6️⃣ نصب الخليط في صينية فرن مقاس 20*30 تقريبا
7️⃣ الفرن محمى مسبقا حرارة 170 دوجة مئوية حرارة من أسفل مع مروحة مدة نصف ساعة فقط.
8️⃣ بعد ما خلصت النصف ساعة طفيت الفرن و تركت الصينية داخل الفرن و بس بردت تماماً قطعتها.
#baking #recipe #brownies #homebaking #chef #pastry #explore