Makalo od kompiri i praz | Hrana i Vino MKD

Со арома на лук само еден од специјалитетите на нашите баби. Не и треба голема мајсторија за правење, а вкусот - одличен.
МАКАЛО ОД КОМПИРИ И ПРАЗ
лесна
за 4 лица
- 1 кг варени лупени компири
- 400 г праз
- 250 г доматно пире
- 20 варени суви црвени пиперки
- 3 чешниња лук
- 200 мл масло за јадење
- Хималајска сол и црн пипер
Потребно време за подготовка на ова предјадење е 10 - тина минути.
Компирите ги сечкаме на коцки и ги ставаме во длабок сад. Ги гмечиме со алатка за пире, но не премногу за да останат мали парчиња компири. Празот и чешнињата лук ситно ги сечкаме, и ги додаваме во садот.
На сувите варени црвени пиперки им ги отстрануваме рачките и семките, и ги ставаме во друг длабок сад. Додаваме 150 мл топла вода и миксаме со блендер. Измиксаните пиперки ги додаваме во садот со компирите и празот. Посолуваме и наросуваме мелен црн пипер.
Во тенџере на оган го ставаме маслото да се загрее и го преливаме макалото. Го додаваме доматното пире и промешуваме.
На чинија за сервирање ставаме од Макалото од компири и праз. Декорираме со тенки коси кругови праз и еден лист целер.
Со ова предјадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
Subscribe for upcoming recipes:
/ @hranaivinomkd
Follow us:
Facebook: / hranaivino