Mario Abbate - Napulitanata

Mario Abbate - Napulitanata. Versi di Salvatore Di Giacomo - Musica di P. M. Costa - 1884 -
Testo:
Uocchie de suonno, nire, appassiunate,
ca de lu mmele la ducezza avite,
pecché, cu sti gguardate ca facite,
vuje nu vrasiero mpietto m'appicciate?
Ve manca la parola e mme parlate,
pare ca senza lacreme chiagnite,
de sta faccella janca anema site,
uocchie belle, uocchie doce, uocchie affatate!
Vuje, ca nziemme a li sciure v'arapite
e nzieme cu li sciure ve nzerrate,
sciure de passione mme parite.
Vuje, sentimento de li nnamurate,
mm'avite fatto male e lu sapite,
uocchie de suonno, nire, appassiunate.

[@alexanderpuritano]

sicuramente , unitamente alla versione cantata al piano da Tito Schipa, ineguagliabile .