佘詩曼與fans分享中學時笑料 家政堂將pancake拋出窗

佘詩曼與fans分享中學時笑料 家政堂將pancake拋出窗
向來寵粉嘅佘詩曼，對fans嘅要求大多唔會拒絕，有空閒時間佢仲會同fans傾吓偈講吓啲生活瑣事，呢日阿佘喺機場就同等候啲fans講起自己讀書時期嘅趣事。
原來在場嘅fans入面，有同阿佘讀同一間中學嘅「小師妹」，對方分享自己近日要補考家政科，阿佘聽完就分享返當年自己上家政堂嘅笑料，當年佢煎pancake時，老師鼓勵佢拋鑊嚟反轉塊pancake，當時嘅阿佘雖然覺得自己搞唔掂，但由於老師一再堅持，所以佢就硬住頭皮去拋鑊，點知控制唔好力度，結果阿佘塊pancake就飛咗出窗，相當搞笑。
之後有fans問阿佘當年讀書時係咪學校泳隊？阿佘就話自己本身係入泳隊嘅，但因為跳水時整傷咗條腰，到而家都留有舊患。
講起學校，阿佘就話自己已經有成10年冇返過學校，又話自己好掛住學校嘅炸雞髀，好想返去食，但當聽到fans講學校而家已經冇賣炸雞髀後，阿佘即話：「所以咪就係唔返囉！」仲好坦白咁話自己返去只係為咗食嘢呀！
#佘詩曼 #機場 #寵粉 #對話 #中學 #炸雞髀 #泳隊 #舊患 #pancake #拋鑊 #家政堂 #笑料 #老師 #小師妹 #趣事 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0